Connect with us

Botë

Pesë destinacione për Lionel Messin nëse largohet nga PSG

Published

on

Lionel Messi po përballet me një vendim të madh në muajt e ardhshëm, me kontratën e tij aktuale me Paris Saint-Germainin që skadon në fund të qershorit.

Argjentinasi iu bashkua PSG-së në një marrëveshje dyvjeçare në gusht 2021 pas largimit të tij emocional nga Barcelona për arsye financiare. 35-vjeçari ka formuar një treshe sulmi të mbushur me yje në kryeqytetin e Francës, duke luajtur përkrah talentëve si Neymar dhe Kylian Mbappe, por gjithçka mund të marrë fund kur të përfundojë sezoni.

Ka pasur shumë spekulime për të ardhmen e Messit që kur ai luajti një rol kryesor në fitoren e Argjentinës në Kupën e Botës në dhjetor. Raportimet në atë kohë thanë se ai po konsideronte ofertën për një rinovim të kontratës me PSG-në, por L’Equipe tani bën të ditur se ai po shkon drejt largimit nga Parisi.

Kështu, Mirror Football hedh një vështrim në pesë destinacione të mundshme nëse Messi vendos të largohet nga PSG:

Inter Miami

Klubi nga MLS, i cili është nën pronësi të David Beckham, nuk e kanë fshehur dëshirën për të nënshkruar me Messin.

The Times ka raportuar se ata janë të sigurt për nënshkrimin e Messit dhe do t’i jepnin atij një marrëveshje që do ta bënte atë lojtarin më të paguar në historinë e MLS.

Barcelona

Messi e bëri absolutisht të qartë se ai nuk donte të largohej nga Barça në gusht 2021. “Ne ishim të bindur se po vazhdonim këtu, në shtëpi”, kishte thënë ai ndërsa u përpoq të mos qante. “Bëra gjithçka që munda për të qëndruar sepse doja të qëndroja”.

Barcelona është shtëpia e Messit dhe pavarësisht nga të gjitha problemet financiare, gjithmonë do të ketë një dëshirë për të rikthyer yllin argjentinas.

Manchester City

PSG nuk ishte klubi i vetëm i lidhur me Messin në verën e vitit 2021. Prania e Pep Guardiolës në Manchester City – dhe financat e klubit – nënkuptonin se ata ishin gjithashtu të përcaktuar si një destinacion i mundshëm.

Guardiola nuk ka ngurruar të lëvdojë Messin, i cili bëri mrekulli nën drejtimin e tij te Barcelona.

Megjithatë, nënshkrimi i një 36-vjeçari së shpejti do të përfaqësonte një largim nga strategjia e Cityt në tregun e transferimeve, pavarësisht se sa i mirë është Messi.

Al-Hilal

Lëvizja e Cristiano Ronaldos me shumë para te Al-Nassr tregoi se Arabia Saudite është e gatshme të thyejë bankën për të joshur superyjet në ligën e saj. Që kur Ronaldo u transferua në Riad, ka pasur zëra se Messi mund të ndjekë shembullin e portugezit.

Mundo Deportivo raportoi kohët e fundit se rivali i Al-Nassr, Al-Hilal do të ishte i gatshëm t’i paguanin Messit mbi 300 milionë euro në vit.

Newell’s Old Boys

“Dëshira është të luaj gjithmonë për Newell’s – kjo është ajo që kam ëndërruar si fëmijë”, kishte thënë Messi për TyC Sports pesë vjet më parë. “Kur shkova në klub imagjinova të luaja në Primera Division, por nuk e di se çfarë do të ndodhë pas disa vitesh. Nuk mund të them se do të kthehem sepse nuk e di se ku do të jem”.

Është një nocion romantik, kthimi atje ku gjithçka filloi si fëmijë para se të transferohej në Barcelonë, dhe është një nocion që mund të tërheqë Messin tani. Pas fitimit të Kupës së Botës – trofeu i fundit që ai dëshironte – Messi mund të rikthehet në Argjentinë, aty ku mund t’i thotë lamtumirë futbollit si lojtar./telegrafi

Botë

Qeveria e Sllovakisë konfirmon atentatin dhe plagosjen e kryeministrit Fico

Published

on

Kryeministri i Sllovakisë, Robert Fico, është plagosur në një atentat pasditen e sotme.

Fico, 59 vjeç, u dërgua në spital pasi ndaj tij u shkrepën katër plumba në stomak dhe gjoks në ngjarjen që ndodhi pranë Shtëpisë së Kulturës së Qytetit, Handlova, rreth 150 kilometra në verilindje të kryeqytetit Bratislavë.

I dyshuari për plagosjen është arrestuar menjëherë pas të shtënave, raportuan gazetarët të cilët ishin në përcjellje të një aktiviteti të Ficos me mbështetësit .

Fico është kryeministër i Sllovakisë që nga fundi i vitit 2023

Continue Reading

Botë

Në Maqedoninë e Veriut sot ka nisur heshtja zgjedhore

Published

on

Në Maqedoninë e Veriut sot ka nisur heshtja zgjedhore pasi  nesër mbahet raundi i parë i zgjedhjeve presidenciale

Heshtja zgjedhore përfundon më 24 prill në orën 19:00, kur mbyllen vendvotimet.

Si zakonisht, gjatë ditës së sotme në votimet paraprake  të drejtën e tyre qytetare do të kenë mundësi ta ushtrojnë të sëmurët dhe personat e pafuqishëm, të burgosurit në shtëpitë ndëshkuese-përmirësuese dhe personat në paraburgim, në shtëpitë e të moshuarve dhe shtetasit tanë jashtë vendit.

Zgjedhjet e shtatë presidenciale në Maqedoninë e Veriut do të mbahen të mërkurën,  më 24 prill, ndërsa raundi i dytë i mundshëm i tyre,  së bashku me zgjedhjet parlamentare, është caktuar pas dy javësh, më 8 maj.

Continue Reading

Botë

Bitcoin me rekord historik – kalon vlerën mbi 71 mijë dollarë

Published

on

Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.

Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.

Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.

Continue Reading

Trending