Connect with us

Ferizaj

Breshri shkakton dëme të mëdha në Ferizaj

Published

on

Shiu dhe breshri që të shtunën përfshinë Ferizajn dhe disa fshatra të tij, ka shkaktuar dëme të mëdha, e sidomos në kulturat bujqësore.

Gegë Zefi nga fshati Bibaj, i cili ka të mbjella një hektarë dredhëza dhe katër hektarë mjedra, thotë se breshri ia ka dëmtuar të gjitha dredhëzat dhe se ato më nuk janë për treg.

“Dëmi është i madh, diku 90% janë të dëmtuara, dredhëzat sidomos, mjedra diçka ka pshtu, por dredhëza jo, pasi e ka prishur frutin edhe lulen e ka copëtu dhe nuk e besoj që mundet me u rikuperu më. Asnjëherë më parë nuk i kam pas më mirë  edhe koha e prillit ka qenë shumë e mirë dhe shumë shpresëdhënëse, çdo ditë ka qenë me diell nuk kam pas nevojë me intervenua me pesticide, kanë qenë shumë të mira, por për një ditë shkuan dëm të gjitha. Po presim tani  me ardhë me ba vlerësimin nëse ka mundësi me na ndihmu Qeveria apo Drejtoria e Bujqësisë, nëse na ndihmojnë diçka, përndryshe kam fillu me punëtorë me diskutu duhet me ba reduktimin e punëtorëve,  i kam 7 punëtorë e kanë pa edhe ata vetë”, tha Zefi.

 

Ndërsa, kryetari i komunës së Ferizajt Agim Aliu, tha se në bazë të raportimeve nga banorët e zonave të përmbytura dhe vizitave në terren, do të hartohet një raport i evidentimit të saktë të dëmeve që ka shkaktuar stuhia e shiut dhe breshrit në territorin e Ferizajt, për të parë më pas se cilat janë mundësitë për kompensim.

“Një çështje që asnjëherë nuk e kemi bërë mirë ka qenë sigurimi i fondeve në rastet emergjente, janë gjetur shpesh nga Qeveria e Kosovës  fonde edhe për projekteve fiktive, por jo edhe për projekte të tilla për kategoritë që dëmtohen më së shumti dhe sigurisht që nëse kësaj radhe ka ndodh në Ferizaj më vonë do të ndodh edhe në komuna të tjera, por Qeveria përfundimisht  duhet të krijojë fonde rezervë për situata emergjente, sepse kapacitetet e komunave janë të pamjaftueshme për të menaxhuar situata të tilla në kuptimin e dhënies së dëmshpërblimit për dëmet që shkaktohen. Kompensimet, ne do e shohim me Qeverinë, ne do e bëjmë raportin dhe do shohim se çfarë sjellë raporti mbi dëmet e shkaktuara dhe vlerën e saj dhe mbi bazën e vlerës së dëmit të caktuar ne sigurisht kemi bashkëpunim të mirë me Qeverinë dhe do shohim mundësitë se si të kompensohet një dëm i shkaktuar në këtë rast”, tha Aliu.

I pyetur për krijimin e një sistemi të mbrojtjes kundër breshrit në komunën e Ferizajt, Aliu tha se kjo është kompetencë e Qeverisë së Kosovës.

“Duhet të mendojë Qeveria e Republikës së Kosovës, sepse ne e dimë që më parë ka ekzistuar dhe është kërkesë edhe e jona edhe e qytetarëve që të ketë një sistem të mbrojtjes, unë e mbajë mend si fëmijë që ka qenë në fshatin Lloshkobare dhe në bazë të parashikimeve të meterologëve ka bërë reagimet me kohë dhe sado kudo ka parandaluar stuhitë e tilla, e sidomos të breshrit, por është detyrë qeveritare që përmes Institutit Hidrometeorologjik të krijojë masa të tilla mbrojtëse, sepse po flasim për diçka që nuk është në kompetencë të komunës, ne gjithçka është në kompetencën tonë do të bëjmë veprimet e duhura dhe mua më vjen mirë që kemi menaxhuar situatën mirë dhe dëmet janë të vogla në kuptimin e një stuhie çfare ka qenë”, theksoi Aliu.

