Ndahet nga jeta gazetari ferizajas Musli Berisha

 Pas një beteje dyjavore me COVID-19, sot në Qendrën Klinike dhe Universitare të Prishtinës vdiq gazetari dhe shkrimtari ferizajas Musli Berisha (60).

    Musli Berisha  e nisi karrierën e tij të gazetarisë në vitin 1984 -1987 në Radio Ferizaj, për ta vazhduar atë menjëherë pas çlirimit të Kosovës  sërish në Radio Ferizaj 1999-2001,  si dhe duke raportuar për  agjencinë e lajmeve Kosovalive.

   Në vitin 2001 Musli Berisha iu bashkua stafit të Radio Tema në cilësinë e kryeredaktorit të programit informativ të radios, e pastaj edhe të TV TEMA, ku dha kontribut të çmueshëm për ndërtimin e programit informativ të këtij mediumi  deri në vitin 2014.

    Atë vit Musli Berisha punësohet në Komunën e Ferizajt, ndërsa veprimtarinë profesionale e vazhdon me botimin e disa veprave letrare nën pseudonimin artistik Mumir Ferko.

   Familjes së të ndjerit i kanë dërguar telegrame ngushëllimi kryetari i Ferizajt, Agim Aliu, menaxhmenti i RTV Tema dhe klubi i gazetarëve të Ferizajt “Haki Braha”.  

Leave a Comment

Your email address will not be published.

This site uses Akismet to reduce spam. Learn how your comment data is processed.