Connect with us

Ferizaj

Përkujtohen dëshmorët Naim Beka, Agim Matoshi dhe Avni Shehu

Published

on

Mëngjesin e sotëm shumë familjarë, bashkëluftëtarë, përfaqësues të institucioneve dhe qytetarë ia kishin mësyrë Kompleksit të Varrezave të Dëshmorëve në Ferizaj, për të nderuar jetën dhe veprën  e tre dëshmorëve Naim Beka, Agim Matoshi dhe Avni Shehu, të cilët u vranë disa muaj pas përfundimit të luftës.

Nëna e dëshmorit Avni Shehu, Hazbie Shehu, nën emocione tregon se si djali i saj mori rrugën e luftës dhe si e mori lajmin për vdekjen e tij.

 “Po mërzitem boll, por kur po e di që ka shkuar për liri po më heqet gjysma e mërzisë, por çka të bëj prej Zotit, prej punëve të këqija jo, por për liri. E kujtoj ditën sikur sot kur ka dalë për luftë, mua vetëm më tha ditën e mirë, ndërsa babait të vet i kishte treguar, por kaloj mirë por pas një kohe shkoj”, tha Hazbie Shehu, nëna  e dëshmorit Afrim Shehu.

Edhe Advan Beka, djali i heroit të Kosovës Naim Beka, shprehet krenar për babain e tij.

“Sot është 20 vjetori i rënies së prindit, për ne familjarët është një mungesë e madhe sepse tash u bën 20 vite. Unë për vete nuk  e mbaj mend fare babin tim, por kur dëgjoj historitë nga shokët e babit shihet se kishte një trimëri të rrallë dhe jam krenar gjithmonë“, tha Advan Beka, djali i dëshmorit Naim Beka.

 Në 20 vjetorin e rëniës së dëshmorëve Naim Beka, Agim Matoshi dhe Avni Shehu, u mbajt edhe një akademi përkujtimore. Kryetari i komunës së Ferizajt Agim Aliu, tha se sakrifica e tyre do të mbetet në kujtesë gjithmonë tek populli ynë.

“Historia jonë nisi me luftëra, luftën e fituam humbëm më të dashurit, por diçka gjithmonë lulëzon tek ne krenaria që nuk pushon, triumfi që çdo ditë këmbon, ngazëllimi që në çdo faqe të historisë erë ndryshimi përçon. E, tash kur ëndrra e tyre ka kapërcyer udhën e gjatë të vuajtjes  e sakrificës ndjejmë ajrin e freskët të zhvillimit, na përkund lehtë buzëqeshja  e tyre lartë nga qielli, gjaku që lau çdo pëllëmb të kësaj toke, për komb, shtet e republikë“, tha Aliu.

Ish-komandanti i Zonës Operative të Nerodimes, Shukri Buja, tha se këta tre dëshmorë ishin pjesë e celulave të para të Ushtrisë Çlirimtare të Kosovës dhe ishin pjesë e të gjitha betejave.

”Pas luftës si komandant i zonës së 6 të trupave mbrojtëse të Kosovës emërova Naim Bekën komandant të batalionit të logjistikës të zonës së 6, e Agimin komandant kompanie dhe udhëtuam bashkë me gjeneralin Imri Ilazi në Francë, pa e menduar se nuk do t’i shihja më, sepse menduam se lufta kishte përfunduar. Në Francë sa ishim në trajnim mora lajmin e hidhur për humbjen e tre bashkëluftëtarve dhe tre epërorëve të Zonës Operative të Nerodimes. I humbëm pas luftës dhe kjo  ishte një humbje e rënd dhe humbje e madhe për Kosovën”, tha Buja.

Kurse, nënkryetari i Organizatës së Veteranëve të Luftës së UÇK-së, Luan Jahiri, tha se sakrifica e dëshmorëve është amanet për të gjallët që të punojnë për zhvillimin e vendit.

“Është obligim i yni që të përmbushim amanetin e atyre që kanë sakrifikuar për një Kosovë më ndryshe , është obligim i ynë që ky atdhe të ketë perspektivë për të gjitha gjeneratat që do të vinë. Kujtimi për luftën e UÇK-së dhe gjithë ata që kontribuan është detyrë  e shenjtë  për të gjithë ne dhe nderimi më i madh është ecja në idealin e tyre”, tha Jahiri.

