Ferizaj

Projekti “Bashkimi i qytetit” hyn në fazën përfundimtare

Published

6 years ago

19 November, 2019

Projekti “Bashkimi i qytetit” ka filluar të zgjerohet. Nga dita e djeshme makineritë kanë kaluar mbi binarët e trenit, madje njëri nga binarët ka filuar edhe të largohet. Drejtori i Infrastrukturës Arbër Bytyqi, që është edhe udhëheqës i këtij projekti, thotë se për momentin treni do të lëvizë vetëm në dy palë binarë.

“Projekti ”Bashkimi i qytetit” është thuajse në fazën përfundimtare dhe tani është faza më delikate faza e kalimit të hekurudhës, ne tashmë në pjesën komerciale dhe në pjesën e kalimit të këmbësorëve kemi filluar gërmimet dhe jemi në fazën e kalimit të hekurudhës, ne gjatë ditës së djeshme në bashkëpunim me INFRAKOS-in kemi bërë kalimin e trenit në binarin e tretë ku dhe janë zhvendosur edhe platformat e qytetarëve. Sot gjatë ditës do të bëhet prerja e binarit dhe gjatë këtij viti do të kryhet pjesa e parë që kalon nën hekurudhë dhe pas përfundimit do të vendoset binari prapë dhe lëvizja e trenit do të bëhet në binarin rreth projektit “Bashkimi i qytetit“, tha Bytyqi.

Bytyqi, thotë se në vitin e ardhshëm do të nisin gërmimet tek semaforët ku edhe do të bëhet një rrethrrotullim për hyrje dhe dalje në rrugët ”Ahmet Kaçiku” dhe “Vëllezërit Gërvalla”.

“Gjerësia është rreth 40 metra që kalon segmenti nën hekurudhë, kurse gjatësia është diku 30 metra. Dalja do të jetë në pjesën tek semaforët do të jetë pjesa e rrethrrotullimit që do të bëhet rruga “Ahmet Kaçiku” në dy segmente dhe pjesa tek “Gjon Serreçi” do të lëshohet në nivel me pjesën e “Bashkimit të qytetit”, po ashtu edhe rruga “Vëllezërit Gërvalla” ku do të bëhet në këtë pjesë rrethrrotullimi për hyrje dalje“, tha Bytyqi.

Sa i përket pëlqimit të INFRAKOS-it për të punuar në pjesën e tyre, drejtori Bytyqi heq të gjitha dilemat.

“Kjo ka qenë e gjitha thashetheme dhe propagandë, pasi ne nuk kemi pasur asnjëherë telashe me INFRAKOS-in, çdo gjë ka qenë e koordinuar me ta, pëlqimi është marrë nga ta dhe është edhe publike dhe çdo gjë është në koordinim me ta dhe nuk kemi asnjë telashe me INFRAKOS-in”, shprehet Bytyqi.

Punimet në projektin “Bashkimi i qytetit” kanë nisur në shtator të vitit të kaluar, ndërsa sipas drejtorit të infrastrukturës, qytetarët do ta gëzojnë këtë projekt vitin e ardhshëm.

Ferizaj

330 shoferë në Ferizaj gjobiten për përdorim të telefonit

Published

3 days ago

02 March, 2026

Redaksia

Policia Rajonale e Ferizajt gjatë muajit shkurt ka shqiptuar 330 gjoba ndaj shoferëve që kanë përdorur telefonin gjatë vozitjes, duke rrezikuar kështu sigurinë e pjesëmarrësve në komunikacion.

Policia bën thirrje tek të gjithë pjesëmarrësit në trafik për përqendrim të plotë gjatë drejtimit të e automjetit dhe të shmangin çdo lloj shpërqendrimi sidomos përdorimin e telefonit gjatë vozitjes, pasi edhe një çast pakujdesie mund të ketë shkaktojë pasoja serioze për jetën e njerëzve.

Ferizaj

Gjykata në Ferizaj cakton 1 muaj paraburgim dy zyrtarëve të dyshuar për ryshfet

Published

6 days ago

27 February, 2026

Redaksia

Gjykata Themelore në Ferizaj caktuar masën e paraburgimit në kohëzgjatje prej 1 muaji për dy zyrtarët e KEDS-it të cilët dyshohen për ryshfet.

Kjo pasi, gjyqtari i procedurës paraprake ka pranuar kërkesën e Prokurorisë themelore të Ferizajt për caktimin e masës së paraburgimit ndaj të pandehurve B.B dhe E.K. të cilët janë kapur dhe arrestuar në flagrancë nga ana e Policisë së Kosovës, për pranim të ryshfetit.

Në njoftimin e Gjykatës Themelore të Ferizajt mes tjerash bëhet e ditur se të arrestuarit dyshohen për veprën penale pranimi i ryshfetit në sektorin privat nga neni 309 paragrafi 1 lidhur me nenin 31 të Kodit Penal të Republikës së Kosovës.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake në Departamentin e Përgjithshëm – Divizioni Penal, Dardan Maloku, ka vlerësuar se ekziston dyshimi i bazuar, se më datë 25.02.2026 në Ferizaj, përkatësisht në KEDS, i pandehuri B.B., në cilësinë e koordinatorit të njësisë së kontrollit në Departamentin për humbje të energjisë elektrike, dhe i pandehuri E.K. në cilësinë e ushtruesit të detyrës së koordinatorit për lidhje të reja, gjatë ushtrimit të detyrave të tyre lidhur me ofrimin e shërbimeve ndaj konsumatorëve, në mënyrë të drejtpërdrejte i kanë kërkuar shumën prej katërqind (400.00) € të dëmtuarit A.H., me arsyetimin se njësori elektrik do t`i vendoset brenda një jave në lokalin e tij, në të kundërtën do të duhet të pres pesë deri në gjashtë muaj për vendosjen e njësorit elektrik, si dhe këtë shumë të hollash do të ndanin ndërmjet katër personave, me ç`rast pas zbatimit të masave të veçanta hetimore, të njëjtit janë kapur dhe arrestuar në flagrancë nga ana e Policisë së Kosovës”, thuhet mes tjerash në njoftimin e Gjykatës.

Ferizaj

Arrestohet një person për kanosje me thikë

Published

1 week ago

23 February, 2026

Redaksia

Policia në Ferizaj ka arrestuar një person të dyshuar për tentim të sulmit me thikë.

Në raportin 24 orësh të policisë bëhet e ditur se ngjarja ndodhi të dielën rreth orës 10:10.

“ Është arrestuar i dyshuari mashkull kosovar, pasi që i njëjti pas një mosmarrëveshje kishte tentuar ti sulmoj dy viktimat një mashkull dhe një femër kosovare.

Nga i dyshuari është sekuestruar mjeti i mprehtë thikë. Me vendim të prokurorit kujdestar i dyshuari ndalohet në qendrën e mbajtjes” ka njoftuar policia.