Sot Policia e Kosovës edhe në qytetin e Ferizajt, ka dalë në terren për zbatimin e masave të reja anti-Covid-19. Krahas gjobave ndaj qytetarëve, të cilët nuk e vendosnin maskën, ka pasur dënime edhe për lokalet e natës.

“Policia ka angazhuar personel të mjaftueshëm për zbatim të këtyre masave dhe është në terren që nga fillimi i këtij vendimi, në masë të madhe qytetarët janë duke i respektuar këto masat ndërkohë po ka raste që në disa persona nuk janë duke i respektuar këto  masat ndërsa policia është e detyruar që të shqiptoj dënime sipas ligjeve në fuqi.”

Kanun Veseli – Zëdhënës i Policisë në Ferizaj

Zëdhënësi Veseli sqaroi se për shkak të mos respektimit të masave të reja, ka pasë 60 gjoba për qytetarët.

“Prej sot  nga ora 7 Policia është e angazhuar me orar të zgjatur nga 12 orësh, ka personel të mjaftueshëm në terren në zbatimin këtyre masave dhe detyrave rutinë që i ka Policia në vazhdimësi në parandalim të krimeve. Të ju njoftoj se vetëm prej orës 8 të mëngjesit policia deri më tani ka shqiptuar  rreth 60 gjoba për qytetarët të cilët nuk i kanë respektuar këto masa.”

Kanun Veseli – Zëdhënës i Policisë në Ferizaj

Edhe gjatë kontrollimit të klubeve të natës, policia kishte shqiptuar 6 dënime ndaj tyre.

“Vetëm mbrëmë ju njoftoj se gjatë kontrollimit të lokaleve kemi hasur në 6 lokale të klubeve të natës apo muzikë live, ku ndaj tyre është shqiptuar nga një fletëparaqitje dhe njëkohësisht ju kanë mbyllë lokalet, ftoj qytetarë që t’i respektojnë masat e reja, t’i bartin maskat, ta mbajnë distancën e duhur, pronarëve të lokaleve ju rekomandoj t’i respektojnë këto masa dhe t’i shfrytëzojnë hapësirat të cilat i ka përcaktuar Qeveria krejt me qëllim të ruajtjes së shëndetit.”

Kanun Veseli – Zëdhënës i Policisë në Ferizaj

Policia e Kosovës shprehi këmbënguljen se do të vazhdoj me gjoba ndaj qytetarëve, të cilët nuk i respektojnë masat e reja, me të vetmin qëllim që të zvogëlohet  përhapja e infektimeve me koronavirus.