Botë

Gjenerali Clark: SHBA-ja duhet ta mbrojë popullin e Ukrainës

Published

4 years ago

26 February, 2022

Në një analizë të sotme të rrjetit amerikan CNN lidhur me zhvillimet e luftës në Ukrainë, gjenerali i pensionuar amerikan Wesley Clark i bëri thirrje qeverisë së SHBA-vë dhe NATO-s që ta ndalin gjekderdhjen në Ukrainë, duke krijuar zona të sigurisë për popullatën civile atje. Me këtë rast, gjenerali Clark i shpalosi përvojat e tij me luftërat në Ballkan, duke u pozicionuar për një qëndrim të fuqishëm amerikan në raport me agresionin rus në Ukrainë.

“Mendoj se duhet t’i drejtohemi Kombeve te Bashkuara, duhet t’i bëjmë thirrje Rusisë që të stopojnë menjëherë me operacionet e veta. Duhet ta shpallim një zone sigurie rreth Kievit, të themi ndoshta tërë pjesën perendimore të Ukrainës në perendim të lumit Dnjepër. Thuani Rusisë të ndalet! Thuani stop! Ata nuk kanë drejtë ta bëjnë këtë. Ashtu siç tha edhe presidenti Biden, kjo është e jashtëligjshme. Sanksionet ndaj Putinit janë të shkëlqyeshme, por më kujtohet se kur isha në Ballkan, e dini sa e vështirë ishte, sepse masakrat vazhduan me vite të tëra. U vranë 200 mijë njerëz, dhe në fund ishin SHBA-të ato që e stopuan luftën. Ne duhet ta ndalim!” – tha gjenerali Clark për CNN

Wesley Clark, gjeneral amerikan me pesë yje, ishte Komandant Suprem i forcave aleate të NATO-s nga viti 1997 deri në vitin 2000. Ai e udhëhoqi operacionin “Alled Force” i cili rezultoi me çlirimin e Kosovës nga okupimi serb. Clark njihet si ushtarak dhe politikan me qëndrime të fuqishme kundër ekspanzionizmit të Rusisë në kontinentin Evropian.

Linku i intervistës së gjeneralit Clark:

Botë

Izraeli thotë se ka vrarë zyrtarë të lartë të inteligjencës iraniane

Published

3 days ago

02 March, 2026

Redaksia

Forcat Mbrojtëse të Izraelit (IDF) thanë se kanë vrarë zëvendësministrin e inteligjencës së Iranit për çështjet e Izraelit, Sayed Yahya Hamidi.

Jalal Pour Hossein, udhëheqës i divizionit të spiunazhit në Ministrinë e Inteligjencës, u vra gjithashtu, së bashku me “zyrtarë të tjerë të regjimit”, thuhet në njoftim.

Detaje se si, kur ose ku u vranë nuk jepen.

Por, shtohet se selia e Ministrisë së Inteligjencës në Teheran u godit “pak kohë më parë”.

| Radio Evropa e Lirë

Botë

Gjysmëhëna e Kuqe: Më shumë se 550 persona të vrarë në Iran

Published

3 days ago

02 March, 2026

Redaksia

Organizata iraniane Gjysmëhëna e Kuqe njoftoi të hënën se 555 persona janë vrarë në sulmet e përbashkëta të SHBA-së dhe Izraelit kundër Iranit.

Sipas raportit të saj, 131 qytete janë përfshirë nga sulmet që nga dita e parë e tyre më 28 shkurt.

Gjysmëhëna e Kuqe shtoi se operacionet e shpëtimit, ndihmës, transportit dhe shërbimeve mjekësore janë duke vazhduar.

| Radio Evropa e Lirë

Botë

Irani refuzon negociatat me SHBA-në, ndërsa Trump paralajmëron hakmarrje të fuqishme

Published

3 days ago

02 March, 2026

Redaksia

Kryetari i Këshillit Suprem të Sigurisë Kombëtare të Iranit, Ali Larijani, tha se Teherani “nuk do të negociojë” me Uashingtonin.

Ai i bëri komentet disa orë pasi presidenti i Shteteve të Bashkuara, Donald Trump, u zotua se do të vazhdojë t’i ndëshkojë “terroristët” me “forcën e plotë” të ushtrisë amerikane.

Në një postim në rrjetin X, Larijani shkroi:

“Ne nuk do të negociojmë me Shtetet e Bashkuara. Sot, kombi iranian po mbron veten”.

Të dielën, në një video gjashtëminutëshe që postoi në platformën e tij Truth Social, Trump tha se lufta kundër Iranit mund të zgjasë katër javë, megjithëse u duk se e la derën hapur për bisedime të mëtejshme me udhëheqësit mbijetues në Teheran.

“Në 36 orët e fundit, Shtetet e Bashkuara dhe partnerët e tyre po kryejnë Operacionin Tërbimi Epik – një nga ofensivat ushtarake më të mëdha, më komplekse dhe më dërrmuese që bota ka parë ndonjëherë”, tha Trump.

Ai shtoi se operacionet luftarake në Iran “po vazhdojnë me forcë të plotë” dhe “do të vazhdojnë derisa të arrihen të gjitha objektivat tona”.

| Radio Evropa e Lirë