Connect with us

Botë

Vuçiq i mohon obligimet e dakordit të BE-së

Published

on

Presidenti i Serbisë, Aleksandar Vuçiq në konferencën e djeshme për shtyp të mbajtur në Beograd, një ditë pas “maratonës” së bisedave në Ohër, e mohoi pranimin e marrëveshjes bazë dhe të obligimeve që rrjedhin nga ajo, duke deklaruar se Republika e Serbisë “asnjëherë nuk e ka pranuar pavarësinë e Kosovës apo opcionin e anëtarësimit të Kosovës në Kombet e Bashkuara”.

Ky deklarim i presidentit serb bie direkt ndesh me Nenin 4 të Marrëveshjes Bazë për Nomalizimin e Raporteve ndërmjet Kosovës dhe Serbisë të proklamuar në Bruksel më 27 Shkurt, ku thuhet se “Serbia nuk do ta kundërshtojë anëtarësimin e Kosovës në cilëndo organizatë ndërkombëtare”.

Sipas Vuçiqit, mosnënshkrimi i marrëveshjes dhe aneksit të saj-udhërrëfyesit, si dhe refuzimi verbal i tij ndaj këtyre pikave, bazuar në nenet 3 dhe 7 të Konventës së Vjenës për traktatet ndërkombëtare, nuk e obligon Serbinë që dokumentin Europian ta trajtojë si formalo-juridikisht të obligueshëm.

Në pres konferencën e djeshme, lidhur me bisedimet në Ohër, presidenti serb ndër të tjera deklaroi:

“Pse nuk e kam nënshkruar? Diçka që nuk e kam fshehur as para Albin Kurtit e as para gjithë të tjerëve. Nuk e nënshkrova për disa arsye:   Së pari, sepse Republika e Serbisë është një shtet i pranuar ndërkombëtarisht, ndërsa ajo, siç e quajnë ata Republika e Kosovës, për mua nuk është një shtet i pranuar ndërkombëtarisht, dhe nuk dua të bëj marrëveshje ligjore ndërkombëtare me Republikën e Kosovës. Si president i Republikës, edhe deklaratat e mia janë obliguese për shtetin, prandaj me kujdes dhe me disciplinë e përllogaris çdo fjalë që e flas, natyrisht në këndvërshtrimin formalo-juridik, vështirë mund ta tregoni se ka marrëveshje pa një nënshkrim, pa një shprehje të qartë të vullnetit nga palët, por unë, për çdo rast, pas cilitdo samit apo takim, në çdo vend flas për vijat e kuqe të Republikës së Serbisë, sa u përket kundërshtimit të njohjes së Kosovës si shtet i pavarur dhe pranimit të Kosovës në Kombet e Bashkuara. Siç po e shihni, edhe sot e thashë këtë në mënyrë të disciplinuar, që askush dhe asnjëherë të mos e mendojë se mund t’ia vendosë Republikës së Serbisë një obligim ligjor, të cilin Republika e Serbisë nuk e ka pranuar. Prandaj edhe nuk e kemi nënshkruar atë që BE e ka quajtur “Marrëveshje”, e as aneksin e saj“.

Mosvlefshmërinë juridike të marrëveshjes për normalizim, presidenti serb e elaboroi me disa detaje nga Konventa e Vjenës së vitit 1969:

“Neni 3 i Konventës së Vjenës (“Ligji për Traktatet Ndërkombëtare 1969″, v.r.), thotë, prandaj duhet të kemi kujdes dhe prandaj duhet ta përsëris çdo ditë, “Fakti që kjo konventë nuk aplikohet në marrëveshjet ndërkombëtare të përmbyllura ndërmjet shteteve dhe subjekteve të tjera të së drejtës ndërkombëtare, apo ndërmjet këtyre subjekteve të së drejtës nderkombëtare, si dhe lidhur me marrëveshjet ndërkombëtare të cilat nuk janë përmbyllur në formë të shkruar, nuk e cenon fuqinë juridike të këtyre marrëveshjeve, zbatimin e të gjitha rregullave të shprehura në këtë konventë, të cilat do të ishin subjekt i ligjit ndërkombëtar, pavarësisht nga kjo konventë.”  Problem shtesë paraqet Neni 7 i konventës së Vjenës  lidhur me normat zakonore të së drejtës ndërkombëtare që e konfirmojnë se “pajtimi verbal” i shefit të shtetit, qoftë edhe i shefit të qeverisë apo ministrit të punëve të jashtme është obligues për shtetet, natyrisht gjithnjë më i vogël se nënshkrimi, mirëpo e ka atë formë të obligueshmërisë.       

     Prandaj kam pasur kujdes në çdo moment, dhe prandaj kam refuzuar edhe ta nënshkruaj apo të ofrohem që të pranoj termet foljore si ”pranim” në dy mënyra “Adoption/acceptance”, por nëse dëshironi edhe “Acknowledgement” apo ”Approval”, dhe të gjitha të tjerat, dhe gjithnjë kam thënë:  ”Po, e pranojmë konceptin, do të punojmë në implementim dhe jemi të gatshëm të bëjmë më shumë se sa dikush në Prishtinë, i cili është i gatshëm të nënshkruajë, e është i gatshëm për nënshkrim, sepse nga aty do të rrjedhte obligimi formal dhe ligjor i Republikës së Serbisë që të pajtohet me pavarësinë e Kosovës.

