Connect with us

Kosovë

Sindikatat e Shëndetësisë kërkojnë që punëtorëve të kujdesit parësor t’u dalin pagat sa më shpejt

Published

on

Federata e Sindikatave të Shëndetësisë së Kosovës ka kërkuar që punëtorëve të kujdesit parësor sa më shpejt t’u dalin pagat e muajit gusht.

Në një reagim të enjten në mesditë, FSHSK-ja ka thënë se nuk ka marrë sqarim konkret nëse faji është te Komuna apo Ministria e Financave.

“Federata e Sindikatave të Shëndetësisë së Kosovës pas informimit nga terreni në lidhje me mosmarrjen e pagave të punëtorëve shëndetësorë në kujdesin parësor kërkon nga ana e faktorëve relevantë që punëtorët shëndetësorë sa më parë t’i marrin pagat e tyre njësoj sikurse punëtorët shëndetësorë të kujdesit dytësor dhe tretësor. Deri më tani jemi konsultuar edhe nga zyrtarët komunalë, por edhe ata të Ministrisë së Financave të cilët asnjëra palë nuk japin sqarim konkret. Vonesa e pagave të punëtorëve shëndetësorë është e papranueshme dhe e dënueshme, andaj kërkojmë që sa më shpejt të ekzekutohen pavarësisht kush është përgjegjës për këtë vonesë. Mos të bëhen lojëra në kurriz të punëtorëve shëndetësorë të cilët janë në shërbim të qytetarëve për 24 orë”, thuhet në reagim të FSSHK-së.

Nga 25 gushti punëtorë të sektorit publik kanë hyrë në grevë. Në grevë aktualisht janë administratat në disa komuna dhe shumica e sektorit të arsimit. FSSHK-ja pati bërë të ditur para një jave se s’do t’i bashkohet grevës së përgjithshme të Bashkimit të Sindikatave të Pavarura. Shoqata Sindikale e Qendrës Klinike Universitare pati kundërshtuar FSSHK-në duke përkrahur grevën.

Kosovë

Ilir e Rrahim Abdullahu dënohen me nga 18 vjet burgim për vrasjen e Triumf Rizës

Published

on

Ilir dhe Rrahim Abdullahu janë dënuar me nga 18 vjet burgim për vrasjen e zyrtarit policor Triumf Riza.

Aktgjykimi është shpallur sot në Gjykatën Themelore në Prishtinë.

Gjatë shpalljes së vendimit, kryetari i trupit gjykues, Avni Syla, bëri të ditur se Ilir Abdullahut i vazhdohet masa e paraburgimit, ndërsa Rrahim Abdullahut i caktohet paraburgimi. Të dyja masat do të jenë në fuqi deri në plotfuqishmërinë e aktgjykimit.

Në shpalljen e aktgjykimit, Rrahim Abdullahu nuk ishte prezent në sallë, ndërsa i pranishëm ishte i bashkëakuzuari i tij, Ilir Abdullahu.

Polici Triumf Riza ishte vrarë më 30 gusht 2007, në lagjen “Dardania” në Prishtinë.

Për këtë rast, më herët është dënuar edhe Arben Berisha me 35 vjet burgim për kryerje të vrasjes, ndërsa Enver Sekiraqa, për nxitje të vrasjes, është dënuar me 25 vjet burgim.

Sekiraqa ndodhet në arrati që nga 17 maji 2024, kur ishte liruar nga paraburgimi pas ndryshimit të masës së sigurisë.

Continue Reading

Kosovë

Një shtetas i Kosovës ekstradohet në SHBA për krime kibernetike

Published

on

Një shtetas i Kosovës është ekstraduar  për në SHBA, pasi që i njëjti kërkohej nga autoritetet amerikane për përfshirje në veprat penale që ndërlidhen me krimet kibernetike.

I dyshuari iu dorëzua mëngjesin e sotëm njësisë U. S. Marshall të SHBA-së, në ANP “Adem Jashari”, bëri të ditur Policia.

Në njoftim nuk u dhanë informacione për identitetin, moshën apo hollësi tjera për personin e ekstraduar.

Por, Policia e Kosovës tha se do të vazhdojë shkëmbimin e informacioneve me institucionet vendore dhe partnerët ndërkombëtarë, me qëllim të parandalimit dhe hetimit të krimit, si dhe gjurmimit dhe arrestimit të personave të kërkuar brenda dhe jashtë vendit

Continue Reading

Kosovë

Çitaku e quan vendimin e speciales të turpshëm dhe të papranueshëm

Published

on

Ushtruesja e detyrës së kryetares së PDK-së, Vlora Çitaku, e ka quajtur të turpshëm e të papranueshëm vendimin e Dhomave të Specializuara për dënimet ndaj Hashim Thaçit, Bashkim Smakajt, Fadil Fazliut dhe Hajredin Kuçit në rastin për pengim të drejtësisë.

Përmes një postimi në Facebook, Çitaku tha se vendimi i sotëm vetëm sa e ka thelluar mosbesimin në drejtësinë e administruar nga kjo gjykatë. Sipas saj, drejtësia nuk mund të ketë standarde të ndryshme për ata që gjykohen dhe një tjetër për ata që gjykojnë.

“Shpreh zhgënjimin dhe shqetësimin tim të thellë për vendimin e sotëm të Gjykatës Speciale në Hagë ndaj Presidentit Hashim Thaçi dhe të tjerëve, në procesin për pengim të drejtësisë. Kontestimet procedurale, proceset e njëpasnjëshme dhe zvarritjet shumëvjeçare i kanë thelluar pikëpyetjet tona serioze për administrimin e drejtësisë të kësaj Gjykate”, ka thënë ajo duke shtuar se padrejtësisë do t’i përgjigjemi me qëndresë, mobilizim dhe përkushtim të palëkundur shtetëror e mbarëkombëtar.

“Me veprime konkrete politike, juridike e diplomatike. Me vendosmëri, deri në fund”, ka shkruar Çitaku.

#

Continue Reading

Trending