Ferizaj

Shfaqja “Gratë” e Teatrit të Shkupit fiton çmimet kryesore në Festivalin e Teatrove në Ferizaj

Published

7 years ago

29 October, 2018

Shfaqja “Gratë” e realizuar nga teatri shqiptar i Shkupit, është shfaqja fituese e edicionit të 48-të të Festivalit Ndërkombëtar të Teatrove, i cili është mbajtur përgjatë 8 netëve në qytetin e Ferizajt.

Juria e përbërë prej Fadil Hysajt, Blerta Rrustemit-Nezirajt dhe Nexhat Xhoklit, vendosi që shfaqjen me regji të Qendrim Rijanit, ta shpërblej edhe për regjinë më të mirë, për rolin e dytë femër të luajtur nga Amernis Jovanovska-Nokshiqi, si dhe iu nda çmimi i gazetarëve.

Regjisori i shfaqjes fituese të këtij edicioni, Qendrim Rijani, tha se për këto çmime kanë punuar shumë.

“Jemi përpjekur vazhdimisht për të qenë pjesë e këtij festivali, po ashtu ishim pjesë e këtij festivali edhe në kohën e rimëkëmbjes të sij për ta nderuar, sigurisht që pastaj është kënaqësi të jesh pjesë e këtij festivali që nga viti në vit shfaqjet janë më të ngritura, sivjet ishte fati i teatrit shqiptar edhe pse kishte vlera nga të githa trupat teatrale, për neve është kënaqësi të marrësh katër çmime në këtë edicion dhe falënderoj gjithë trupën e tetarit shqiptar”, tha Rijani.

Drejtoresha e Kulturës, e Rinisë dhe e Sportit në Ferizaj Xhemile Murati- Shabani, duke falënderuar të gjithë për pjesëmarrje, tha se teatri i Ferizajt pati nderin të jetë nikoqir i aktorëve me renome botërore Rexhep Mitrovica dhe Arben Bajraktari.

“Përshëndes të gjitha trupat teatrore pjesëmarrëse, po ashtu edhe publikun që ishin çdo natë, ne kishim nderin që hapjen e festivalit e bëm me një shfaqje mysafire ngë Franca dhe kishim nderin që kishim aktorin e mirënjohur Rexhep Mitrovica dhe aktorin Arben Bajraktari”, tha ajo.

Në edicionin e 48-të të Festivalit të Teatrove aktori më i mirë i Festivalit u shpall Shpëtim Selmani, për rolin në shfaqjen “Zoti i Masakrës” të Teatrit Kombëtar të Kosovës, ndërkaq aktorja më e mirë Elia Zaharia nga Teatri i Korçës.

Në këtë festival me çmime u nderuan edhe Vjosa Abazi nga teatri “Adriana” për rolin episodik, Avni Shkodra nga Teatri i Gjilanit për rolin dytësor, Sanka Ferri dhe Mentor Berisha nga Tetari i Prizrenit për kostumografinë dhe skenografinë më të mirë.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.