        Vetëm dua që njerëzit në Serbi ta dijnë, se për këtë jemi shumë të kujdesshëm, dhe kur më dëgjojnë mua që po  përsëris çështjet e caktuara, si një papagall, le ta dijnë se nuk e bëj këtë sepse jam i marrë, apo sepse nuk di se çfarë po bëj, por sepse e di mirë se çfarë është ajo që po veproj.” – ka deklaruar presidenti serb në konferencën e djeshme para mediave serbe në Beograd.

Continue Reading
Click to comment

Leave a Reply

Your email address will not be published. Required fields are marked *

Botë

Bosnje-Hercegovina goditet prej një tërmeti rreth 4-shkallësh

Published

on

Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.

Tërmeti 3.9 shkallë është regjistruar rreth orës 9:22 afër Sarajevës.

Thellësia e tërmetit ka qenë gjashtë kilometra.

Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.

Deri më tani nuk është raportuar për ndonjë dëm material.

/REL/

Continue Reading

Botë

Katër të vdekur nga zjarri në Tivar të Malit të Zi

Published

on

Tre të mitur dhe një i person i moshës madhore kanë vdekur nga zjarri që shpërtheu mëngjesin e 15 shkurtit në një vendbanim rreth orës katër në një lagje të banuar me romë në Tivar, në Mal të Zi.

Zjarri, që shpërtheu rreth orës 04:00, përfshiu disa objekte dhe më pas u njoftua zjarrfikësja.

Siç tha prokurorja Mirjana Tankosiq Vuçiniq për Radion Evropa e Lirë, katër trupat e pajetë u gjetën në vendngjarje.

“Kemi gjetur katër baraka të djegura dhe katër trupa të djegur në to. Shkaku i zjarrit do të dihet pas vlerësimit të ekspertëve”, tha ajo.

Zjarri përfshiu një lagje të improvizuar ku jetojnë kryesisht romë. Këshilli i Romëve në Mal të Zi tha se kjo tragjedi tregon se sa është e nevojshme shpërngulja e familjeve rome nga lagje të tilla.

“Fakti që shumë familje detyrohen të jetojnë në baraka të parafabrikuara, pa kushte dhe siguri adekuate, është një problem serioz social. Pa mbështetjen dhe masat e duhura mbrojtëse, këto familje janë të ekspozuara ndaj një rreziku më të madh të aksidenteve siç është ky zjarr”, tha këshilli.

Këshilli i Romëve u bëri thirrje autoriteteve shtetërore që të përmirësojnë kushtet e banimit për popullatën rome në Tivar dhe në mbarë Malin e Zi.

/REL/

Continue Reading

Botë

Në mesin e 14 të vrarëve në sulmin në Pragë ka edhe shtetas të huaj

Published

on

Autoritetet çeke njoftuan të premten se në mesin e 14 personave të vrarë nga një student i armatosur në një universitet të Pragës kishte edhe shtetas të huaj.

Më shumë se 20 persona të tjerë u plagosën në njërin prej sulmeve më të rënda masive në historinë e Republikës së Çekisë.

Sulmi i përgjakshëm ndodhi të enjten në departamentin e filozofisë në Universitetin e Karlit, ku sulmuesi ishte student, tha shefi i Policisë së Pragës, Martin Vondrasek. Sulmuesi vdiq, po ashtu, thanë autoritetet. Emri i tij nuk është publikuar.

Autoritetet çeke nuk treguan se shtetas të cilave vende janë viktimat.

Ministria e Punëve të Jashtme dhe Diasporës e Kosovës, tha të enjten se nuk ka shtetas të Kosovës të vrarë apo të plagosur në sulmin që ka ndodhur në Pragë, sipas informacioneve të fundit që ka marrë.

Policia beson se sulmuesi e vrau babanë e vet të enjten në mëngjes në vendlindjen e tij, Hostun, në perëndim të Pragës, dhe se ai kishte planifikuar të kryente vetëvrasje, sipas Vondrasek, i cili nuk shpjegoi më shumë.

Vondrasek tha mbrëmë se 14 persona u vranë dhe 25 u plagosën, pasi fillimisht ishte raportuar për 15 të vrarë e 24 të plagosur.

Autoritetet paralajmëruan se numri i të vdekurve mund të rritet.

Vondrashek shtoi se sulmuesi kishte leje armësh dhe posedonte disa të tilla.

Motivi për të shtënat vdekjeprurëse në Fakultetin e Arteve nuk është ende i qartë. Policia tha se ka informacione të pakonfirmuara se i dyshuari – i identifikuar nga mediat si David K. – është frymëzuar nga një incident i ngjashëm në Rusi, por nuk dha detaje të tjera. Autoritetet shpallën të shtunën e 23 dhjetorit ditë zie në Çeki. Me flamujt që do të ulen në gjysmështizë dhe kambanat që do të bien në të gjithë vendin, do të nderohen dhe do të kujtohen të 14 të vrarët.

/REL/

Continue Reading

Trending