Ferizaj

Qytetarët të interesuar për shpendë, thotë kultivuesi Zylfiqari

Published

6 years ago

11 December, 2019

Kenan Zylfiqari nga Ferizaj ka më shumë se 4 vite që merret me kultivimin e llojeve të ndryshme të shpendëve. Këtë veprimtari ai e nisi në shtëpinë e tij, për të hapur më pas një dyqan për shitjen e tyre në qytetin e Ferizajt. Mbi 100 lloje shpendësh që ai i mban në këtë lokal, thotë se i merr nga Shqipëria, Maqedonia e Bullgaria. Zylfiqari, thotë se kjo punë kërkon shumë përkushtim e durim, mirëpo falë dashurisë që ka ndaj tyre një gjë e tillë është fare e lehtë.

”Varet nga vullneti, duhet t’i kemi në qejf sepse këta për shembull bëjnë ndotje duke e qëruar ushqimin dhe e hudhin poshtë. Duhet të kemi vullnet t’i pastrojmë. I gjithë vullneti është nëse i do këta, nëse ke dashuri për ta atëherë nuk do e kesh problem, e gjitha shkon me vullnet, nëse e ke vullnetin e mirë punon me ta si të duash”, thotë Kenan Zylfiqari.

Duke treguar për llojet e ndryshme të shpendëve që i posedon, Zylfiqari tha se interesimi i qytetarëve për këto shpendë është mjaftë i lartë.

“Janë mbi 100 lloje të shpezëve, këta janë Tigrica, ky është Rozell, ky është Princi i Vellsit, këta janë Ninfa, këta janë Kanarina, varet tash çfarë llojesh, kam edhe disa që janë LoveBirds quhen. LoveBirds janë pak më të egër. Janë edhe disa Zebica ju thonë, Zebra Finch”, tha ai.

Kenan Zylfiqari gjithashtu merret edhe me kultivimin dhe shumimin e llojeve të ndryshme të peshqve.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

4 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

5 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim