Ferizaj

Qendra e Transfuzionit në Ferizaj kërkon dhurues të plazmës së gjakut

Published

5 years ago

18 March, 2021

Qytetarët e Ferizajt nga sot mund të kryejnë teste të shpejta për Covid-19 në Qendrën Kryesore të Mjekësisë Familjare, me udhëzim të mjekut. Testimi bëhet çdo ditë nga e hëna deri të shtunën nga ora 09:00 deri në 12:00, në objektin e vjetër të Institutit Rajonal të Shëndetit Publik. Rezultatin e këtyre testeve qytetarët mund ta marrin pas 2 orëve.

Laboratori i QKMF-së ka në dispozicion 5 mijë e 200 teste, që sipas punonjësve të këtij institutioni, kjo sasi mund të shpenzohet shumë shpejt pasi interesimi i qytetarëve është i lartë.

“Sot kemi filluar si duhet, kemi pasur mjaftë pacientë, mirë po shkon, ka raste pozitive që po dalin, por shumica dalin negative. Qytetarët nëse kanë simptoma duhet të lajmërohen tek mjeku dhe të marrin udhëzim, më pas vijnë këtu tek ne, ndërsa pas 2-3 ore del rezultati”, tha Milikije Abazi, laborante.

Pak metra larg vendit ku po bëhen testet rapide për koronavirus, gjendet Qendra e Transfuzionit të Gjakut. Këtu po bëhet apel që të dhurohet gjak, e sidomos nga pacientët të cilët e kanë kaluar Covid-in, pasi nevoja për plazma të gjakut është shumë e madhe.

“Edhe pse kemi bërë thirrje që të lajmërohet çdo njeri që e ka kaluar Covidin, prapë ka mungesë të tyre, ndërsa kemi kërkesa të shumta për gjak. Nuk e di se ku është problemi pasi çdoherë që kemi bërë kërkesë për gjak janë lajmëruar të gjithë, por kësaj here nuk paraqiten dhuruesit”, tha Merita Qerimi-Tërshana.

Trajtimi i pacientëve me Covid-19 me plazmë të gjakut bëhet duke e marrë atë nga pacientët e shëruar nga koronavirusi, pasi që gjaku i tyre ka antitrupa që luftojnë virusin. Transfuzioni i antitrupave besohet se krijon atë që njihet si “imuniteti pasiv” te të prekurit me Covid-19. Megjithatë jo të gjithë personat e shëruar nga Covid-19 mund të dhurojnë plazmën, por vetëm ata që kanë më shumë se 50 antitrupa.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim