Ferizaj

Disa nga marketet në Ferizaj zbatojnë masat parandaluese

Published

6 years ago

21 March, 2020

Menaxhmenti i “Plus Marketit” në Ferizaj si masë mbrojtëse për parandalimin e përhapjes së Koronavirusit, në mbrojtje të personelit dhe konsumatorëve ka vendosur pikat referuese në dysheme për distancën që duhet mbajtur konsumatorët mes njëri-tjetrit.

Menaxheri i këtij marketi, Remzi Bytyqi, tha se shenjat janë vendosur para disa ditëve dhe po respektohen mjaftë shumë nga konsumatorët.

“Kemi vendosur shiritat që t’iu tregojmë konsumatorëve që të mbajnë distancën, po ashtu kemi bërë edhe dezinfektimin e marketit dhe krejt kjo për të ruajtur shëndetin edhe të punonjësve, por edhe të konsumatorëve”,tha Bytyqi.

Kurse, Syrjana Salihu e cila punon në arkë, tha se pas vendosjes së këtyre shenjave po ndjehet më e mbrojtur.

“Po ndihem më e sigurtë, kisha frikë ditëve të tjera e tash po ndjehem më e mbrojtur, edhe unë por edhe blerësit”,tha Salihu.

E disa prej marketeve në Ferizaj sic janë “Interex” dhe “Spar”, kanë vendosur edhe dezinfektues të duarve në hyrje të marketit për të gjithë konsumatorët, si obligim për ta që të pastrojnë duart gjatë hyrjes, veprim ky i cili është shumë i dobishëm të praktikohet edhe bizneset tjera.

“I kemi marrë të gjitha preventivat, përfshirë dezinfektuesit, sinjalizimet, por kemi angazhuar edhe sigurimin që të kujdesen që konsumatorët të mbajnë distancën e duhur”, tha Drilon Sejdiu, menaxher në ‘’Interex”, Ferizaj.

Vendosja e shenjave nëpër markete për mbajtjen e distancës prej një metër, si masë parandaluese për përhapjen e Koronavirusit në vend, është bërë obligative gjatë ditës së djeshme nga Grupi Ndërinstitucional për Menaxhimin e Incidenteve.

Ferizaj

Ndërroi jetë artisti dhe koreografi i shquar ferizajas, Bajram Tahiri

Published

14 hours ago

03 February, 2026

Redaksia

Ka ndërruar jetë Bajram Tahiri, artist, valltar dhe koreografi i shquar i ansamblit “Kastriotët” në Ferizaj.

I ndjeri gjithë jetën e tij artistike ia kushtoi ruajtjes dhe begatimit të traditës dhe trashëgimisë kulturore, fillimisht si valltar pastaj edhe si koreograf i A.K.V ,,Kastriotët” Ferizaj.

Për një periudhë kohore, nga viti 1999-2009, Tahiri ishte Drejtor Operativ në KRM “Pastërtia”, pastaj nga viti 2017 deri në vitin 2020 shërbeu si këshilltar politik në Ministrinë e Tregtisë dhe Industrisë, derisa nga viti 2010 udhëhoqi me kompaninë “Mbrojtja e Ambientit”.

Mbledhja komemorative për artistin e ndjerë, Bajram Tahiri, mbahet më 3 Shkurt 2026, ora 14:00 në Teatrin “Adriana” kurse ceremonia e varrimit nga ora 15:30 në varrezat e reja të qytetit.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.