Connect with us

Botë

Temperatura rekorde, Europa përgatitet për kulmin e të nxehtit

Published

on

Evropa po përgatitet për temperatura të larta të martën, gjatë një vale nxehtësie ndërkohë që zjarret kanë përfshirë pjesë të hemisferës veriore, duke shtyrë autoritetet që bëjnë evakuimin e 1.200 fëmijëve pranë një resorti bregdetar grek.

Autoritetet shëndetësore, nga Amerika e Veriut, Evropa e Azia, kanë lëshuar paralajmërime, duke u kërkuar njerëzve të qëndrojnë të hidratuar dhe të kërkojnë strehim nga dielli përvëlues.

Evropa, kontinenti me ngrohjen më të shpejtë në botë, po përgatitet për kulmin e valës aktuale të të nxehtit, me ishujt italianë të Sicilisë dhe Sardenjës, të cilët do të goditen nga një temperaturë maksimale prej 48 gradësh celsius, ka parashikuar Agjencia Evropiane e Hapësirës.

Rekordi i mëparshëm i temperaturës në Evropë u regjistrua në vitin 2021 në Sicili, që arriti në 48.8 gradë celsius, sipas agjencisë së motit të OKB-së.

Në afërsi të Athinës, shërbimet e urgjencës vazhduan të luftojnë zjarret për të dytën ditë radhazi në lokacione të ndryshme.

“Shqetësimi ynë kryesor është t’i mbrojmë njerëzit”, tha një zëdhënës i zjarrfikësve në Greqi.

Një zjarr në pyll u ndez nga erërat e forta pranë qytetit të plazhit të Loutrakis, ku kryebashkiaku tha se 1.200 fëmijë ishin evakuuar nga kampet e pushimeve.

“Moti ekstrem… po ka një ndikim të madh në shëndetin e njerëzve, ekosistemet, ekonomitë, bujqësinë, energjinë dhe furnizimet me ujë”, tha sekretari i Përgjithshëm i Organizatës Botërore Meteorologjike (WMO) Petteri Taalas.

“Kjo thekson urgjencën në rritje të uljes së emetimeve të karbonit sa më shpejt që të jetë e mundur”, tha ai.

Në Evropë, italianët u paralajmëruan të përgatiteshin për “valën më intensive të të nxehtit”, pasi temperaturat arritën një rekord prej 39 gradësh celsius të hënën në Romë.

Një turist amerikan, Colman Peavy, nuk i besonte vapës teksa pinte një kafe me gruan e tij Ana në fillim të një pushimi dyjavor.

“Ne jemi nga Teksasi dhe atje është vërtet vapë; menduam se do t’i shpëtonim vapës, por këtu është edhe më nxehtë”, tha 30-vjeçari.

Sipas shërbimit të monitorimit të motit të BE-së, qershori tashmë është muaji më i nxehtë i regjistruar në mbarë botën dhe duket se korriku do të kapërcejë edhe rekordet e mëparshme.

Në Spanjë, të hënën u raportua për temperatura 44.7 gradë celsius në qytetin jugor të Jaen.

Në Qipro, ku temperaturat pritet të mbesin mbi 40 gradë, një burrë 90-vjeçar vdiq si pasojë e nxehtësisë dhe tre të moshuar të tjerë u shtrinë në spital, bënë të ditur zyrtarë shëndetësorë.

Pjesë të Azisë janë prekur nga temperatura të larta, që shkaktuan shi të rrëmbyeshëm.

Kina raportoi një rekord të ri për mesin e korrikut në veriperëndim të vendit, ku temperaturat arritën në 52.2 gradë celsius në fshatin Sanbao të rajonit Xinjiang, duke thyer nivelin e mëparshëm prej 50.6 gradësh celsius, të vendosur gjashtë vjet më parë.

Thirrjet për t’u larguar nga të nxehtit ishin lëshuar në 32 nga 47 prefekturat e Japonisë, kryesisht në rajonet qendrore dhe jugperëndimore. Të paktën 60 njerëz u trajtuan për shkak të goditjeve nga nxehtësia, raportuan mediat, duke përfshirë 51 të dërguar në spital në Tokio.

Një çerek milion njerëz u evakuuan në Kinën jugore dhe Vietnam përpara se një tajfun i madh të godiste bregun të hënën vonë, duke sjellë erëra dhe shira të ashpra dhe duke detyruar anulimin e qindra fluturimeve dhe trenave.

Në Pekin, i dërguari i SHBA-së për klimën, John Kerry, u angazhua në diskutime me zyrtarët kinezë, në përpjekje që dy ndotësit më të mëdhenj të planetit të ringjallin diplomacinë që synon reduktimin e emetimeve që kontribuojnë në ngrohjen globale.

Duke iu drejtuar audiencës në Sallën e Madhe të Popullit së bashku me diplomatin kryesor të Kinës, Wang Yi, Kerry theksoi nevojën e “udhëheqjes globale” kur bëhet fjalë për trajtimin e shqetësimeve të lidhura me klimën.

Një valë e nxehtë përvëluese përfshiu shtetet perëndimore dhe jugore të SHBA-së, duke prekur rajone të mësuara me temperatura të larta.

Në Luginën e Vdekjes në Kaliforni, një vend që shpesh njihet si një nga më të nxehtit në Tokë, temperaturat u rritën në nivele gati rekord prej 52 gradësh celsius të dielën pasdite.

Kryeqyteti i shtetit të Arizonës, Feniks, shënoi rekordin e tij me 18 ditë rresht mbi 43 gradë celsius, pasi temperaturat arritën në 45 gradë celsius të hënën.

