Ferizaj

Ferizajasit të shqetësuar për cilësinë e ajrit

Published

6 years ago

15 January, 2020

Cilësia e ajrit në vend vazhdon të jetë shqetësuese, meqë niveli i grimcave të dëmshme në ajër është dukshëm mbi vlerat udhëzuese të Organizatës Botërore të Shëndetësisë.

Këtë po e vërejnë edhe qytetarët ferizajas, të cilët thonë se ajrin po e ndjejnë të ndotur, por nuk po kanë se si të mbrohen.

“Insitucionet tona duhet të bëjnë ngrohjen me naftë sikurse e kanë krejt shtetet e botës, ne për fëmijë po mundohemi se për vete nuk e kemi gajle, duhet të punohet në këtë aspekt, sepse dueht të vetëdijësohemi edhe populli, por insitucionet duhet ta marrin përsipër më shumë këtë çështje”, tha Feriz Mani.

“Ajër të pastër nuk ka në Kosovë, nuk ka kujdes, por ne jemi të ri nuk e ndjejmë shumë, por mirë nuk është hiç”, tha Lirdon Guta.

“Pak është mjegull, por edhe i ajri i ndotur, nuk e dimë a prej qymyrit a prej nga është”, tha Mexhid Azemi.

E, një prej burimeve kryesore të ndotjes në Kosovë, sidomos gjatë dimrit, është përdorimi i thëngjillit. Edhe pse shitja e tij është e ndaluar, përdorimi tij po haset në qytetin e Ferizajt kryesisht nga bizneset private.

Nazlime Sejdiu, inspektore e ambientit në këtë qytet, thotë se nuk mund të ndërmarrin asgjë në këtë drejtim pasi Ministria e Mjedisit dhe Planifikimit Hapësinor, ka ndaluar përdorimin e thëngjillit vetëm për insitucionet publike dhe jo për ato private.

“Inspektorët e ambientit në vazhdimësi janë duke e monitoruar gjendjen në komunën tonë, shkollat nuk e përdorin, po ashtu në punktet shëndetësore e as në komunë, mirëpo në biznese private nuk është e ndalur, ato kanë të drejtë ndezjen e tij përderisa nuk na ka ardhur një vendim për ndalim të tij dhe për këtë ne nuk mund të marrim masa”, tha Sejdiu.

Sa i përket shitjes së këtij produkti, Sejdiu tha se nuk kanë hasur ndonjë vend në Ferizaj ku bëhet shitja e tij.

“Kemi monitoruar a shitet a po jo në komunën tonë dhe nuk kemi hasur ndonjë vend ku shitet thëngjilli” , tha Sejdiu.

Viteve të fundit, Kosova është ranguar ndër vendet me nivel më të lartë të ndotjes së ajrit.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim