Më 8 shtator pritet të shpallen rezultatet e testit të maturës

Published

3 years ago

28 August, 2021

Në afatin e dytë të maturës shtetërore, provimit sot iu nënshtruan 6700 maturantë, në 68 qendra të testimit anembanë Kosovës.

Në Ferizaj provimit i janë nënshtruar rreth 500 nxënës të shpërndarë në katër qendra të qytetit.

Qendra e testimit “Zenel Hajdini” i priti 65 nxënës, të cilët sërish i sfiduan dituritë e tyre nga të gjitha lëndët e provimit shtetëror.

“Gjithçka ka filluar me kohë janë bërë të gjitha përgatitjet, nxënësit në ora 10 kanë qenë të gatshëm të fillojnë testin domethënë ashtu siç e ka paraparë edhe rregullorja e Ministrisë e kem filluar testin pa ndonjë problem, ndoshta arsye e parregullsi është se ka qenë edhe numri i vogël i nxënësve në këtë afat, pjesa më e madhe e kanë përfunduar në afatin e parë. Në këtë qendër gjithsej janë 65 nxënës që ju kanë nënshtruar testit të maturës, është një numër i vogël prandaj menaxhimi i tyre ka qenë më i lehtë për ne.”
Abdullah Imeri – Drejtor i Shkollës “Zenel Hajdini”

Rrjedhë e ngjashme e testimit ishte edhe në shkollën teknike “Pjetër Bogdani”, mirëpo me një numër më të ulët të pjesëmarrjes.

“Testi I maturës ka filluar me kohë nxënësit kanë qenë listë se cili me emër mbiemrin dhe klasë në të cilën do ta mbajnë testin nuk ka pas ndonjë parregullsi dhe numri ka qenë më I vogël kësaj radhe. Në këtë qendër kanë qen dy shkolla nxënësit e teknikes kanë qenë 56 ndërsa nga shkolla e muzikës 11 nxënës ku gjithsej 67 nxënës . Numri më I vogël I nxënësve është për arsye se tash në shkollat profesionale nxënësit e kanë vlerësimin e brendshëm me këtë vlerësim nxënëset pajisen me një diplomë profesionale ku pjesa dërrmues e gjejnë veti në tregun e punës ku e shohin të arsyeshme që ti nënshtrohen testit të maturës.”
Isuf Çalaj – Drejtor i Shkollës “Pjetër Bogdani”

Sipas Ministrisë së Arsimit, rezultatet e këtij cikli të provimit të maturës do të publikohen më 8 shtator.

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.