Kosova do të përballet në një miqësore sot me Armeninë.
Ky takim luhet sot me fillim nga ora 18:00 në stadiumin ‘Fadil Vokrri’, shkruan GazetaBlic Sport.
Përzgjedhësi Alain Giresse ka publikuar listën e të ftuarve javën që lamë pas.
Për këto dy ndeshje miqësore, Giresse është përqendruar kryesisht në emra të rinj, ku nuk mungojnë emrat e lojtarëve nga Superliga e Kosovës.
Ndeshja ndaj Armenisë dhe ajo ndaj Ishujve Faroe me 19 nëntor, shihen si dy teste para fillimit të kualifikimeve për Kampionatin Evropian.
