Ferizaj

Policia gjen mbi 50 kilogramë drogë në Doganaj të Ferizajt

Published

3 years ago

31 August, 2022

administrator

Policia e Kosovës, saktësisht anti-droga ka gjetur drogë heroinë në Doganaj të Ferizajt.

Droga e gjetur ishte e ndarë në dy thasë me nga mbi 25 kilogramë, përcjell TV TEMA.

Sipas Policisë ky konfiskim i drogës ka ardhur si derivim i operacionit “Gropa” kur muaj më parë u arrestuan 15 persona.

Njoftimi nga Policia:

Operacioni “Gropa”i realizuar muaj më parë kishte vënë në pranga 15 persona, ishin konfiskuar 67.71 kg heroinë, ndërsa tani pas hetimeve intensive u zbuluan dhe konfiskuan edhe mbi 50 kg tjera heroinë

Prishtinë, më 31 gusht 2022

Policia e Kosovës, drejtoria e antidrogës njësia e DHTN-Ferizaj, më datë 23.05.2022 gjatë realizimit të operacionit të koduar “GROPA” kishte arrestuar (15) persona të dyshuar prej tyre (6) shtetas turq dhe (9) shtetas kosovar, si dhe kishte konfiskuar (67.71 kg) narkotikë të llojit Heroinë.

Nga informacionet, hetimet dhe të gjitha veprimet e ndërmarra në teren, dyshohej se edhe mbi (50 kg) substancë bazë e Heroinës ( e papërpunuar ) fshihej nga të dyshuarit.

Lidhur me këtë, DHTN Ferizaj si rezultat i angazhimeve dhe analizimit të të gjitha të dhënave, përfshirë masat e fshehta dhe veprimet hetimore në teren, më 30.08.2022, ka vënë në zbatim planin taktik, i cili është realizuar në bashkëpunim dhe koordinim me organet e drejtësisë.

Sipas planit operacional janë realizuar dy kontrolle në fshatin Doganaj të Ferizajit, kontrolli i parë është kryer në një depo – punëtori, objekt përcjellës i shtëpisë së të dyshuarit V. N, ku nuk është gjetur asgjë e dyshuar.

Ndërsa kontrolli i dytë është kryer në një shtëpi të pabanuar, e demoluar, ku gjatë kontrollit janë gjetur dy thasë najloni, në brendësi të të cilëve kishte thasë të letrës, të mbushur me substancë pluhur, ngjyrë kafe, e dyshuar për narkotikë të llojit Heroinë .

Thasët dhe substanca janë të ngjashëm me ato të konfiskuara më datë 23.05.2022, në operacionin e koduar “GROPA”. Në vendin e ngjarjes ka dal prokurori kompetent dhe Krim-teknika e regjionit Ferizaj, të cilët kanë bërë administrimin e provave, përfshirë nxjerrjen e gjurmëve të mundshme latente, ku pas marrjes së mostrave, testi fushor rezulton pozitiv në OPIAT ( bazë e Heroinës) .

Në cilësinë të provave materiale, janë konfiskuar:

• Thes letre, ngjyrë kafe, e mbushur me substancë pluhur , ngjyrë kafe, e dyshuar për Heroinë ( bazë e Heroinës ), me peshë 25.40 kg.

• Thes letre, ngjyrë kafe, e mbushur me substancë pluhur, ngjyrë kafe, e dyshuar për Heroinë (bazë e Heroinës ), me peshë 25.50 kg.

Ferizaj

Gjendet i vdekur një 63 vjeçar në fshatin Jezerc të Ferizajt

Published

2 days ago

31 July, 2025

Redaksia

Policia në Ferizaj ka njoftuar se në një vilë private në fshatin Jezerc është gjetur një person pa shenja jete, i moshës 63-vjeçare.

Viktima është gjetur rreth orës 11:00, në garazh pranë veturës së tij, derisa vdekjen e ka konstatuar ekipi mjekësor i Qendrës Emergjente në Ferizaj.

Prokurori i shtetit është njoftuar për rastin dhe ka udhëzuar që të ndërmerren të gjitha veprimet hetimore të nevojshme, ndërsa trupi i pajetë është dërguar në Institutin e Mjekësisë Ligjore në Prishtinë për obduksion.

Ferizaj

Dy persona janë arrestuar në Ferizaj për sulm dhe lëndim të rëndë trupor

Published

1 week ago

26 July, 2025

Redaksia

Policia në Ferizaj ka arrestuar dy persona për sulm dhe lëndim të rëndë trupor.

Dy të arrestuarit dyshohen se bashkë me dy të tjerë që janë në arrati, mbrëmjen e 25 korrikut kanë sulmuar me mjete të forta dhe thikë personin që punonte si sigurim në një kafene .

Në raportin 24 orësh të Policisë thuhet se viktima ka pësuar lëndime të rënda dhe pas ndihmës mjekësore në Emergjencë të Ferizajt, është dërguar për trajtim në Qendrën Klinike Universitare në Prishtinë.

“Janë arrestuar dy të dyshuar meshkuj kosovarë, për shkak se së bashku me dy të dyshuar tjerë që gjenden në arrati e kanë sulmuar fizikisht me mjete të forta dhe mjet të mprehtë – thikë viktimën mashkull kosovar, i cili ka qenë duke punuar në një kafiteri si sigurim fizik. Si pasojë e sulmit viktima fillimisht ka marr ndihmë mjekësore në Qendrën Emergjente Ferizaj, pastaj për shkak të lëndimeve të rënda është dërguar në QKUK. Dy të dyshuarit pas intervistimit me vendim të prokurorit janë dërguar në mbajtje për 48 orë, rasti vazhdon të hetohet”, thuhet në raport.

Ferizaj

Për tejkalim shpejtësie dy shoferëve u shqiptohet masa e ndalimit të vozitjes nga policia në Ferizaj

Published

1 week ago

25 July, 2025

Redaksia

Njësia policore e Komunikacionit Rrugor në Ferizaj ka ndëshkuar dy shoferë për kundërvajtje në trafik, pasi në dy raste të ndara, ata kanë tejkaluar gati dyfish shpejtësinë e lejuar për qarkullim të veturave.

Në rastin e parë, më 24.07.2025, rreth orës 01:57, njësia policore ka ndaluar në rrugën “Rexhep Bislimi” në Ferizaj një veturë Mercedes me targa të huaja, pasi shoferi A.I. (34 vjeç) po drejtonte automjetin me shpejtësi prej 83 km/h në një zonë ku kufizimi i lejuar është 40 km/h. Shpejtësia është matur me radarin laserik.

Për këtë kundërvajtje, shoferit i është shqiptuar gjoba në vlerë prej 200 €, dhe masë mbrojtëse – ndalim i drejtimit të mjetit motorik për 3 muaj .

Ndërsa me datë 25.07.2025, rreth orës 00:25, në rrugën “Brahim Ademi” në Ferizaj, ka ndaluar një veturë BMW me targa vendore për kundervajtje trafiku, pasi shoferi E.R. (23 vjeç) po drejtonte automjetin me shpejtësi prej 100 km/h në një zonë ku kufizimi i lejuar është 50 km/h. Shpejtësia është matur me veturën inteligjente. Për këtë kundërvajtje, shoferit i është shqiptuar gjoba në vlerë prej 300 €, 3 pikë negative dhe masë mbrojtëse – ndalim i drejtimit të mjetit motorik për 6 muaj.