Ferizaj

Në Ferizaj organizohet garë solidarizuese me të mbijetuarit e kancerit të gjirit

Published

5 years ago

25 September, 2020

Në Ferizaj është bërë sot hapja e mini-maratonës e cila do të mbahet nesër dhe pasnesër, me qëllim të grumbullimit të mjeteve financiare për personat e sëmurë nga kanceri i gjirit.

Koordinatorja e shoqatës së të prekurve nga kanceri i gjirit “Renesanca”, Njomza Baftiu, duke rrëfyer përvojën e saj në luftën kundër kësaj sëmundjeje, kërkoi që të përkrahen pacientët e prekur nga kanceri, meqë mbështetja është ajo e cila u nevojitet më së shumti këtyre pacientëve.

“Asnjë pikë djerse nuk është e tepërt, asnjë fond publik nuk shkon dëm, asnjë mesazh ndërgjegjësimi nuk është vetëm fjalë boshe kur në krye të kauzës së shoqërisë ngrisim luftën kundër kancerit. Janë mbi 130 mijë gra që humbin jetën nga kanceri i gjirit dhe mbi 500 milionë që çdo vit diagnostifikohen me këtë sëmundje, këto fakte janë këmbanë për vetëdijësimin e secilës grua që të shtojnë kujdesin për shëndetin e tyre. Unë mamaja e Renesë, bashkëshortja e Korabit, bashkëqytetarja e juaj luftova, u sfidova, ndjeva frikë nga e panjohura, por nuk u ndala, bëra atë që munda dhe ia dola, kurajo dhe vetëdijësim është formula”, tha Baftiu.

Drejtori i Shëndetësisë në Ferizaj Bekim Ademi, u bëri thirrje grave që ta bëjnë mamografinë, sepse zbulimi i hershëm i kancerit është shpëtim i jetës.

“Diagnostifikimi i hershëm i kancerit do të thotë shërim, do të thotë shpëtim, prandaj të gjitha femrat që kanë moshën mbi 40 vjeç është e preferuar dhe duhet ta bëjnë mamografinë për ta ndaluar këtë sëmundje. Në vitin e kaluar mbi 3 mijë e 570 femra e kanë bërë mamografinë në kuadër të QKMF-së, këtë vit kemi mbi 1 mijë që e kanë bërë, andaj ftoj të gjitha femrat që të vijnë në kuadër të QKMF-së për ta bërë mamografinë dhe për ta parandaluar një sëmundje të tillë”, tha Ademi.

Kjo garë e cila organizohet në shenjë të kremtimit të mbijetesës së personave me kancer të gjirit, të cilët vishen me bluza ngjyrë rozë është tradicionale dhe organizohet të dielën e fundit të muajit shtator në tërë Evropën, por këtë vit për shkak të pandemisë është planifikuar të mbahet në tri data:25, 26 dhe 27 shtator.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.