Ferizaj

Rrugët e Ferizajt dezinfektohen nga ”Pastërtia”

Published

6 years ago

19 March, 2020

Për të ruajtur shëndetin e qytetarëve, rrugët e Ferizajt po dezinfektohen që nga shpallja e gjendjes emergjente pas rasteve të konfirmuara me koronavirus në Kosovë.

Menaxheri regjional i operativës në kompaninë “Pastërtia”, Agim Rexhepi, thotë se janë duke bërë dezinfektime vazhdimisht, në veçanti në rrugët më te frekuentuara me qytetarë.

“Mund të them se që nga situata e krijuar ne vazhdimisht jemi në pastrim të rrugeve, larje të rrugëve dhe dezinfektim të rrugëve. Kryesisht janë duke u dezinfektuar rrugët të cilat i kemi për mirëmbajtje, prioritet janë duke i’u dhënë rrugëve dhe hapësirave aty ku frekuentohen më tepër nga qytetarët. Kemi filluar edhe me trotuare, e kemi prioritet sheshin e qytetit, rrugën “Vëllezërit Gërvalla” dhe rrugën “Gursel e Bajram Sylejmani”, tha Agim Rexhepi.

Ai shtoi se janë të pajisur mirë me dezinfektues falë institucioneve shëndetësore komunale.

“Kemi sasi të mjaftueshme të ujit dhe vazhdimit i pastrojmë, çdo ditë. Zakonisht janë të boshatisura rrugët kështu që po veprojmë dhe po punojmë, qytetarët veç janë duke i respektuar me të madhe udhëzimet qeveritare kështu që lirshëm po punojmë. Kamioni është në dispozicion, cisterna, 24 orë. Prioritet edhe njëherë po them jemi duke u dhënë hapësirave ku ka frekuentim më të madh të qytetarëve, shesheve, hapësirave ku qëndrojnë qytetarët dhe rrugës “Ramadan Rexhepi”, karshi spitalit“, tha Agim Rexhepi.

Dezinfektime të tilla të rrugëve do të vazhdojnë edhe ditëve në vijim nga kompania “Pastërtia” për të minimizuar mundësinë e përhapjes së virusit korona.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim