Ferizaj

Gjatë vitit 2019 në rajonin e Ferizajt ndodhi vetëm 1 vrasje

Published

6 years ago

06 February, 2020

Drejtoria e Policisë rajonale në Ferizaj, ka shpalosur punën dhe sfidat e vitit 2019 dhe 2018. Shefi i operativës në Stacionin Policor të Ferizajt, Brahim Shatrolli, gjatë prezantimit të raportit të punës, krahasoi rezultatet dhe rastet e ndryshme të ndodhura gjatë dy viteve të fundit.

“Raste të regjistruara në Stacionin Policor të rajonit të Ferizajt në vitin 2018 kanë qenë 2386 raste, kurse në vitin 2019 kanë qenë 2392 raste që do të thotë diferencën e kemi pasur vetëm 6 raste për dallim nga viti 2018. Rastet e pranuara dhe të zbuluara, të pranuara kanë qenë siç e patë edhe më parë 2392 raste gjithsej, ku 1609 prej tyre janë të zbuluara. 113 janë të transferuara nëpër njësitë e tjera dhe si përfundim zbulueshmëria e rasteve është 71.99%. Tek vrasjet kur jemi këtu, në vitin 2018 kemi pasur 2 vrasje në zonën e përgjegjësisë së Stacionit Policor Ferizaj, kurse në 2019 1 që do të thotë -50%, dhashtë Zoti që në vitin 2020 të mos kemi asnjë. Tentim vrasje gjithashtu i kemi pasur 2 në 2018, dhe në 2019 1, -50%. Shkaktimi i rrezikut të përgjithshëm në vitin 2018 kanë qenë 15 raste, kurse në vitin 2019 14 raste, -6.67%”, tha Brahim Shatrolli.

Drejtori i Policisë së Ferizajt, Emin Beqiri dhe komandanti i këtij Stacioni Policor, Imer Kaqara përgëzuan stafin policor për punën e tyre dhe uruan që viti 2020 të jetë vit edhe më i mbarë për të gjithë.

“Pikë jo e fundit që është por është më me interes, është dukuria e përdorimit të narkotikëve në shkolla, pse jo edhe në qytet. Është shumë shqetësuese, kjo rinia jonë do të thotë, sidomos mos të them fëmijëria sepse tani vetëm ka rënë niveli I përdoruesve, po flas për marihuanë, ndoshta në nivelin e shkollës fillore, janë duke bërë çmos, por besoj që jeni duke I përcjellur edhe mediat ose komunikata që I shpallin zyrat e mediave, ne në baza ditore I arrestojmë kundërvajtësit, përdoruesit. Shumë keq që nuk po mundemi t’I zëmë në sasi të mëdha që ndoshtë t’i ngarkojmë me një vepër më të rëndë, por me ato mundësi që kemi mundohemi të mos I lëmë hapësirë sidomos që ka qenë disa pika në Ferizaj që rrinë ata dhe shesin. Të ardhmen kërkoj edhe nga qytetarët dhe nga mediat dhe të gjithë faktorët përveç instuticioneve që po e dimë që veç e kanë detyrë dhe obligim ligjor që të kenë këtë pjesë, të na dhënë informata, varësisht nga informatat që I marrim nga ju, besoni që ne në mënyrën më të shpejt do të reagojmë që këtë dukuri mos ta lëmë të marrë masa shqtësuese”, tha Emin Beqiri.

“Gjatë vitit 2019 nuk kemi pasur ndonjë ngjarje, incident kritik që ka rrezikuar jetën e qytetarëve tonë brenda zonës sonë të përgjegjësisë, gjithëherë duke iu falënderuar përkushtimit të zyrtarëve tanë në terren, normalisht dhe një bashkëpunim të ngushtë me të gjitha institucionet tona publike”, tha Imer Kaqara.

Në fund të konferencës u nderuan me mirënjohje pjesëtarët e sektorëve të ndryshme të policisë.

Ferizaj

Ndalohet për 48 orë i dyshuari për vrasjen në fshatin Balaj

Published

2 days ago

16 September, 2025

Redaksia

Prokuroria Themelore në Ferizaj, bëri të ditur se i dyshuari për vrasjen që ndodhi mbrëmë në fshatin “Balaj”është dërguar në mbajtje në kohëzgjatje prej 48 orësh.