Shërbimi Kombëtar i Motit i SHBA-së parashikon temperatura të ngjashme të larta që do të vazhdojnë të paktën deri të dielën.

Ndërsa vala e të nxehtit u përhap në Kaliforninë jugore, zjarre të shumta shpërthyen në zonat rurale në lindje të Los Anxhelosit. Zjarri më i madh, i quajtur “Zjarri i Lepurit”, kishte djegur rreth 8.000 hektarë dhe u raportua se 35 për qind e tij ishte vënën nën kontroll të hënën në mëngjes.

Ndërkohë, në Kanadanë fqinje, autoritetet raportuan 882 vatra zjarri aktive të hënën, me 579 prej tyre të kategorizuara si jashtë kontrollit.

Tymi që del nga zjarret ka zbritur edhe një herë mbi Shtetet e Bashkuara, duke çuar në alarme për cilësinë e ajrit në pjesën më të madhe të verilindjes./REL

Continue Reading
Click to comment

Leave a Reply

Your email address will not be published. Required fields are marked *

Botë

Bosnje-Hercegovina goditet prej një tërmeti rreth 4-shkallësh

Published

on

Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.

Tërmeti 3.9 shkallë është regjistruar rreth orës 9:22 afër Sarajevës.

Thellësia e tërmetit ka qenë gjashtë kilometra.

Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.

Deri më tani nuk është raportuar për ndonjë dëm material.

/REL/

Continue Reading

Botë

Katër të vdekur nga zjarri në Tivar të Malit të Zi

Published

on

Tre të mitur dhe një i person i moshës madhore kanë vdekur nga zjarri që shpërtheu mëngjesin e 15 shkurtit në një vendbanim rreth orës katër në një lagje të banuar me romë në Tivar, në Mal të Zi.

Zjarri, që shpërtheu rreth orës 04:00, përfshiu disa objekte dhe më pas u njoftua zjarrfikësja.

Siç tha prokurorja Mirjana Tankosiq Vuçiniq për Radion Evropa e Lirë, katër trupat e pajetë u gjetën në vendngjarje.

“Kemi gjetur katër baraka të djegura dhe katër trupa të djegur në to. Shkaku i zjarrit do të dihet pas vlerësimit të ekspertëve”, tha ajo.

Zjarri përfshiu një lagje të improvizuar ku jetojnë kryesisht romë. Këshilli i Romëve në Mal të Zi tha se kjo tragjedi tregon se sa është e nevojshme shpërngulja e familjeve rome nga lagje të tilla.

“Fakti që shumë familje detyrohen të jetojnë në baraka të parafabrikuara, pa kushte dhe siguri adekuate, është një problem serioz social. Pa mbështetjen dhe masat e duhura mbrojtëse, këto familje janë të ekspozuara ndaj një rreziku më të madh të aksidenteve siç është ky zjarr”, tha këshilli.

Këshilli i Romëve u bëri thirrje autoriteteve shtetërore që të përmirësojnë kushtet e banimit për popullatën rome në Tivar dhe në mbarë Malin e Zi.

/REL/

Continue Reading

Botë

Në mesin e 14 të vrarëve në sulmin në Pragë ka edhe shtetas të huaj

Published

on

Autoritetet çeke njoftuan të premten se në mesin e 14 personave të vrarë nga një student i armatosur në një universitet të Pragës kishte edhe shtetas të huaj.

Më shumë se 20 persona të tjerë u plagosën në njërin prej sulmeve më të rënda masive në historinë e Republikës së Çekisë.

Sulmi i përgjakshëm ndodhi të enjten në departamentin e filozofisë në Universitetin e Karlit, ku sulmuesi ishte student, tha shefi i Policisë së Pragës, Martin Vondrasek. Sulmuesi vdiq, po ashtu, thanë autoritetet. Emri i tij nuk është publikuar.

Autoritetet çeke nuk treguan se shtetas të cilave vende janë viktimat.

Ministria e Punëve të Jashtme dhe Diasporës e Kosovës, tha të enjten se nuk ka shtetas të Kosovës të vrarë apo të plagosur në sulmin që ka ndodhur në Pragë, sipas informacioneve të fundit që ka marrë.

Policia beson se sulmuesi e vrau babanë e vet të enjten në mëngjes në vendlindjen e tij, Hostun, në perëndim të Pragës, dhe se ai kishte planifikuar të kryente vetëvrasje, sipas Vondrasek, i cili nuk shpjegoi më shumë.

Vondrasek tha mbrëmë se 14 persona u vranë dhe 25 u plagosën, pasi fillimisht ishte raportuar për 15 të vrarë e 24 të plagosur.

Autoritetet paralajmëruan se numri i të vdekurve mund të rritet.

Vondrashek shtoi se sulmuesi kishte leje armësh dhe posedonte disa të tilla.

Motivi për të shtënat vdekjeprurëse në Fakultetin e Arteve nuk është ende i qartë. Policia tha se ka informacione të pakonfirmuara se i dyshuari – i identifikuar nga mediat si David K. – është frymëzuar nga një incident i ngjashëm në Rusi, por nuk dha detaje të tjera. Autoritetet shpallën të shtunën e 23 dhjetorit ditë zie në Çeki. Me flamujt që do të ulen në gjysmështizë dhe kambanat që do të bien në të gjithë vendin, do të nderohen dhe do të kujtohen të 14 të vrarët.

/REL/

Continue Reading

Trending