Autoritetet në Shqipëri i kanë arrestuar 18 persona, nën dyshimet për zjarrvënie në pjesë të ndryshme të vendit.

Prej mesit të qershorit, mbi 12.000 hektarë, përfshirë pyje dhe ullishte, janë dëmtuar si pasojë e zjarreve që janë përhapur në këtë vend të Ballkanit, sipas grupeve për mbrojtje të ambientit.

Disa dhjetëra zjarre kanë shpërthyer në ditët e fundit, disa prej tyre jo shumë larg bregdetit plot me turistë.

“Zjarrvënia nuk është thjesht krim – është kërcënim për jetën, natyrën dhe të ardhmen”, ka thënë Ministria e Brendshme e Shqipërisë përmes një deklarate të martën.

Ata që shpallen fajtorë për nisje të qëllimshme të zjarreve mund të dënohen me pesë vjet burgim, “mirëpo nëse zjarri shkakton dëm të konsiderueshëm material dhe ka pasoja serioze në jetën dhe shëndetin e njeriut, Kodi Penal parasheh dënime prej 10 deri në 15 vjet”, ka thënë ministria.

Për disa zjarre aktive është raportuar edhe të martën në Shqipëri, teksa vendi është në pritje të ulje të temperaturave, çka do të lehtësojë punën e ekipeve të zjarrfikësve.

Gjithë rajoni i Ballkanit ka regjistruar temperatura në deri 40 gradë Celsius në ditët e fundit.

Edhe në Kosovë është raportuar për disa zjarre aktive.

Sipas të dhënave të Agjencisë së Menaxhimit Emergjent më 28 korrik, ekipet e agjencisë i kanë raportuar 29 vatra zjarri dhe prej tyre 23 janë lokalizuar, ndërsa gjashtë kanë mbetur aktive.

Sipas Sistemit Evropian të Informacionit për Zjarret në Pyje (EFFIS), gjatë vitit 2024 në Kosovë janë regjistruar 94 zjarre, të cilat kanë djegur gjithsej 12.079 hektarë pyje dhe shkurre.

\Radio Evropa e Lirë

Një tërmet me 4.2 shkallë të Rihterit është regjistruar në orët e para të mëngjesit në Shqipëri.

Qendra Sizmologjike ka njoftuar se tërmeti  regjistrua  në orën 05:04 minuta me epiqendër 16 kilometra në veriperëndim të Tiranës dhe 8 kilometra në jugperëndim të Krujës.

Më pas janë regjistruar edhe disa lëkundje të tjera me intensitet më të ulët,  ku e fundit u regjistrua  në orën 10:05 minuta me intensitet  2.0 shkallë.

Deri tani nuk janë dhënë detaje për dëme të mundshme.

Policia e Shqipërisë ka arrestuar në Tiranë dy shtetas të Kosovës, nën dyshimin për trafikim të armëve me vlerë rreth10 mijë euro.

Në njoftimin e policisë shqiptare thuhet se të dyshuarit, A. P., 23 vjeç dhe K. P., 53 vjeç, të dy banues në Kosovë,  janë arrestuar në autostradën “Lezhë – Fushë Krujë”,  nga njësiti për Hetimin e Trafiqeve të Paligjshme.

“Gjatë operacionit, shërbimet e Policisë kanë ndaluar në autostradën “Lezhë – Fushë Krujë”, automjetin me të cilin qarkullonin shtetasit A. P. dhe K. P., në të cilin, gjatë kontrollit, kanë gjetur dhe sekuestruar 2 armë zjarri pistoleta dhe municion luftarak. Nga hetimet dyshohet se këta shtetas i kanë trafikuar pistoletat nga Kosova, me qëllim shitjen në Tiranë. 

Vijojnë hetimet në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë derisa materialet procedurale i kaluan Prokurorisë, për veprime të mëtejshme,” thuhet mes tjerash në njoftim.