Ferizaj

”Aga Xhite”, kolegji ku nxënësit mësojnë edhe të gatuajnë

Published

7 years ago

24 November, 2018

Në kolegjin ”Aga Xhite” në Ferizaj, kuzhina është shndërruar në hapësirën më të preferuar të fëmijëve që janë të regjistruar në këtë shkollë private.

Në kuadër të aktiviteteve të shumta që zhvillohen aty, të vegjëlit mësojnë edhe si të përgatistin ushqime nga më të ndryshmet.

“Unë përgatita picë, zakonisht gatuajmë petulla, pica, e ushqime të tjera, por më së shumti këto dyja i gatuajmë dhe me pëlqen shumë ky aktivtet”, tha nxënësja Donsia Kamenica.

Ndërkaq, përfaqësues të kolegjit ”Aga Xhite”, thanë se synojnë që përmes këtij aktiviteti nxënësit të zhvillojnë aftësi të ndryshme, përfshirë këtu edhe përvetësimin e matematikës.

“Është duke u zhvilluar aktiviteti i gatimit, kuzhina ose gatimi konsiderohet një laborator që fëmijët mësojnë prej tyre dhe i shtjellojnë të gjitha shqisat e tyre. Fëmijët të cilët gatuajnë zakonisht e zhvillojnë një ndjenjë të arritjes dhe vetëbesimit dhe gjithashtu të kontributit në familjet e tyre. Duke mësuar të përgatisin ata po ashtu zhvillojnë njohuri të të ushqyerit shëndetshëm, gjithashtu gradualisht fillojnë t’iu largohen ushqimeve të përpunuara apo të shpejta dhe përveç kësaj gjatë gatimit fëmijët zhvillojnë aftësitë e matematikës siç janë matja, peshimi, koha, e të tjera”, tha Diellza Emini.

“Në kolegjin tonë përveç mësimit të rregullt që zhvillohet kemi edhe shumë aktivitete jashtë kurrikulare, kemi poashtu edhe aktivitete si lëndë zgjedhore siç janë instrumentet e këndimit, notën, programimin, pikturën, po ashtu edhe aktivitete të lira që zhvillohen pasdite siç janë loja e shahut, leximi dhe komentimi i përrallave e lektyrave, mandej kemi debate, kuize, punëdore dhe të gjitha këto ndikojnë edhe në arritjen e rezultateve, por edhe në relaksimin e tyre dhe gjithashtu në zhvillimin e gjithanshëm të personalitetit të fëmijëve”, tha Fitnete Topalli.

Nga niveli parafillor deri në klasën e dymbëdhjetë në kolegjin ”Aga Xhite” në Ferizaj, janë të regjistruar 126 nxënës.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.