Ferizaj

Qeveria planifikon përfshirjen e gazetarëve në Pakon Emergjente

Published

6 years ago

10 April, 2020

Kryeministri në detyrë i Republikës së Kosovës Albin Kurti gjatë vizitës në Ferizaj takoi kryetarin e komunës Agim Aliun, ku pas takimit mbajtën një konferencë për media nga ku Kurti tha se masat të cilat i ka ndërmarrë komuna e Ferizajt kanë ndikuar që të ketë një gjendje më të qetë sa i përket virusit korona. Ai përmendi edhe pakon emergjente ku tha se në këtë pako parashihet ndihmë edhe për komunat.

“Në kuadër të masave të pakos fiskale emergjente kemi paraparë ndihmën edhe për komunat pastaj edhe për ndërmarrjet publike që kanë problem me likuiditet dhe gjithashtu edhe për bujqësinë, kulturën, rininë e sportin, në anën tjetër, që në këtë krizë mos ta humbim normalitetin e jetës tonë”, tha Kurti.

Në anën tjetër kryetari i komunës Agim Aliu, tha se kjo vizitë ishte një mundësi për të njoftuar kryeministrin për veprimet që kanë ndërmarrë si komunë.

“Ky takim ishte mundësi për të treguar dhe për atë se çfarë kemi bërë ne si komunë e Ferizajt dhe e njoftova kryeministrin që ne kemi marrë shumë masa, shumë veprime dhe vendime të cilat kemi konsideru se janë të domosdoshme në mënyrë që të kemi epilog sa më të mirë që përballja e jonë të jetë sa më e suksesshme me pademinë, sigurisht këto masa kanë qenë të të dyja niveleve, por ne kemi marrë masa dhe do të vazhdojmë të marrim masa pasi konsiderojmë se përballja do të jetë e vazhdueshme derisa të konstatohet se ka ikur kjo tashmë”, tha Aliu.

Kryeministri Kurti u pyet për mospërfshirjen e gazetarëve në pakon emergjente të cilët po e kryejnë punën në terren ashtu si mjekët, policët, inspektorët, e punëtorë të sektorëve të tjerë.

“Pakoja jonë fiskale dhe emergjente është ciklike ne nuk kemi bërë një pako për gjithë këtë vit, por është për këtë muaj e muajin tjetër e eventualisht edhe një më vonë, sepse shpresojmë që do të dalim nga kjo krizë, por pajtohem që duhet ta adresojmë këtë çështje në qeverinë në detyrë me Ministrinë e Financave dhe Transfereve në mënyrë që të shohim se edhe ata që nuk i kemi përfshirë siç janë punëtorët e pastrimit, shoferët, e në këtë rast edhe gazetarët gjithashtu t’i përfshijmë”,tha Kurti.

Kryeministri në detyrë i Kosovës, tha se muaji prill është vendimtar lidhur me përmirësimin apo jo të situatës me pandeminë, duke bërë apel që të respektohen rekomandimet e Organizatës Botërore të Shëndetësisë.

Ferizaj

Ngritët aktakuza e parë për zgjedhjet e 28 dhjetorit

Published

1 week ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.