Ferizaj

S’ka termine të lira për vaksinim në Ferizaj

Published

4 years ago

23 August, 2021

Fushata dhe thirrjet për vaksinim në Ferizaj nga sot mund të prodhojnë vetëm efekt të kundërt.

Kjo për arsye se nga mesdita e sotme, në portalin shtetëror e-kosova.rks-gov.net qytetarët e komunës së Ferizajt nuk mund të rezervojnë termin për vaksnim. Një qytetar ka dërguar në redaksinë e Televizionit një foto me porosinë e pranuar nga portal shtetëror, ku thuhet se Ministria e Shëndetësisë nuk ka termin të lirë për qendrën e vaksinimit në Ferizaj. Për të vërtetuar këtë, ekipi i TV TEMA vizitoi qendrën e vaksinimit në shkollën e mesme bujqësore ”Zenel Hajdini”, ku jozyrtarisht morëm konfirmimin se as aty nuk mund të bëhen rezervime për termin të vaksinimit.

Ministria e Shëndetësisë ende nuk është pronocuar lidhur me këtë ngecje të vaksinimit, në kohën kur në Kosovë po shënohen numra rekord me infeksione të reja dhe ku është rritur ndjeshëm numri i viktimave nga COVID-19. Vetëm gjatë 24 orëve të fundit në vend janë shënuar 17 raste të vdekjes nga virusi korona.

Ferizaj

Arrestohet i dyshuari që sulmoi dhe lëndoi rëndë një person tjetër

Published

1 day ago

10 February, 2026

Redaksia

Policia e Ferizajt ka arrestuar një person, të dyshuar për përfshirje në veprën penale “Lëndim i rëndë trupor”.

Në raportin e policisë bëhet e ditur se rasti ndodhi të hënën mbrëma, 09.02.2026, rreth orës 22:30

“Është arrestuar i dyshuari mashkull kosovar pasi që i njëjti pas një mosmarrëveshje dyshohet se kishte sulmuar viktimën mashkull kosovar. Viktima është dërguar për tretman mjekësor në QKUK, ndërsa i dyshuari pas intervistimit me vendim të prokurorit është dërguar në mbajtje.”

Ferizaj

Arrestohet një person në Ferizaj, i sekuestrohen drogë, para dhe armë

Published

1 day ago

10 February, 2026

Redaksia

Një person është arrestuar në Ferizaj nën dyshimin për veprat penale “Posedim i narkotikëve” dhe “Posedim i paautorizuar i armës”.

Në raportin 24 orësh, policia tha se gjatë kontrollit të të dyshuarit, janë gjetur dhe sekuestruar dy qese me peshë 1.75 gram kokainë, një epruvetë me kokainë me peshë rreth 10.68 gram si dhe 6155 euro para të gatshme.

“Në konsultim me prokurorin është bërë kontrolli ne zyrën si dhe në shtëpinë e tij ku gjatë kontrollit janë gjetur dhe sekuestruar: një qese me substancë të dyshuar narkotike të llojit kokainë me peshë rreth 19.10 gram, një revole me një karikator dhe katër fishekë, një veturë, gjashtë telefona celular, para në prerje letre rreth 7535 euro dhe 20 durham, një sprej si dhe dy fletore me shënime”, thuhet mes tjerash në raport..

Me vendim të prokurorit pas intervistimit i dyshuari është dërguar në mbajtje.

Ferizaj

Brenda javës së kaluar policia në Ferizaj shqiptoi 1567 gjoba dhe pezulloi 21 patentë shoferë

Published

2 days ago

09 February, 2026

Redaksia

Gjatë javës së kaluar, Policia e Kosovës ka shqiptuar 1.567 gjoba për kundërvajtje në trafik si dhe ka pezulluar 21 patenta për shoferët që kanë kryer shkelje të rënda në trafik.

Po ashtu, në këtë periudhë kohore janë regjistruar gjithsej 35 aksidente. Në 12 prej tyre kanë mbetur të lënduar 15 persona, ndërsa 23 aksidente të tjera ishin vetëm me dëme materiale

Sipas statistikave të publikuara, vetëm gjatë muajit janar 2026, Policia Rajonale e Ferizajt ka gjobitur 6,914 shoferë për kundërvajtje të ndryshme në komunikacion, që krahasuar me periudhën e njëjtë të vitit të kaluar paraqet rritje prej 45.3%.