Ferizaj

Fermeri nga Sojeva kultivon 3 hektarë lajthi

Published

7 years ago

08 September, 2018

Kultivimi i kulturave të ndryshme bujqësore si dhe rëndësia për plotësimin e nevojave për produkte të ndryshme nga prodhimi vendor, ka bërë që fermeri Ekrem Nebihu nga fshati Sojevë i Ferizajt, të ndërmarrë iniciativë për të kultivuar lajthinë në një sipërfaqe prej 3 hektarësh.

Nebihu shprehet se pasioni që ka për tokën e ka shtyrë që të eksperimentoj me këtë kulturë e cila rrallë gjendet në komunën e Ferizajt. Sipas tij, një fidan i lajthisë, prodhon rreth 20 kilogram frutë.

“Në një mbrëmje duke shikuar në interent, veçanërisht punën në Turqi, sepse vendi i parë që në Evropë ishte Turqia për prodhimin e fidanëve të lajthisë dhe aty më erdhi ideja të mbjelli lajthi, çdo ditë në ora 5 të mëngjesit zgjohem dhe mandej tërë ditën i shikoj, edhe për shëndet është më mirë, por më së shumti e kam bërë për hobi veç mos me nejtë se tani dalë në pension dhe kohën më së shumti do ta kaloj këtu, krejt vet i kam bërë, më ka kushtuar pak investimi por besoj që edhe përfitime do të kem”, tha Nebihu.

Nebihu, shpreson që në një të ardhme të afërt, me lajthitë e tij t’i furnizojë edhe tregjet jashtë Kosovës.

“Afër dy vite bëhen që i kam mbjellur, ndërsa pas 4 viteve fillon me u shumu prodhimi, të gjitha janë bio, ndërsa sivjet vetëm se kanë filluar, por pak kam marrë nga to, afër 20 kilogram, ndërsa vitin e katërt vijnë duke u shumuar, tregun ende nuk e kam shiku, por unë mendoj që kur të bëhen me i shitë edhe jashtë vendit me e promovu Kosovën me këto lajthia”, tha Nebihu.

Nebihu tha se po planifikon hapjen e një pike grumbulluese të lajthisë.

Ferizaj

Ndërroi jetë artisti dhe koreografi i shquar ferizajas, Bajram Tahiri

Published

1 day ago

03 February, 2026

Redaksia

Ka ndërruar jetë Bajram Tahiri, artist, valltar dhe koreografi i shquar i ansamblit “Kastriotët” në Ferizaj.

I ndjeri gjithë jetën e tij artistike ia kushtoi ruajtjes dhe begatimit të traditës dhe trashëgimisë kulturore, fillimisht si valltar pastaj edhe si koreograf i A.K.V ,,Kastriotët” Ferizaj.

Për një periudhë kohore, nga viti 1999-2009, Tahiri ishte Drejtor Operativ në KRM “Pastërtia”, pastaj nga viti 2017 deri në vitin 2020 shërbeu si këshilltar politik në Ministrinë e Tregtisë dhe Industrisë, derisa nga viti 2010 udhëhoqi me kompaninë “Mbrojtja e Ambientit”.

Mbledhja komemorative për artistin e ndjerë, Bajram Tahiri, mbahet më 3 Shkurt 2026, ora 14:00 në Teatrin “Adriana” kurse ceremonia e varrimit nga ora 15:30 në varrezat e reja të qytetit.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.