Ferizaj

Hapet ambulanca veterinare shkollore në Ferizaj

Published

6 years ago

25 February, 2020

Shkolla e mesme e Agrobiznesit dhe e Teknologjisë “Zenel Hajdini” në Ferizaj, ka bërë përurimin e ordinancës së parë veterinare në Kosovë. Dobishmëria e kësaj ambulante veterinare do të jetë kryerja e pjesës praktike nga nxënësit. Zëvendësdrejtoresha e shkollës “Zenel Hajdini”, Zebibe Imeri, e quajti shembull një ordinancë të tillë edhe për shkolla e tjera të Kosovës.

“Hapja e kësaj ambulance është një sfidë në vete pasi që është e para e këtij lloji në shkollat e mesme të Kosovës, por jemi të bindur që do të jetë shembull edhe për shkollat tjera e kjo falë punës dhe përkushtimit të kuadrit profesional që ka kjo shkollë e që do të na e kishin lakmi edhe institucionet më të larta të shkollimit. Kjo ambulancë u realizua me ndihmën dhe angazhimin e drejtorit të Bujqësisë Burim Bajramit, drejtorit të Arsimit Afrim Llabjanit dhe drejtoreshën e Financave Sebahate Ajeti-Sadiku. Me këtë investim nxënësit e diplomuar në këtë shkollë kanë mundësinë të dalin të përgatitur për tregun e punës”, tha Zebibe Imeri.

Në përurimin e kësaj ambulance ishte edhe kryetari i Ferizajt Agim Aliu, i cili tha se kjo ditë është e rëndësishme për arsimin në gjithë Kosovën.

“Unë uroj edhe nxënësit të cilët do të jenë përfituesit kryesor të hapjes së kësaj ambulance që vërtetë të marrin mësime të duhura dhe që të realizojnë atë pjesë të agjendës tonë qeverisëse, por mbi të gjitha atë agjendë dhe atë vizion të së ardhmes për të ndërtuar atë që i duhet sot Ferizajt dhe që i duhet Republikës së Kosovës”, tha Agim Aliu.

Heset Vranovci, mësimdhënës i veterinarisë në këtë shkollë, tha se realizimi i praktikës në këtë ambulancë të re është lehtësim për ta.

“Nxënësit e profilit të veterinarisë do të kenë mundësinë që të njihen për së afërmi me produktet e ndryshme të trajtimit të kafshëve qoftë me anë të mjekimeve terapeutike apo ndërhyrjeve të ndryshme kirurgjike të cilat do të realizohen nga profesorët e nderuar të veterinarisë, pjesë e personelit të shkollës sonë dhe të cilët përveç gradave akademike, doktorë shkence, gjithashtu kanë edhe një eksperiencë të gjatë praktike në fushën e veterinarisë. Të gjitha ndërhyrjet që do të bëhen tek kafshët do të jenë në përputhje të plotë me planprogramin e praktikës profesionale dhe do të jenë ndërhyrje profesionale të cilat nuk cenojnë të drejtën e jetës dhe lirisë së këtyre kafshëve”, tha Heset Vranovci.

Investimi në këtë ambulancë veterinare ka kushtuar rreth 10 mijë euro.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

4 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

5 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim