Ferizaj

LDK kërkon përgjigje nga ministria për ndryshimin e lokacionit të Spitalit Rajonal

Published

8 years ago

17 May, 2018

Grupi i kuvendarëve të Lidhjes Demokratike të Kosovës në Ferizaj, në një konferencë për media para Ministrisë së Mjedisit dhe Planifikimit Hapësinor dhe Ministrisë së Administrimit të Pushtetit Lokal në Prishtinë, kanë shprehur mospajtimin në lidhje me, siç kanë thënë ata, neglizhencën e këtyre ministrive lidhur me synimet e pushtetit lokal të Ferizajt për të ndryshuar Planin e miratuar Zhvillimor Komunal, përkatësisht ndryshimin e lokacionit të Spitalit Regjional të Ferizajt, gjë që sipas LDK-së, është në kundërshtim me ligjet në fuqi. Ata kanë paralajmëruar se nëse nuk ndërmerret asgjë për këtë vendim, çështjen do ta dërgojnë në Kushtetuese.

“Kemi ardhur të shprehim shqetësimin tonë nga mosmarrja e përgjigjes për më tepër se një muaj nga Ministria e Mjedisit dhe Planifikimit Hapësinor ku bëhet fjalë për kontestimin e vendimit në Kuvendin Komunal i cili ka marrë në kundërshtim me ligjet në fuqi dhe në kundërshtim me Planin Zhvillimor të cilin e ka komuna e Ferizajt, bëhet fjalë për ndërrimin e paligjshëm të lokacionit të spitalit të Ferizajt”, tha Karameta.

Ndërsa, asamblisti Gëzim Kokollari, tha se pushteti i PDK-së po synon ndërrimin e lokacionit ani pse për rregullimin e hapësirës tek Parku ‘’Liria’’, ku ishte paraparë të ndërtohej spitali, operatorit ekonomik i janë ndarë rreth 500 mijë euro.

“Paradoksi është këtu se realisht janë kryer të gjitha procedurat e tenderimit dhe kemi informata të sakta që janë ndarë edhe 500 mijë euro për operatorin ekonomik që e ka marrë punën për ta kryer në lokacionin te “Pishat”, ndërsa në kundërshti të plotë me ligjin edhe përkundër të gjitha procedurave që janë kryer po tentohet që të ndërrohet lokacioni në vend që tani më kjo punë të jetë e kryer dhe ndoshta të jetë kati i parë i përfunduar, pasi që i kanë marrë mjetet dhe operatori ekonomik po i përdorë për nevoja të veta”, u shpreh ai.

Lokacioni i paraparë më herët për ndërtimin e spitalit regjional në Ferizaj ishte te parku “Liria”, ndërsa tani ndërtimi i spitalit në këtë qytet është paraparë të bëhet tek ish-tregu i kafshëve në rrugën “Driton Islami”.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim