Ferizaj

Edhe KBI në Ferizaj pezullon aktivitetet fetare

Published

6 years ago

16 March, 2020

Në kuadër të masave të ndërmarra për parandalimin e virusit korona në Kosovë, Bashkësia Islame ka pezulluar faljen e namazit në xhami përfshirë këtu edhe xhumatë.

Kryetari i Këshillit të Bashkësisë Islame në Ferizaj, Fehmi Mehmeti, tha se të pamet duhet të pezullohen, e po ashtu edhe dasmat.

“Të pamet të organizohen vetëm me rrethin e ngushtë familjarë, mos të ketë të pame siç e kemi zakon me shku kallaballëk të madh, por të organizohet vetëm me familje, gjithashtu ceremonitë e tjera martesat, fejesat, synetitë të shtyhen për një kohë të pacaktuar, ne lusim Zotin që mos të zgjat kjo pandemi ose ose të organizohen vetëm me rrethin e ngushtë familjarë”, tha Mehmeti.

E, njëri ndër më të rrezikuarit në këtë institucion fetar po ndihet Naser Kosumi, përgjegjës i shërbimit të varrimit. Ai kërkoi nga qeveria dhe institucionet lokale që ta pajisin me mjetet e nevojshme mbrojtëse.

“Falënderojmë të gjithë që po bëjnë punën e tyre edhe mjekët edhe gazetarët, por po më duket se të rrezikuar jemi edhe ne meqenëse në vazhdimishtë bëjmë përgatitjet e rasteve që janë në komunën e Ferizajt atëherë kërkojmë nga shëndetësia që ta ketë parasysh edhe sektorin e shërbimit të varrimit të KBI-së, se po na duket që jemi të neglizhuar. Vetëm këto maska i kemi ne tash, jemi duke shkuar në një cermeoni të varrimit, edhe pse nuk është i dyshuar, por prapë frika është edhe tek ne”, tha Naser Kosumi.

Përveç të tjerave, KBI ka anuluar përkohësisht edhe organizimin e ligjëratave, tribunave, seminareve dhe takimeve të ndryshme me xhemat.

Ferizaj

Ngritët aktakuza e parë për zgjedhjet e 28 dhjetorit

Published

1 week ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.