Tre zyrtar policorë në Ferizaj kanë pësuar lëndime pasi goditen nga një veturë në lëvizje e cila nuk u ndal përkundër urdhrit të policëve që ishin në kryerje të detyrës zyrtare .
Në njoftimin 24 orësh të policisë bëhet e ditur se rasti ndodhi të martën në orën 15:05 në rrugën “Gursel e Bajram Sylejmani”.
Në veturë ishin tre persona të paidentifikuar deri tani. Të dyshuarit, në tentativë për t’u larguar nga vendi i ngjarjes, kanë shkaktuar aksident dhe e kanë braktisur veturën. Gjatë kontrollit në veturën e braktisur janë gjetur dhe konfiskuar 4.1 gram substancë e dyshuar narkotike e llojit marihuanë dhe 0.2 gram substancë e dyshuar narkotike e llojit kokainë.
Nuk raportohet për të arrestuar.
