Botë

Mali i Zi detyron bartjen e maskave kundër Covid-19

Published

4 years ago

29 July, 2022

Në Mal të Zi, për shkak të përkeqësimit të situatës epidemike të shkaktuar nga koronavirusi, në 15 ditët e ardhshme do të jetë e detyrueshme mbajtja e maskave mbrojtëse, ndërsa autoritetet shëndetësore u kanë bërë thirrje edhe një herë qytetarëve që të vaksinohen kundër virusit Covid-19.

Instituti për Shëndet Publik (IJZ) kërkon që qytetarët të vaksinohen edhe me nga një dozë nëse është e nevojshme dhe konsiderojnë se kjo është mënyra e vetme që shpëton jetë, raporton Rtk.

Drejtori i këtij instituti, Igor Galiq, tha se për shkak të rritjes së numrit të infektuarve dhe të shtruarve në spital, janë vendosur masa, siç është mbajtja e detyrueshme e maskave mbrojtëse në të gjitha institucionet e administratës publike, si dhe në dyqane ushqimore, barnatore dhe pika karburanti.

Gjithashtu, mbajtja e detyrueshme e maskave mbrojtëse është vendosur të jetë edhe në ambientet e mbyllura të aeroporte, stacione hekurudhore dhe të autobusëve.

“Nëse këto masa nuk sjellin përmirësim të situatës në periudhën e ardhshme, do të pasojnë masat e mbajtjes së maskave të detyrueshme në të gjitha ambientet e mbyllura”, tha Galiq, duke kërkuar që të gjithë ata që nuk janë vaksinuar, ta bëjnë këtë sa më parë.

Ai ri kujtoi se gjithsej 13 persona kanë vdekur që nga 12 korriku, nga të cilët pesë ishin të vaksinuar, por me status të gabuar të imunizimit.

“Tetë prej tyre nuk ishin vaksinuar fare. Prandaj, nga pesë të vdekurit, asnjë person nuk trajtohet si i imunizuar sepse kanë kaluar gjashtë muaj nga doza e fundit për të gjithë”, tha Galiq, duke thënë se mosha mesatare e të vdekurve të vaksinuar ishte 75, ndërsa i pa vaksinuari 71 vjeç.

Botë

Izraeli thotë se ka vrarë zyrtarë të lartë të inteligjencës iraniane

Published

2 weeks ago

02 March, 2026

Redaksia

Forcat Mbrojtëse të Izraelit (IDF) thanë se kanë vrarë zëvendësministrin e inteligjencës së Iranit për çështjet e Izraelit, Sayed Yahya Hamidi.

Jalal Pour Hossein, udhëheqës i divizionit të spiunazhit në Ministrinë e Inteligjencës, u vra gjithashtu, së bashku me “zyrtarë të tjerë të regjimit”, thuhet në njoftim.

Detaje se si, kur ose ku u vranë nuk jepen.

Por, shtohet se selia e Ministrisë së Inteligjencës në Teheran u godit “pak kohë më parë”.

| Radio Evropa e Lirë

Botë

Gjysmëhëna e Kuqe: Më shumë se 550 persona të vrarë në Iran

Published

2 weeks ago

02 March, 2026

Redaksia

Organizata iraniane Gjysmëhëna e Kuqe njoftoi të hënën se 555 persona janë vrarë në sulmet e përbashkëta të SHBA-së dhe Izraelit kundër Iranit.

Sipas raportit të saj, 131 qytete janë përfshirë nga sulmet që nga dita e parë e tyre më 28 shkurt.

Gjysmëhëna e Kuqe shtoi se operacionet e shpëtimit, ndihmës, transportit dhe shërbimeve mjekësore janë duke vazhduar.

| Radio Evropa e Lirë

Botë

Irani refuzon negociatat me SHBA-në, ndërsa Trump paralajmëron hakmarrje të fuqishme

Published

2 weeks ago

02 March, 2026

Redaksia

Kryetari i Këshillit Suprem të Sigurisë Kombëtare të Iranit, Ali Larijani, tha se Teherani “nuk do të negociojë” me Uashingtonin.

Ai i bëri komentet disa orë pasi presidenti i Shteteve të Bashkuara, Donald Trump, u zotua se do të vazhdojë t’i ndëshkojë “terroristët” me “forcën e plotë” të ushtrisë amerikane.

Në një postim në rrjetin X, Larijani shkroi:

“Ne nuk do të negociojmë me Shtetet e Bashkuara. Sot, kombi iranian po mbron veten”.

Të dielën, në një video gjashtëminutëshe që postoi në platformën e tij Truth Social, Trump tha se lufta kundër Iranit mund të zgjasë katër javë, megjithëse u duk se e la derën hapur për bisedime të mëtejshme me udhëheqësit mbijetues në Teheran.

“Në 36 orët e fundit, Shtetet e Bashkuara dhe partnerët e tyre po kryejnë Operacionin Tërbimi Epik – një nga ofensivat ushtarake më të mëdha, më komplekse dhe më dërrmuese që bota ka parë ndonjëherë”, tha Trump.

Ai shtoi se operacionet luftarake në Iran “po vazhdojnë me forcë të plotë” dhe “do të vazhdojnë derisa të arrihen të gjitha objektivat tona”.

| Radio Evropa e Lirë