Ferizaj

Vazhdon seanca gjyqësore ndaj ish-drejtorit Faik Grainca

Published

6 years ago

26 June, 2020

Në Gjykatën Themelore të Ferizajt ka vazhduar seanca gjyqësore ndaj ish-drejtorit të Urbanizmit Faik Grainca, i akuzuar për flasifikim të dokumentit dhe keqpërdorim të detyrës zyrtare gjatë hartimit të Planit Zhvillimor Komunal të Ferizajt 2017-2025.

Graincës edhe sot iu parashtruan pyetje nga pala e dëmtuar, në këtë rast, Imri Haliti, banor i rrugës “Astrit Bytyqi” në Ferizaj.

“Çka keni dashtë me bë me pronat e tona ku pa na pyetur shtëpinë time personale 70% e keni shndërruar në ndërtim të lartë, kurse 30% ndërtim të ulët, kështu e keni paraparë me draft?”, tha Haliti.

“Unë nuk e kam paraparë, unë kam qenë drejtues i komisionit së bashku me drejtor të drejtorive dhe kryetarin. PZHK nuk është dokument i imi, por i komunës si dhe PZHK nuk flet për përqindje, por këtë e bëjnë hartat zonale”,u përgjigj Grainca.

“Atëherë, kush është personi që ma ka shkatërru shtëpinë?”, pyeti Haliti.

“Është Kuvendi Komunal”, u përgjigj Grainca.

Haliti, më tutje e pyeti Graincën përse ndryshuan mendje për ta lënë anën e majtë të rrugës “Astrit Bytyqi” në ndërtim të ulët, edhe pse në draft e kishin planifikuar për ndërtim të lartë.

“A keni pasur njohuri që është hequr nga ndërtimi i lartë brezi i majtë i rrugës, kurse vetëm pronën tonë që është 5 metra larg saj e bëtë ndërtim të lartë?”, pyeti Haliti.

“Kjo ka ndodhur pasi kemi parë që Lagjja e Re ka qenë e rregulluar me plane të detajuara të para disa viteve”, tha Grainca.

Edhe në këtë seancë Grainca u pyet se a kanë qenë të njoftuar asamblistët e Kuvendit Komunal të Ferizajt për peticionet e banorëve të rrugës ”Astrit Bytyqi”, kur është miratuar Plani Zhvillimor Komunal i Ferizajt.

“A kanë qenë në dijeni, apo a janë njoftuar anëtarët e Kuvendit për peticion, apo a e kanë pasur në dorë peticionin e qytetarëve”, pyeti Haliti.

“Peticioni nuk i është drejtuar Kuvendit, por i është drejtuar komsionit për hartimin e PZHK-së, kështu që nuk ka pas nevojë absolutisht me i pas Kuvendi peticionet, por në seancën kur është aprovuar PZHK-ja unë i kam njoftuar të gjithë delegatët për ekzistimin e këtij peticioni që është dëshmuar edhe në CD. Nëse iu keni drejtuar me peticion Kuvendit, atëherë ka qenë kompetencë e kryesuesit dhe jo e imja”, tha Grainca.

Seanca e gjyqësore e radhës e ndaj ish-drejtorit të Urbanizmit Faik Grainca, u caktua të mbahet më 17 korrik.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.