Kosovë

Telefonë, kontrata, vetura e armë – Gjithçka që iu sekuestrua 7 të arrestuarve të sotëm në rastin “Brezovica”

Published

4 years ago

21 September, 2022

Prokuroria Themelore në Ferizaj, njofton opinionin publik se në bashkëpunim me Policinë e Kosovës, Drejtorinë për Hetimin e Krimeve të Rënda (DHKR) në Prishtinë, në bazë të urdhëresës së lëshuar nga Gjykata Themelore në Ferizaj për kontrollin e shtëpive dhe objekteve përcjellës, sot ka realizuar aksionin “Brezovica” i cili është vazhdimësi i rasteve të mëhershme.

Gjatë këtij aksioni, janë kontrolluar dhe bastisur njëmbëdhjetë (11) lokacione të ndryshme, konkretisht tetë (8) lokacione në qytetin e Prishtinës, dy (2) në Podujevë dhe një (1) në Fushë Kosovë, ku me ç’rast, janë arrestuar shtatë (7) persona të dyshuar dhe të njëjtit me vendim të Prokurorit të Shtetit, janë ndaluar në kohëzgjatje prej 48 orësh, për shkak të dyshimit se të njëjtit kanë kryer veprat penale “Marrja e ryshfetit”, nga neni 421 i Kodit Penal të Republikës së Kosovës “Dhënia e ryshfetit”,nga neni 422 , “Fajdeja” nga neni 331 dhe “Ushtrimi i ndikimit” nga neni 424 të Kodit Penal të Republikës së Kosovës.

Ndërsa, gjatë kontrollit tek personat e dyshuar, në cilësinë e provave materiale janë gjetur dhe sekuestruar dëshmitë si në vijim:

Gjatë kontrollit te i dyshuari B.L., janë gjetur dhe sekuestruar:

· Çertifikatë e pronësisë (10 fletë)

· Skicë (1 fletë) dhe

· Telefon mobil, IPHONE 11 PRO, ngjyrë hiri.

Gjatë kontrollit te i dyshuari Sh.Sh., janë gjetur dhe sekuestruar:

Dy telefona Samsung
Një Loptop HP
Si dhe dokumente të ndryshme

Gjatë kontrollit te i dyshuari G.B., janë gjetur dhe sekuestruar:

Një telefon Samsung me dy kartela sim card
Një hard disk USB 2.0 me mbishkrim SATA.
Një hard disk Apacer.
Një kompjuter laptop i markës Lenovo.
Një kompjuter laptop i markës Dell.
Një kompjuter laptop i markës Acer.

Gjatë kontrollit te i dyshuari B.G., janë gjetur dhe sekuestruar:

Një revole me nr serik 54A 040356.

9 fishekë te cal. 45 mm

Dy karikator te revoles

Nje kallf i revoles

Gjatë kontrollit te i dyshuari S.S., është gjetur dhe sekuestruar:

Një telefon IPHONE 7, ngjyrë e zezë.

Gjatë kontrollit te i dyshuari L.V., janë gjetur dhe sekuestruar:

Telefon Iphone 13, ngjyrë Hiri
Laptop “Apple”,
Dokumente ,
Certifikata Kadastra 3 faqe,
Kopje Plani 20 faqe,
Kontrata të trojeve Brezovicë 27 faqe,
Kontarta Trojeve, 30 faqe,
Kontrata Fasikell e Kuqe 16 faqe,
Mg Energy –MG HC Brezovica-Maktos Group HC Brezovica.
3 Vula
USB dhe një Sd Card
Vetura Mercedes G class, ngjyre e zezë

Gjatë kontrollit te i dyshuari S.S., janë gjetur dhe sekuestruar:

Një pistoletë “Zervena Zasatava me nr serik 1947 ,
Nje karikator dhe 7 fishekë te cal. 7.62 mm,
Një veture Toyota ,
Një veturë “Mercedes G class”,
Nje telefon Iphone 13 pro ,
Tri kartela bankare ,
Dokumente te ndryshme.

Gjatë realizimit të kontrollit te i dyshuari G.S., në 2 (dy) lokacionet, në cilësi të provave materiale janë gjetur dhe sekuestruar këto deshmi:

Një veturë Mercedes Benz S500, Një veturë Toyota Land Cruiser,
Një Librezë e veturës ,
Një Librezë e veturës ,
Një Telefon Iphone 12 Mini ,
Një shtëpizë e kompjuterit HP, ngjyre e zezë,

Ndërsa në shtëpinë e dy të dyshuarve G.S., dhe S.S., gjatë kontrollit në cilesinë e provave materiale janë gjetur dhe sekuestruar deshmitë:

Veturë Mercedes AMG,
Një librezë e veturës ,
Kontratë mbi shitblerjen e veturës LAND ROVER,
çelës ngjyrë e zezë me te bronztë për ndezjen e automjetit Mercedes.

