Ferizaj

Kolonel Macaraeg merr detyrën e komandantit të KFOR-it amerikan

Published

7 years ago

17 November, 2018

Koloneli Roy J.Macaraeg është komandanti i ri i KFOR-it amerikan në Kosovë. Në ceremoninë e sotme të pranim-dorëzimit të komandës në kampin Bondsteel afër Ferizajt, ishte edhe kryeministri i Kosovës Ramush Haradinaj dhe e ngarkuara me Punë në Misionin e Shteteve të Bashkuara të Amerikës në Republikën e Kosovës, Colleen Hyland.

Në përfundim të mandatit të tij, komandanti i deritanishëm i brigadës shumëkombëshe lindje, koloneli Nick Ducich, tha se është i nderuar që shërbeu në Kosovë. Pos falënderimit për njësitin polak, rumun dhe atë turk që ndihmuan në mbarëvajtjen e raporteve të mira mes komuniteteve në Kosovë, Ducich u shpreh falënderues edhe për bashkëpunimin e shkëlqyeshëm me policinë e Kosovës, FSK-në dhe komandën e ushtrisë së Serbisë për zhvillimin e 369 operacioneve të përbashkëta të kontrollit kufitar.

Ndërkaq, në konferencën e tij të parë për media pas pranimit të detyrës, koloneli Roy J.Macaraeg, u shpreh për vazhdimësinë e të gjitha detyrave të përcaktuara për misionin e KFOR-it pa ndonjë ndryshim esencial. Ai tha se edhe përkundër tensioneve të izoluara që kryesisht lidhen rreth procesit të dialogut, gjendja në Kosovë është e qetë.

Koloneli 45 vjeçar Roy J.Macaraeg, është komandant i brigadës së këmbësorisë në Havaje e cila është pjesë e Gardës Kombëtare Amerikane.

Ferizaj

Policia e Ferizajt pezullon 20 patentë shoferë brenda një jave

Published

3 days ago

14 July, 2025

Redaksia

Policia Rajonale e Ferizajt ka njoftuar se gjatë javës së kaluar, nga data 07-13.07.2025, janë shqiptuar 1,681 gjoba kundërvajtëse, si dhe janë pezulluar 20 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe janë regjistruar gjithsej 40 aksidente, nga të cilat 22 aksidente me lëndime, ku kanë mbetur të lënduar 29 persona kurse 18 aksidente ishin vetëm me dëme materiale

Policia Rajonale e Ferizajt bëri të ditur do të vazhdojë me aktivitete të shtuara për të parandaluar aksidentet derisa ka apeluar tek të gjithë drejtuesit e automjeteve që të respektojnë rregullat e trafikut.

Ferizaj

Zbulohen pesë emigrantë në një kamion në Terminalin Doganor në Ferizaj

Published

5 days ago

12 July, 2025

Redaksia

Policia e Kosovës ka gjetur 5 emigrantë të paligjshëm në një rimorkio kamioni në Terminalin Doganor në Ferizaj.

Sipas policisë, tre nga emigrantët e zbuluar janë të moshës 17 vjeç, një 18 vjeç dhe një 28 vjeç.

“Sot, më datë 11.07.2025, rreth orës 16:00, policia ka pranuar një informatë se në Terminalin Doganor, në rrugën “Driton Islami” në Ferizaj, në një rimorkio të një kamioni me targa vendore, sipas zyrtarëve doganorë, dyshohej se ndodheshin disa emigrantë të paligjshëm.

Menjëherë pas pranimit të informacionit, në vendngjarje kanë dalë njësitë reaguese dhe Njësia e Hetimeve nga stacioni policor në Ferizaj. Pas hapjes së bllokadave të rimorkios, janë hasur pesë emigrantë: tre prej tyre 17 vjeç, një 18 vjeç dhe një 28 vjeç, të cilët nuk posedonin dokumentacion identifikues.

Lidhur me rastin janë njoftuar prokurori kujdestar dhe njësia për migrim, të cilët kanë dalë në vendin e ngjarjes dhe kanë marrë në trajtim të mëtejshëm të dyshuarit, si dhe drejtuesin e kamionit, shtetasin kosovar B.B., 38 vjeç.” thuhet në njoftimin e policisë.

Ferizaj

Ndëshkohet me 300€ gjobë dhe 6 muaj ndalesë për tejkalim të shpejtësisë në Ferizaj

Published

5 days ago

11 July, 2025

Redaksia

Një shofer 22-vjeçar është kapur nga policia në Ferizaj duke qarkulluar me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, shoferi E.S është gjobitur me 300 euro, 3 pikë negative dhe ndalim i drejtimit të mjetit për 6 muaj

“Sot, më datë 11.07.2025, rreth orës 09:35, njësia policore nga Njësia e Komunikacionit Rrugor në Ferizaj, gjatë kontrollit me radar në rrugën “Brahim Ademi” në Ferizaj, ka ndaluar një automjet të tipit VW Touran me targa vendore. Gjatë matjes së shpejtësisë, është konstatuar se shoferi E.S., 22 vjeç, po qarkullonte me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, ndaj tij janë shqiptuar këto masa:

Gjobë në vlerë prej 300€,

3 pikë negative dhe masë mbrojtëse – ndalim i drejtimit të mjetit për 6 muaj.”