Sibel Halimi kandidate e LDK-së për kryetare të Ferizajt

Published

4 years ago

23 July, 2021

Dega e LDK-së në Ferizaj i ofron mbështetje Sibel Halimit si kandidate për kryetare te Ferizajt.

Kjo u konfirmua nga kryetari i degës së LDK-së në Ferizaj Muharrem Svarqa.

“Halimi është propozuar nga dega e LDK-së në Ferizaj, ajo ka mbështetje të plotë nga dega dhe është unifikuese”, ka thënë Svarqa për TV Tema.

*Muharrem Svarqa – Kryetar i degës së LDK-së në Ferizaj*

Ai tutje u tregua i bindur që LDK do të shkojë në balotazh dhe se do t’i fitojë zgjedhjet në Ferizaj.

Sibel Halimi, aktualisht është zëdhënëse e LDK-së.

Ajo është ligjëruese në Universitetin e Prishtinës dhe njihet si veprimtare për të drejtat e njeriut.

Deri tani, kandidaturën për të parin e Ferizajt, e kanë konfirmuar edhe Agim Aliu nga PDK dhe Arben Halili nga AAK.

Sibel Halimi kandidate e LDK për Ferizaj?

Disa pjesë të Ferizajt të shtunën sërish pa rrymë për 9 orë

Published

5 hours ago

21 November, 2025

Redaksia

KEDS ka njoftuar se të shtunën, 22 nëntor 2025, qendra e qytetit të Ferizajt dhe disa rrugë përreth do të mbeten pa rrymë nga ora 9:00 deri në orën 18:00.

Sipas njoftimit të KEDS, shkaku i ndërprerjes së furnizimit me energji elektrike është realizimi i projekteve investive.

Nga TS 35/10kV Ferizaj II do të ndërpritet:

Dalja 10[kV] J12 Banka 1&2 (kodi: 40041039) nga ora 09:00 deri në ora 18:00

Vendet: MBTS Banka,TS Fatmir Rashani,TS Halil Haxhidema,TS TMK Ndërtesa,TS Koncorzium Komuna (përballë Spitalit)

Arsyeja: Projekte Investive, Konvertimi i Daljes 2 20kV!

Nga TS 35/10kV Ferizaj III do të ndërpritet:

Dalja 10[kV] Ylli 2 (kodi: 40042016) nga ora 09:00 deri në ora 18:00

Vendet: Rr. Skënderbeu, rr.Sadik Tafarshiku, rr.Riza Goga, rr.12 Qershori, VIVA FRESH SH.P.K. Xhevdet Rexhepi, rr.Agim Matoshi, rr.Imri Halili

Arsyeja: Projekte Investive, Konvertimi i Daljes 2 20kV!

Zjarri që përfshiu objektin afarist në Ferizaj ende aktiv

Published

1 day ago

20 November, 2025

Redaksia

Zjarri që përfshiu objektin afarist dhe depon e kompanisë ferizajase “Elita” ende nuk është shuar.

Ekipet e zjarrfikësve të Ferizajt dhe komunave përreth kanë arritur ta lokalizojnë zjarrin dhe po vazhdojnë punën intensive për shuarjen e tij.

Në vendin e ngjarjes, njësitë policore po vazhdojnë angazhimin e tyre për menaxhimin e situatës dhe sigurinë e perimetrit ndërkaq hetimet për shkaqet e zjarrit janë duke u zhvilluar me autorizim të prokurorit të shtetit.

Sipas pronarit të biznesit, dëmet e shkaktuar nga ky zjarr kapin shifrën rreth 15 milionë euro.

Ferizaj

Përfshihet nga zjarr i madh një objekt afarist në Ferizaj

Published

1 day ago

20 November, 2025

Redaksia

Mëngjesin e sotëm një zjarr i madh përfshiu nj ë objekt afarist dhe depot e tij në Ferizaj.

Lokacioni i biznesit është në afërsi të udhëkryqit të rrugës “Driton Islami” dhe magjistrales Ferizaj-Kaçanik.

Ekipet e zjarrfikësve nga Ferizaj dhe nga qytetet e afërta janë duke u munduar të lokalizojnë zjarrin, pasi në afërsi të objektit ku shpërtheu zjarri janë edhe disa objekte tjera afariste.

Policia e Kosovës ka njoftuar se për shpërthimin e zjarrit është njoftuar rreth orës 09:15 dhe se ekipet e policisë dhe të zjarrfikësve janë në vendngjarje.