Dy raste të vjedhjes janë raportuar në raportin ditor të Policisë së Kosovës në Ferizaj.
Njëri rast ka ndodh në Lloshkobare ku në një autosallon janë vjedh pjesë të veturave, kurse rasti tjetër ka ndodh në Ferizaj dhe hajni që kishte vjedhur ushqime është kapur dhe dërguar në mbajtje.
Njoftimi i plotë nga Policia:
VJEDHJE E RËNDË
Fsh. Lloshkobare, Ferizaj 07.02.2023 – 08:00. Ankuesi mashkull kosovar ka informuar se persona të pa njohur kanë depërtuar me forcë në auto-sallon dhe nga aty kanë vjedhur pjesë të ndryshme të veturave. Rasti është duke u hetuar.
VJEDHJE
Rr. Bajram dhe Gursel Sylejmani, Ferizaj 02.02.2023 – 13:30. Është identifikuar dhe arrestuar i dyshuari mashkull kosovar pasi që ditë më parë kishte vjedhur gjësende të ndryshme ushqimore në marketin e viktimës mashkull kosovar. Me vendim të prokurorit i dyshuari është dërguar në mbajtje.