Kosovë

Azemi: Manipulimi me njehsorët elektrikë është vepër penale

Published

3 days ago

27 March, 2026

Redaksia

Anëtari i Kryesisë së LDK-së, Visar Azemi, deklaroi se kanë mbledhur dëshmi të mjaftueshme se njehsorët elektrikë po matin gabimisht kohën, duke ndikuar kështu në fatura më të larta të energjisë të cilat po i paguajnë qytetarët.

Në një adresim për media para zyrave të KEDS/KESCO, Azemi tha se dëshmitë e mbledhura për këtë dukuri i ka dorëzuar në KEDS por që menaxhmenti i kompanisë nuk ka pranuar të takohen. Ai tha se përkundër refuzimit nga KEDS do t’i drejtohet Ministrisë së Ekonomisë, Zyrës së Rregullatorit të Energjisë por dhe prokurorisë, pasi që, siç u shpreh, nga matja e gabuar e kohës në njehsorë po dëmtohen qytetarët kurse po përfiton KEDS-i dhe kjo, sipas tij, është vepër penale.

Sipas Azemit, matja e gabuar e kohës në njehsorë bënë që në shumë raste shpenzimi i energjisë gjatë natës në kohën e tarifës së ulët të llogaritet si shpenzim gjatë ditës kur tarifa është e lartë.

“Qytetarët e Republikës së Kosovës duhet ta dinë të vërteten dhe këtë të vërtetë unë nuk ka mu ndal deri në momentin e fundit deri sa ta gjejmë ku është problemi, pse po i rrejnë, pse po i manipulojnë, pse po i mashtrojnë, pse po i vjedhin. Këtë hajni kemi me ndalë bashkë,” ka thënë Azemi.

Kosovë

Kosova dhe Panama heqin vizat për pasaportat diplomatike

Published

3 days ago

27 March, 2026

Redaksia

Republika e Kosovës dhe Republika e Panamasë kanë nënshkruar marrëveshjen për heqjen e vizave për mbajtësit e pasaportave diplomatike dhe zyrtare.

“Marrëveshja u nënshkrua nga Zëvendësministri i Punëve të Jashtme dhe Diasporës i Republikës së Kosovës, Kreshnik Ahmeti, dhe Ministri i Punëve të Jashtme në detyrë i Republikës së Panamasë, Carlos A. Hoyos, në një ceremoni zyrtare që rikonfirmoi përkushtimin e të dy vendeve për avancimin e bashkëpunimit dhe forcimin e lidhjeve diplomatike”, thuhet në postimin e ministrisë në Facebook.

Për më shumë, gjatë takimit zyrtarë, palët diskutuan për nisjen e procedurave drejt heqjes së vizave edhe për mbajtësit e pasaportave të rregullta, si dhe për zgjerimin e bashkëpunimit në fusha me interes të ndërsjellë, përfshirë sigurinë, arsimin e lartë dhe turizmin.

Panamaja e njohu Republikën e Kosovë si shtet të pavarur me 16 janar 2009, derisa marrëdhëniet diplomatike u vendosën me 27 gusht 2013 me nënshkrimin e një komunikate të përbashkët në mes të dy vendeve.

Kosovë

Të hënën ekzekutohen 500 mijë euro të premtuara nga Kurti

Published

3 days ago

27 March, 2026

Redaksia

Ministri i Financave dhe Transfereve, Hekuran Murati ka bërë të ditur se Qeveria do të procedojë të hënën vendimin për ndarjen 500 mijë euro për “Dardanët”.

“Me kërkesë të Kryeministrit, vendimin për ndarjen e shpërblimit prej 500k euro për fitoren e mbrëmshme të Dardanëve do ta kemi gati për miratim të hënën në mbledhje të Qeverisë”, njoftoi Murati përmes një postimi në Facebook.

Kjo shumë, është shpërblimi që kryeministri Albin Kurti ua kishte premtuar futbollistëve qysh në nëntor nëse Kosova do ta fitonte ndeshjen me Sllovakinë.

Ndeshja finale e mes Kosovës dhe Turqisë, e cila do të zhvillohet të martën në Prishtinë, do të jetë përcaktuese për pjesëmarrjen në kampionatin botëror që do të mbahet këtë verë në Shtetet e Bashkuara, Kanada dhe Meksikë.