Ferizaj

Nisin punën veprimtaritë ekonomike të lejuara në fazën 1

Published

6 years ago

04 May, 2020

Bizneset në Ferizaj, kryesisht ato që operojnë me pakicë, kanë hapur sot lokalet.
Pas afër dy muajsh Labinot Hyseni nga Ferizaj hapi sot dyqanin e tij me veshmbathje. Hyseni thotë se ndërprerja e punës do të lë pasoja në ekonomi.

“Biznesi është sport-shop, punojmë me patika, veshmbathje, aksesorë të ndryshëm. Këto dy muaj kemi pasur vështirësi si të gjithë, edhe pse kemi punuar online, por nuk është njëjtë sikur me qenë dyqani i hapur kur komunikon direkt me klientin, por besojmë se do t’i kompensojmë këto ditë”, tha Hyseni.

Edhe Luljeta Mahmuti sot hapi dyqanin e saj me veshmbathje për femra. Ajo thotë se gjendja e krijuar nga pandemia Covid-19 i ka shkaktuar mjaftë probleme ngase lokalin e ka të furnizuar me veshje të dimrit, të cilat vështirë se do t’i shes në këtë kohë pranvere.

“Edhe tek ne do të ketë telashe, kemi qëndruar me shumë frikë, pasi i kemi dy lokale me qira dhe është shumë vështirë, poashtu edhe pse e kemi hapur lokalin nuk ka njerëz, duket sikur një lojë, por shpresojmë se do të bëhet mirë, shpresoj të bëhet ndonjë mrekulli sepse do të jetë shumë problem”,tha Mahmuti.

Dyqanin sot e kishte hapur edhe Ylber Sejdiu. Ai thotë se situata mund të bëhet edhe më e ndërlikuar teksa kufijtë e shteteve nga të cilat furnizohet janë të bllokuar dhe nuk dihet se kur do të bëhet hapja e tyre.

“Sikur të gjithë edhe ne nga data 13 mars e kemi mbyllur lokalin deri tek sot, sot kemi filluar por qarkullimi i njerëzve është i dobët për shkak të orarit të kufizuar, por presim që të bëhet mirë. Mbyllja ka ndikuar shumë, por të shohim se cfarë do të ndodhë, por e dimë që do të shkoj një kohë deri sa ta marrim vetën, pasi është qirja, malli, furnizmi, e të gjitha këto”,tha Sejdiu.

Nga kjo e hënë shumë aktivitete ekonomike në Ferizaj i’u rikthyen punës pas vendimit të Ministrisë së Shëndetësisë për lehtësim të masave, por duke mos anashkaluar respektimin e protokollit mjekësor në mënyre që te mos kthehet infeksioni përsëri.
Gjatë ditës së sotme i mbushur me qytetarë ishte edhe sheshi i Ferizajt ku shiheshin qytetarë teksa lëviznin në grupe, pa maska e pa dorëza, gjë për të cilën ka reaguar Instituti i Shëndetësisë Publike të Kosovës duke apeluar për kujdes pasi rreziku nga pandemia Covid-19 ende nuk ka kaluar.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim