Ferizaj

Shpërndahen fidane të lajthisë për fermerët ferizajas

Published

6 years ago

02 December, 2019

Kultivimi i lajthisë po shihet si kulturë me levërdi për tregun vendor dhe atë të jashtëm.

Me qëllim të stimulimit të fermerëve për këtë kulturë, sot Drejtoria e Bujqësisë në Ferizaj bashkë me organizatën IKC, kanë shpërndarë fidane të lajthisë për 7.5 hektarë tokë.

Drejtori i Bujqësisë Burim Bajrami, tha se 15 përfituesve do t’iu ndahen fidane të lajthisë për 50 ari.

“Kemi marrëveshje me IKC-në për shpërndarjen e 7.5 hektarëve me kulturën e lajthisë, bëhet fjalë për 15 përfitues secili me nga 50 ari me lajthi si dhe sistemin e ujitjes pikë-pikë. Të gjithë fermerët janë këtu dhe në kohë optimale do të bëhet mbjellja e tyre. Konsiderojmë që është një kulturë e re dhe produktiviteti i këtij lloji të lajthisë ia vlen të investohet te fermerët tanë, po ashtu edhe çmimi në tregun tonë është mjaft i levërdishëm”, tha Bajrami.

Përfaqësuesi i organizatës IKC, Ekrem Bajrami, tha se kushtet në këtë regjion janë shumë të favorshme për këtë kulturë, duke shtuar se pas 4 viteve këto fidane veçse do t’i japin produktet e tyre të para.

“Lajthia është një kulturë që më lehtë ruhet dhe ka treg për të, kështu që është edhe e shëndetshme për konsum, por edhe kushtet në regjionin tonë janë më të favorshme sesa për arrën. Është një lajthi e shortuar që u jep fermerëve mundësi më lehtë të kultivohet. Lajthia është kulturë që hynë në prodhim nga viti i pestë, pasi janë të shortuara besojmë që vitin e katërt kanë me fillu me pas prodhim”, tha Bajrami.

Ndër përfituesit është edhe Florije Kurti nga Zllatari. Ajo tha se shpreson që këto fidane të sjellin rendimente.

“Vjet i kam pasur 3 hektarë, por kanë dështuar, sivjet kam bërë kërkesë dhe arrita t’i marrë, uroj të kemi punë, ka punë me i kultivu, por shpresoj me ia arrit qëllimit”, tha Kurti.

Përfitues tjetër është edhe Shemsedin Sojeva nga fshati Sojevë i Ferizajt. Ai thotë se për herë të parë do të merret me këtë kulturë, edhe pse dëshira ishte e kahmotshme.

“Falënderoj IKC-në dhe komunën për mbështejen që na e ka dhënë, kam qenë i interesuar shumë kohë më parë për këtë sort të lajthisë, do të kujdesem shumë mirë për to dhe besoj që do të kemi rezultate”, tha Sojeva.

Gjatë shpërndarjes, drejtori i Drejtorisë së Bujqësisë, tha se në bazë të mundësive dhe kapaciteteve të kësaj drejtorie edhe në të ardhmen do të mbështeten fermerët në sektorë të ndryshëm të bujqësisë.

Ferizaj

Javën e kaluar u raportuan 56 aksidente trafiku në rajonin e Ferizajt

Published

11 hours ago

16 June, 2025

Redaksia

Policia në rajonin e Ferizajt ka njoftuar se javën e kaluar ka shqiptuar 1 mijë e 347 gjoba kundërvajtëse dhe janë pezulluar 13 patentë shoferë.

Gjatë periudhës nga 09.06.2025 deri më 15.06.2025, janë shqiptuar 1,347 gjoba kundërvajtëse, si dhe janë pezulluar 13 patentë-shoferë për drejtuesit e mjeteve që kanë kryer shkelje të rënda në trafik, thuhet në njoftim.

Gjithashtu janë raportuar 56 aksidente trafiku, në një prej tyre në person ka vdekur.

– 1 aksident me fatalitet në Kaçanik, ku ka mbetur një person i vdekur

– 24 aksidente me lëndime , ku kanë mbetur të lënduar 30 persona

– 31 aksidente me dëme materiale

Ferizaj

Teatri “Adriana”reagon ndaj pengesave institucionale: “Një premierë përtej censurës”

Published

3 weeks ago

26 May, 2025

webmaster

Teatri “Adriana” ka njoftuar se premiera e shfaqjes “Fluturimi mbi teatrin e Kosovës” është shtyrë për datën 14 qershor 2025, shkaku i pengesave institucionale që trupa ka hasur gjatë përgatitjes së kësaj premiere.

Sipas deklaratës për media, gjatë përgatitjeve për premierën e kësaj shfaqjeje, të caktuar fillimisht për 7 qershor, trupa është përballur me kërkesa për ndërhyrje në tekstin e shfaqjes, mungesë të papritur të buxhetit për materiale skenike dhe pengesa të tjera që, sipas tyre, përbëjnë “një sabotim të heshtur” ndaj artit dhe lirisë krijuese.

Megjithatë, nga teatri konfirmojnë se premiera e shfaqjes “Fluturimi mbi teatrin e Kosovës”, me tekst të Jeton Nezirajt dhe regji të Agon Myftarit, do të mbahet në datën e re, edhe nëse u duhet të riciklojnë kostume dhe skenografi nga prodhime të mëparshme.

Teatri thekson se këto pengesa janë një formë e censurës indirekte ndaj lirisë krijuese, duke theksuar rëndësinë e mbrojtjes së lirive artistike dhe të shprehjes në Kosovë.

“Është paradoksale dhe shqetësuese se si disa individë marrin bajrakun e patriotizmit duke akuzuar tërthorazi artistët si antikombëtarë, dhe në emër të një lloj nacionalizmi primitiv, përpiqen të kufizojnë të drejtën krijuese — për të cilën të njëjtët kanë luftuar në vitet 1998–1999”, thuhet më tej në deklaratë, përmes së cilës, aktorët dhe regjisori i bëjnë thirrje publikut dhe komunitetit artistik të mbështesin shfaqjen dhe të qëndrojnë kundër çdo censure.

“Më 14 qershor, në skenën e Teatrit ‘Adriana’, nuk do të shfaqet vetëm një vepër. Do të shfaqet vetë qëndrimi ynë ndaj lirisë”, thuhet mes tjerash në deklaratë.

Ferizaj

Policia në Ferizaj brenda javës shqiptoi 1310 gjoba trafiku

Published

4 weeks ago

19 May, 2025

Redaksia

Policia e Ferizajt, gjatë javës së kaluar, ka shqiptuar 1 mijë e 310 gjoba trafiku, si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe, policia ka bërë të ditur se kanë ndodhur gjithsej 36 aksidente, nga të cilat, 13 ishin me të lënduar kurse 23 aksidente të tjera ishin vetëm me dëme materiale.