Zyra për Komunikim e Qeverisë së Kosovës ka lëshuar një komunikatë, në të cilën thuhet se kryeministri i Kosovës, Albin Kurti i ka shprehur ngushëllime familjes Veseli, me rastin e ndarjes nga jeta të Ajshe Veselit, nënës së ish-kryeparlamentarit të Kosovës Kadri Veseli. E ndjera ka vdekur sot në mëngjes, ndërsa varroset në fshatin Broboniq të Mitrovicës.

Në komunikatën e ZKM thuhet:

Prishtinë, 7 janar 2022

Kryeministri i Republikës së Kosovës, Albin Kurti, ka shprehur ngushëllime për ndarjen nga jeta të Ajshe Veselit, nënës së Kadri Veselit.

Me keqardhje mora lajmin e ndarjes nga jeta e Ajshe Veselit. Në këtë ditë pikëllimi, në emrin tim dhe në emër të Qeverisë së Republikës së Kosovës, i shprehë ngushëllime ish-kryetarit të Kuvendit të Kosovës dhe ish-kryetarit të Partisë Demokratike të Kosovës, z. Kadri Veseli dhe mbarë familjes Veseli, tha kryeministri Kurti.”

Të ngjashme

Të tjera