Sipas njoftimit, Prokurori i Shtetit, brenda afatit ligjor do të paraqesë kërkesë pranë gjykatës kompetente për caktimin e masës së paraburgimit ndaj të dyshuarit.

“Prokurori kujdestar nga Departamenti për Krime të Rënda, ka dalë në vendin e ngjarjes, nga aty në bashkëpunim të plotë me Policinë e njësitë relevante kanë ndërmarrë veprime hetimore, me qëllim të ndriçimit të rrethanave të kësaj ngjarje.

Me vendim të prokurorit të shtetit, i dyshuari me iniciale B.R., është ndaluar në kohëzgjatje prej 48-orësh, për shkak të dyshimit të veprës penale “Vrasja” sipas Kodit Penal të Republikës së Kosovës.

Ndërsa, trupi i pajetë i viktimës (I.R), është dërguar në Institutin e Mjekësisë Ligjore (IML), në Prishtinë, për obduksion.

Aktualisht, Prokuroria Themelore në Ferizaj është duke punuar për të sqaruar tutje të gjitha rrethanat dhe motivin e kësaj çështje penale “, thuhet mes tjerash në njoftim.

Sipas Policisë së Kosovës, ngjarjes e cila ndodhi më 15.09.2025 në fshatin Balaji i parapriu një mosmarrëveshje e më pas një fjalosje mes të dyshuarit e viktimës, që mes vete kanë lidhje familjare.

Ferizaj

Policia jep detaje për vrasjen në Ferizaj

Published

2 days ago

16 September, 2025

Redaksia

Një mosmarrëveshje u bë shkak i një vrasjeje që ndodhi mbrëmjen e së hënës, në fshatin Balaj të Ferizajt.

Viktima është qëlluar me katër plumba në stomak derisa policia ka njoftuar se në vendin e ngjarjes kanë gjetur pistoletën dhe 4 gëzhoja.

I dyshuari për këtë krim është arrestuar menjëherë pas ngjarjes.

“Është arrestuar i dyshuari mashkull kosovar, nën dyshimin se i njëjti pas një mosmarrëveshje që kishte me viktimën mashkull kosovar, ka shtënë me armë zjarri në drejtim të tij dhe për pasojë, viktima ka mbetur pa shenja jete.

Vdekjen e viktimës e ka konstatuar ekipi mjekësor, ndërsa njësitet policore në vendin e ngjarjes kanë gjetur dhe konfiskuar pistoletën dhe 4-gëzhoja që dyshohet se janë shkrepur nga i dyshuari”, thuhet në raportin 24 orësh të Policisë së Kosovës.

Në shtëpinë e të dyshuarit janë gjetur edhe dy armë dhe municione.

“Po ashtu gjatë kontrollit në shtëpinë e të dyshuarit është gjetur edhe një pushkë gjuetie, me 72 fishekë të kalibrit 12 mm, dhe një pushkë ajrore. Me urdhër të prokurorit trupi i pajetë i viktimës është dërguar në IML për obduksion, ndërsa i dyshuari është dërguar në mbajtje”, thuhet mes tjerash në raportin 24 orësh të policisë.

Ferizaj

Vdes një person në Ferizaj pasi u godit nga një lis

Published

4 days ago

14 September, 2025

Redaksia

Policia e Kosovës ka njoftuar se një person ka vdekur pasi është goditur nga një lis.

Rasti ka ndodhur pasditen e së shtunës rreth orës 17:20 në fshatin Manastirc të komunës së Ferizajt.

Sipas raportit 24 orësh të policisë, vdekjen e tij e ka konfirmuar mjeku kujdestar në Qendrën Klinike Universitare të Kosovës.

“Raportohet se viktima mashkull kosovar derisa ka qenë në afërsi të oborrit duke prerë dru, një lis bie mbi viktimën dhe si pasoj, i njëjti pëson lëndime trupore dhe dërgohet fillimisht në qendrën emergjente, e më pas në QKUK, ku mjeku kujdestar konfirmon vdekjen e tij. Lidhur me rastin është njoftuar prokurorit, ndërsa trupi i pa jetë u lirohet familjareve për ceremoni mortore” – thuhet në raport.