Ferizaj

Pezullohen disa shërbime mjekësore në Spitalin e Ferizajt

Published

5 years ago

18 March, 2021

Rritja e numrit të rasteve me koronavirus në komunën e Ferizajt ka bërë që të rritet edhe numri i pacientëve të shtirë në spitalin e këtij qyteti.

Drejtori i spitalit rajonal të Ferizajt Jeton Zeqiri, tha se në këtë institucion janë të shtrirë 55 pacientë, gjë e cila ka bërë që të shtohen hapësirat për pacientët e infektuar me këtë virus, për çka janë detyruar të mbyllin disa shërbime që kryhen në kuadër të spitalit.

“Në spitalin e Ferizajt situata është e menaxhueshme edhe pse kemi rritje të numrit të qytetarëve për hospitalizim në spitalin tonë. Për momentin janë 55 pacientë të hospitalizuar, gjendja e 3 prej tyre është më e rëndë, ndërsa e të tjerëve stabile. Për shkak të hapësirës së vogël që kemi ne jemi obliguar të mbyllim disa shërbime, gjinekologjia ka hyrje të veçantë dhe ajo funksionon me normalitet, dializa është në funksion të plotë si dhe emërgjenca, ndërsa të gjitha shërbimet tjera janë të mbyllura dhe kjo për shkak se jemi detyruar të krijojmë hapësira për trajtimin e Covid-19”, njoftoi Zeqiri.

Zeqiri thotë se rritja e numrit të pacientëve të shtrirë paraqet vështirësi për këtë institucion, i cili ka mungesë të shtretërve.

“Sfidë për spitalin tonë është krijimi i hapësirave ose shtretërve, pasi spitali ka vetëm 70 shtretër, por neve nga nesër besoj se do të na arrijnë edhe 20 shtretër të ri që ta përballojmë këtë fluks të tretë të pandemisë”, u shpreh ai.

Gjatë ditës së sotme në komunën e Ferizajt janë konfirmuar edhe 31 raste të reja me Covid-19, duke e çuar në 326 numrin e rasteve aktive në këtë komunë.

Ferizaj

Arrestohen tre të dyshuar për hajni në disa markete të Ferizajt

Published

7 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: