Ferizaj

Demonstratat e vitit 1968 në kujtimet e një pjesëmarrësi

Published

7 years ago

27 November, 2018

Njëri nga pjesëmarrësit e aksioneve liridashëse të viteve 60-ta e që u kurorëzuan me demonstratat historike të 1968-tës, ishte edhe mësuesi i ri në atë kohë dhe veprimtari nga Ferizaj Bajram Aliu. Aliu, i cili sot ka 74 vjet, sjellë kujtimet e tij rreth atyre ditëve të lavdishme. Ai thotë se protestat u organizuan dhe u zhvilluan në rrethana jashtëzakonisht të vështira në kohën kur regjimi komunist ende vazhdonte trysninë dhe kërcënimet kundër popullit, duke ngulfatur e pamundësuar çdo aspiratë liridashëse të shqiptarëve.

“Të drejtat e tona ishin të uzurpuara, nuk kishim të drejta dhe filluam ne demonstratat me kërkesat e tona siç ishin ”Kosova Republikë”, “Duam të drejtat tona”, ”Duam Flamurin”, “Duam Universitetin” dhe kështu ne vazhduam gjatë orëve sa marshuam, mirëpo pas pak kohe filloj të intervenoj policia, i nxirrte një nga një nga radha protestuesit dhe kështu filloi të radikalizohet protesta, por ne vazhduam të marshojmë përkundër që policia ishte e përgatitur, por protestuesit ishin guximtarë, madje kishte edhe kacafytje me policinë”,tha Aliu.

Aliu, tregon se demonstratat e vitit 1968 ishin të suksesshme, sepse në vitet që pasuan shqiptarët siguruan disa të drejta në arsim e kulturë.

“Flamurin e fituam, pasi unë në 67-tën e kisha vizatuar një flamur dhe në 68-tën dasëm kam bërë me atë flamur, pra këto të drejta që i kemi kërkuar ne vetëm se i kemi pasur të garantuara, por se Serbia nuk na i lejonte, pastaj ne dosido në njëfarë mënyre u dashtë t’i realizojmë, më pas fituam edhe Universitetin pasi ne nuk kishim Universitet në Kosovë, atëherë ne edhe gjuhën shqipe e studionim në Beograd, kështu që meqë e fituam Universitetin fituam edhe disa të drejta më shumë se që i kishim, filuan të shumohen edhe studentët, pastaj në një kohë fituam edhe autonominë që ishin demonstratat e 81-tës që na ndihmuan dhe kështu që ne i realizuam disa të drejta tona”, tha Aliu.

Demonstratat e vitit 1968 simbolizojnë zanafillën e kërkesave të shqiptarëve për të drejta, pas shumë vjet vuajtjesh e sakrificash.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim