Botë

DAÇIQ: NJËZËRI E KEMI REFUZUAR LETRËN E SCHOLZ DHE MACRON

Published

2 years ago

15 November, 2022

Ministri i punëve të jashtme të Serbisë, Ivica Daçiç, në një intervistë për gazetën “Novosti” (novosti.rs) të realizuar më 6 nëntor 2022, deklaroi se institucionet shtetërore të Serbisë njëzëri e kanë refuzuar planin franko-gjerman për marrëveshjen gjithëpërfshirëse në mes të Kosovës dhe Serbisë, duke e cilësuar si të papranueshëm.

Në pyetjen e gazetares së të përditshmes beogradase “Novosti”, se cili do të jetë reagimi i Serbisë ndaj “ofertave dhe presioneve të padrejta”, siç i cilësoi gazetarja, për çështjen e Kosovës, Daçiq u përgjigj:

“– Duhet të dimë se nuk do të marrim kurrë një zgjidhje që do të jetë ideale për ne. As për Prishtinën, por ata nuk më interesojnë. Jemi në një hapësirë ku nuk ka zgjidhje ideale dhe ku duhet të matim me kujdes atë që mund dhe nuk mund të pranojmë pa i cenuar interesat tona më të rëndësishme.”

Në komentin e gazetares së me planin e Scholz-it dhe Macron-it, Serbisë po i ofrohet pranimi i Kosovës në Kombet e Bashkuara në këmbim të një perspektive të turbullt evropiane, Daçiq u përgjigj:

“- Ata nisen nga qëndrimi se pavarësia e Kosovës tashmë është punë e kryer, por ne nuk e pranojmë këtë. Ne duam të flasim dhe gjatë gjithë kohës tregojmë se jemi konstruktivë, kemi propozime për kompromis, por nuk mund t’i bëjmë ato marrëveshje të papritura. Konkluzioni nga seanca e Këshillit të Sigurisë Kombëtare është se ky propozim është i papranueshëm për ne dhe të gjithë votuam “po”. Nuk na jep mundësi të flasim, sepse baza nga e cila nis – që Kosova është shtet i pavarur, është e papranueshme për ne. Dhe kjo, nëse do ta njihni apo jo në kuptimin formal, por do të pajtoheni që Kosova është anëtare e OKB-së, është shumë e vështirë për ne. “ – deklaroi Daçiq në fund të intervistës për gazetën serbe Novosti.

Botë

Përleshje fizike në parlamentin italian

Published

1 month ago

13 June, 2024

Redaksia

Një përleshje fizike mes deputetëve ka ndodhur më 13.06.2024 në parlamentin e Italisë.

Siç raporton Zëri i Amerikës, Leonardo Donno, deputet i Lëvizjes “5 Yje”, po përpiqej t’i vinte flamurin italian ministrit për Çështjet Rajonale, Roberto Calderoli gjatë një diskutimi mbi projekt-ligjin e diskutueshëm të qeverisë në lidhje me autonomitë lokale.

Incidenti mes këtyre dyve u shndërrua në përleshje masive mes deputetëve të grupeve të ndryshme parlamentare derisa bëhet e ditur se njëri nga pjesëmarrësit në përleshje është larguar nga parlamenti në një karrige pacientësh.

Botë

Qeveria e Sllovakisë konfirmon atentatin dhe plagosjen e kryeministrit Fico

Published

2 months ago

15 May, 2024

Redaksia

Kryeministri i Sllovakisë, Robert Fico, është plagosur në një atentat pasditen e sotme.

Fico, 59 vjeç, u dërgua në spital pasi ndaj tij u shkrepën katër plumba në stomak dhe gjoks në ngjarjen që ndodhi pranë Shtëpisë së Kulturës së Qytetit, Handlova, rreth 150 kilometra në verilindje të kryeqytetit Bratislavë.

I dyshuari për plagosjen është arrestuar menjëherë pas të shtënave, raportuan gazetarët të cilët ishin në përcjellje të një aktiviteti të Ficos me mbështetësit .

Fico është kryeministër i Sllovakisë që nga fundi i vitit 2023

Botë

Në Maqedoninë e Veriut sot ka nisur heshtja zgjedhore

Published

3 months ago

23 April, 2024

Redaksia

Në Maqedoninë e Veriut sot ka nisur heshtja zgjedhore pasi nesër mbahet raundi i parë i zgjedhjeve presidenciale

Heshtja zgjedhore përfundon më 24 prill në orën 19:00, kur mbyllen vendvotimet.

Si zakonisht, gjatë ditës së sotme në votimet paraprake të drejtën e tyre qytetare do të kenë mundësi ta ushtrojnë të sëmurët dhe personat e pafuqishëm, të burgosurit në shtëpitë ndëshkuese-përmirësuese dhe personat në paraburgim, në shtëpitë e të moshuarve dhe shtetasit tanë jashtë vendit.

Zgjedhjet e shtatë presidenciale në Maqedoninë e Veriut do të mbahen të mërkurën, më 24 prill, ndërsa raundi i dytë i mundshëm i tyre, së bashku me zgjedhjet parlamentare, është caktuar pas dy javësh, më 8 maj.