Ferizaj

Përveç gastronomisë, bizneseve të tjera u lejohet operimi edhe pas orës 21:00

Published

5 years ago

10 July, 2020

Vendimi i Qeverisë së Kosovës për kufizim të lëvizjes së qytetarëve dhe mbylljen e biznesve të gastronomisë nga ora 21:00 deri në orën 05:00 të mëngjesit, siç duket është keqkuptuar nga Inspektorati i Ferizajt. Edhe pse nuk pranuan të flasin para kamerës, disa biznese siç janë furrat e bukës, barnatoret e marketet, janë ankuar se janë mbyllur me forcë pas orës 21:00 nga Inspektorati Komunal.

Maliq Muharremi inspektor në Ferizaj, thotë se ata e kanë zbatuar vetëm vendimin e Qeverisë, ndërsa tregon se kanë pranuar një vendim tjetër nga niveli qëndror i cili sqaron se cilat biznese mund të punojnë e cilat jo, pas orës 21:00.

“Me ardhjen e vendimit të ri të Qeverisë së Kosovës më 6 korrik Inspektorati Komunal i Ferizajt është vënë në zbatim të këtij vendimi për mbylljen e të gjitha subjekteve gastronomike në Ferizaj, por dje na ka ardhë një vendim i ri që lejon disa veprimtari që të punojnë edhe pas orës 21:00, ndër to janë qendrat tregtare, furrat e bukës, subjektet prodhuese, ndërtimtare e të tjerë, të cilët lejohen të ushtorojnë veprimtaritë e tyre edhe pas orës 21:00, por që duhet të pajisen me një leje që e lëshon ATK-ja, ndërsa të ndaluar e kanë të gjitha bizneset gastronomike ku hynë kafeteritë, restorantet e klubet”, tha Muharremi.

Një ndër masat obligative që Qeveria ka urdhëruar të zbatohet që nga fillimi i pandemisë Covid-19, është edhe vendosja e dezinfektuesve në hyrje të çdo objekti institucional e biznesor ku frekuentojnë qytetarët.

Por, ky vendim nuk është duke u zbatuar as nga Komuna e Ferizajt. Në objektin e vjetër të komunës së Ferizajt, përveç që nuk ka dezinfektues në hyrje të objektit, të tillë nuk shihen as nëpër sportele ku qytetarët çdo ditë marrin shërbime të ndryshme administrative.

Ferizaj

Lëndohet një person në vendin e punës në Ferizaj

Published

2 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

4 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

4 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.