Ferizaj

Veteranët protestojnë kundër aktakuzave të Speciales

Published

6 years ago

09 July, 2020

Veteranët e luftës së Ushtrisë Çlirimtare të Kosovës kanë protestuar sot edhe në qytetin e Ferizajt.

Duke respektuar rekomandimet e institucioneve shëndetësore për parandalimin e përhapjes së Covid-19, ata u mblodhën për të ngritur zërin kundër aktakuzave të ngritura nga Zyra e Prokurorit Special në Hagë ndaj presidentit të Kosovës Hashim Thaçi dhe kryetarit të PDK-së Kadri Veseli.

Kryetari i OVL-së së UÇK-së në Ferizaj Rafiz Sejdiu, thotë se marrë për bazë mënyrën se si është publikuar aktakuza ndaj Thaçit e Veselit, Gjykata Speciale është e papranueshme, e njëanëshme, madje edhe e dyshimtë.

“Jemi mbledhur anekënd Kosovës në kushte e rrethana të jashtëzakonshme për të protestuar e kundërshtuar akuzat e padrejta e të njëanëshme e të ndikuara politikisht nga një pjesë e Bashkësisë Ndërkombëtare. Shpallja e pazakontë ndaj drejtuesve të UÇK-së befasoi botën e qytetëruar, kurse popullin liridashës të Kosovës që luftoi kundër makinerisë serbe e zhgënjeu thellë, pasi zbatimin e ligjit po e shkelin vet ata duke bërë këso akuza, si pasojë e veprimit të kësaj Gjykate u anulua takimi në Uashington, me këtë rast ky veprim i prokurorit është i pamatur dhe i padrejtë i cili ka lëshuar deklaratën para se Gjykata të konfirmoj akuzën, prandaj kjo Gjykatë është e papranueshme, e njëanëshme dhe e dyshimtë”, u shpreh Sejdiu.

Kryetari i Shoqatës së të Burgosurve Politik në Ferizaj Xhavit Zariqi, drejtoi akuza ndaj bashkësisë ndërkombëtare duke thënë se aktakuza duhet të ngriten ndaj serbëve të cilët kryen krime jo vetëm në Kosovë, por edhe në Ballkan.

“Nazifashizmi ballkanik rrënjët i ka në Serbi dhe ato aty po rifuqizohen me fajin e bashkësisë ndërkombëtare ndaj bartësit të gjenocidit në Kroaci, Bosnjë e Kosovë. Denazifikimi i Serbisë nuk është bërë e as që ka nis të bëhet dhe pa të nuk do të ketë paqe në Ballkan, Gjykata Speciale do të duhej të ngritet për denazifikimin e Serbisë ashtu siç u ngrit gjykata në Gjermani, ata pak persona që janë dënuar nga radhët e militantizmit serb kryejnë funksione shtetërore, kjo katergori njerëzish janë të rehatuar dhe bashkësia ndërkombëtare çfarë mund të pres më, nëse vazhdohet me këtë tolerim gjendja vetëm do të përkeqësohet”, tha Zariqi.

Protesta kundër Gjykatës Speciale u mbajtën në të gjitha qytetet e Kosovës.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim