Connect with us

Botë

Mediumi serb N1  publikon afatet e zbatimit të marrëveshjes Kosovë – Serbi

Published

on

Ish ministri i qeverisë së Serbisë për Kosovë, Goran Bogdanoviq, e shpalosi për televizionin e pavarur serb N1 planin e veprimit apo Aneksin e marrëveshjes bazë për normalizimin e raporteve ndërmjet Kosovës dhe Serbisë. Sipas Bogdanoviq, ky aneks mbrëmë iu është prezentuar kryetarit të Serbisë Aleksandar Vuçiq  dhe kryeministrit të Kosovës Albin Kurtit, mirëpo, sipas deklarimit të këtij ish-zyrtari serb,  këtë udhërrëfyes asnjëra palë nuk ishte e gatshme për ta mbështetur. Kjo është përmbajtja e aneksit të marrëveshjes bazë sipas Bogdanoviq:

“Ky aneks i marrëveshjes bazë përmban 8 nene, ku përcaktohen afatet për zbatimin e obligimeve të marra nga marrëveshja bazë:

Neni 1

Ky aneks është pjesë përbërëse e marrëveshjes bazë.

Neni 2

Ky aneks e përshkruan sekuencën apo renditjen e veprimeve për zbatimin e marrëveshjes.

Këto veprime burojnë nga obligimet e palëve  të përcaktuara në Nenet 1, 4, 7, 8, 9 dhe 10 të marrëveshjes bazë. Të gjitha obligimet e tjera hyjnë në fuqi në datën e nënshkrimit të marrëveshjes bazë.  Domethënë Nenet 2, 3, 5 dhe 11 hyjnë në fuqi menjeherë pas nënshkrimit të marrëveshjes bazë.  

Neni 3

15 ditë pas nënshkrimit të marrëveshjes bazë ekipi menaxherial do ta prezentojë draftin e parë të statutit, në mënyrë që të sigurohet nivel adekuat i  vetëqeverisjes për komunitetin serb në Kosovë pas negociateve të ndërmjetësuara nga BE.

Neni 4

Pas prezentimit të draftit të parë të statutit, dhe pas nisjes së negociatave për të, palët do të mundësojnë që menjëherë të hyjnë  në fuqi:

  1. Njohja e diplomave, targave, pasaportave dhe vulave doganore.  
  2. Këmbimi i misioneve të përhershme

Neni 5

Palët obligohen se do t’i përfundojnë negociatat lidhur me statutin nga marrëveshja më së voni deri në afatin e përcaktuar në Nenin 8 (150 ditë) të këtij Aneksi, dhe se do ta konfirmojnë ashtu që Qeveria e Kosovës do të miratojë rregulloren e cila do ta sigurojë qëndrueshmërinë ligjore të statutit.  

Neni 6

Jo më vonë se 30 ditë pas nënshkrimit të marrëveshjes, palët do të formojnë një komision të përbashkët që duhet të mbikëqyrë zbatimin e marrëveshjes nën mbikëqyrjen e BE-së.

Neni 7

Kosova në afat prej 30 ditësh nga formimi i komisionit do ta zyrtarizojë statusin e Kishës Ortodokse Serbe dhe do të fillojë procedurën e brendshme për mbrojtjen e trashëgimisë kulturore.

Neni 8

Brenda 150 ditëve pas nënshkrimit të marrëveshjes, BE-ja do të organizojë një konferencë të nivelit të lartë me donatorë të tjerë për të miratuar një paketë të veçantë për mbështetje financiare dhe investime. Konferenca nuk do të mbahet derisa BE të vlerësojë se të gjitha dispozitat e marrëveshjes nuk janë përmbushur.”

Continue Reading
Click to comment

Leave a Reply

Your email address will not be published. Required fields are marked *

Botë

Bitcoin me rekord historik – kalon vlerën mbi 71 mijë dollarë

Published

on

Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.

Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.

Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.

Continue Reading

Botë

Bosnje-Hercegovina goditet prej një tërmeti rreth 4-shkallësh

Published

on

Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.

Tërmeti 3.9 shkallë është regjistruar rreth orës 9:22 afër Sarajevës.

Thellësia e tërmetit ka qenë gjashtë kilometra.

Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.

Deri më tani nuk është raportuar për ndonjë dëm material.

/REL/

Continue Reading

Botë

Katër të vdekur nga zjarri në Tivar të Malit të Zi

Published

on

Tre të mitur dhe një i person i moshës madhore kanë vdekur nga zjarri që shpërtheu mëngjesin e 15 shkurtit në një vendbanim rreth orës katër në një lagje të banuar me romë në Tivar, në Mal të Zi.

Zjarri, që shpërtheu rreth orës 04:00, përfshiu disa objekte dhe më pas u njoftua zjarrfikësja.

Siç tha prokurorja Mirjana Tankosiq Vuçiniq për Radion Evropa e Lirë, katër trupat e pajetë u gjetën në vendngjarje.

“Kemi gjetur katër baraka të djegura dhe katër trupa të djegur në to. Shkaku i zjarrit do të dihet pas vlerësimit të ekspertëve”, tha ajo.

Zjarri përfshiu një lagje të improvizuar ku jetojnë kryesisht romë. Këshilli i Romëve në Mal të Zi tha se kjo tragjedi tregon se sa është e nevojshme shpërngulja e familjeve rome nga lagje të tilla.

“Fakti që shumë familje detyrohen të jetojnë në baraka të parafabrikuara, pa kushte dhe siguri adekuate, është një problem serioz social. Pa mbështetjen dhe masat e duhura mbrojtëse, këto familje janë të ekspozuara ndaj një rreziku më të madh të aksidenteve siç është ky zjarr”, tha këshilli.

Këshilli i Romëve u bëri thirrje autoriteteve shtetërore që të përmirësojnë kushtet e banimit për popullatën rome në Tivar dhe në mbarë Malin e Zi.

/REL/

Continue Reading

Trending