Sipas zyrtarëve komunal, breshri i së shtunës dëme më të mëdha ka shkaktuar në fshatrat Koshare, Dremjak, Slivovë, Talinoc, Pojatë,  Mirash, Varosh, por edhe nëpër disa fshatra të tjerë. Ndërsa, për dallim prej viteve të kaluara, kësaj radhe në fshatin Tërrn nuk ka pasur vërshime.

Continue Reading
Click to comment

Leave a Reply

Your email address will not be published. Required fields are marked *

Ferizaj

Grabitje e armatosur në një lokal në Ferizaj

Published

on

Një burrë ka raportuar në polici se një person i maskuar ka hyrë në lokal dhe në kërcënimin e armës ka grabitur një shumë te konsiderueshme parash pasi paraprakisht e ka lidhur viktimën me lidhëse plastike.

Grabitja ka ndodhur mesditën e djeshme, 27.03.2024 në Ferizaj.   

Në raportin 24 orësh, policia ka njoftuar se rasti është cilësuar si “grabitje me armë”.

Continue Reading

Ferizaj

Grabiten rreth 30 mijë euro në një këmbimore në Ferizaj

Published

on

Pasditen e sotme ka ndodhur një grabitje e armatosur në një këmbimore në rrugën Sali Çeku Ferizaj , ku dyshohet se vjedhur rreth 30 mijë euro.

Sipas Policisë, grabitësi i armatosur pas vjedhjes ka ikur në drejtim të panjohur. Në atë kohë, në këmbimore ishte vetëm një punëtor 30-vjeçar.

Policia ka nisur hetimet për identifikimin dhe arrestimin e të dyshuarit.

Njoftimi i policisë:

Me datën 27.03.2024 rreth orës 12:20 kemi pranuar një informacion se në një këmbimore, e cila gjendet ne rrugën” Sali Çeku” në Ferizaj, dyshohet se një person i maskuar dhe nën kërcënimin e armës së zjarrit ( pistoletë) arrin të marrë (grabitë)një shumë të caktuar të parave dhe të largohet në drejtim të panjohur.  Menjëherë ekipe të policisë, policë të rendit, hetues të stacionit, si dhe hetuesit dhe krim-teknikët rajonal kanë dalë në vendin e ngjarjes dhe kanë marrë masat e nevojshme të hetimit për identifikimin dhe kapjen e të dyshuarit e kësaj ngjarje. Për ë gjitha këto veprime është njoftuar edhe prokurori kujdestar nga Prokuroria Themelore në Ferizaj. Në momentin e grabitjes ka qenë duke punuar një punëtor, i moshës 30 vjeçar dhe nuk raportohet për lëndime. Dyshohet se janë grabitur rreth 30 mijë euro”.

Continue Reading

Ferizaj

Gjobë 150€, 2 pikë negative dhe 3 muaj ndalesë për tejkalim në anën e kundërt

Published

on

Policia në Ferizaj pas pranimit të një video incizimi më 20.03.2024, ka evidentuar shkeljen e rregullave të trafikut, pasi në rrugën magjistrale Ferizaj- Kaçanik ,në afërsi të udhëkryqit përnë fshatin Komogllavë, një shofer me automjetin e tij shihet duke bërë tejkalimin në anën e kundërt ( djathtë ) të një automjeti tjetër para tij.

Policia e Komunikacionit Rrugor e ka identifikuar shoferin K.K, i moshës 50 vjeç dhe atij i kanë shqiptuar një gjobë për kundërvajtje 150 euro, 2 pikë negative dhe 3 muaj masë mbrojtëse, heqje e patentë shoferit.

Continue Reading

Trending