Naim Beka, Agim Matoshi  dhe Avni Shehu , kishin  rënë në fshatin Doganaj të Kaçanikut, 4 muaj e gjysmë pas çlirimit të vendit.

Continue Reading
Click to comment

Leave a Reply

Your email address will not be published. Required fields are marked *

Ferizaj

Visar Azemi kandidat i LDK-së për kryetar të Ferizajt

Published

on

Visar Azemi është zyrtarisht kandidat i LDK-së për kryetar të Ferizajt.

Kandidatura e Azemit, i cili njëkohësisht  është edhe kryetar i degës së kësaj partie në Ferizaj,  u konfirmua në takimin e sotëm të kryesisë së LDK-së.

Në konferencën për media pas takimit të kryesisë, kryetari i LDK-së, Lumir Abdixhiku, bëri të ditur emrat që i kanë zyrtarizuar të jenë kandidatë për kryetarë të shumicës së komunave në zgjedhjet e 12 tetorit.

Abdixhiku tha se të gjithë emrat janë votuar pa asnjë kundërshtim e abstenim. Kështu, për kryetar të Prishtinës do të garojë Përparim Rama, për Lipjan Imri Ahmeti, për Obiliq Xhafer Gashi, për Fushë Kosovë Besnik Osmani, për Podujevë Ekrem Hyseni, për Drenas Gazmend Heta, për Vushtrri Xhafer Tahiri, për Mitrovicë Gëzim Plakolli, për Pejë Gazmend Muhaxhiri, për Istog Ilir Ferati, për Junik Ruzhdi Shehu, për Deçan Jeton Mushkolaj, për Dragash Behgjet Xheladini, për Prizren Driton Selmanaj, për Suharekë Ardian Shala, për Ferizaj Visar Azemi, për Shtime Kastriot Shabani, për Shtërpcë Valmir Ahmeti, për Viti Sokol Haliti, për Gjilan Arbër Ismaili, për Artanë Bajrush Ymeri, për Gjakovë Shefqet Shehu dhe për Rahovec Burim Krasniqi.

Sipas Abdixhikut, kandidatët për kryetar në Klinë, Malishevë, Kaçanik dhe Kamenicë do të zyrtarizohen ditëve në vijim.

Continue Reading

Ferizaj

Është ndarë nga jeta veterani Naim Ymeri, epror i UÇK-së, TMK-së dhe FSK-së

Published

on

Është ndarë nga jeta eprori i Ushtrisë Çlirimtare të Kosovës Naim Ymeri.

Lajmi u bë i ditur në Facebook nga Organizata e Veteranëve të Luftës së UÇK-së – dega Ferizaj.

Ymeri, gjatë luftës ishte epror i lartë në Zonën Operative të Nerodimes në Ushtrinë Çlirimtare të Kosovës, shef i G1 personelit, derisa pas luftës shërbeu në TMK dhe në Forcën e Sigurisë së Kosovës deri në pensionim.

Në nderim të jetës dhe veprës së tij në shërbim të atdheut, nën patronatin e FSK-së, ish-Komandantit të Zonës Operative të Nerodimës dhe OVL-UÇK-së Dega në Ferizaj, sot 08.07.2025 do të organizohen ceremonitë mortore:

12:00 – Akademi përkujtimore në Sallën e Kuvendit Komunal të Lipjanit

14:00 – Homazhe pranë arkivolit në Kazermën e FSK-së – “Skënderbeu” në Ferizaj

18:00 – Ceremonia e varrimit, në varrezat e fshatit Gllogoc – Lipjan

#

Continue Reading

Ferizaj

Policia në Ferizaj shqiptoi mbi 1700 gjoba dhe pezulloi 33 patentë shoferë

Published

on

Për periudhën nga 30.06.2025 deri më 06.07.2025 në Policinë e Ferizajt janë raportuar 31 aksidente komunikacioni.

Sipas Policisë, në 12 aksidente u lënduan 21 persona ndërsa 19 aksidente të tjera ishin me dëme materiale.

Për të njëjtën periudhë, Policia e Kosovës ka shqiptuar 1,715 gjoba për kundërvajtje në komunikacion derisa janë pezulluar 33 patentë-shoferë për drejtuesit e mjeteve që kanë kryer shkelje të rënda në trafik.

Continue Reading

Trending