Ferizaj

Gashi: Miratimi i rregullores ndikoi në largimin e punëtorëve nga puna

Published

6 years ago

02 March, 2020

Bizneset e përfshira në rregulloren e re e cila përcakton që dita e dielë të jetë ditë pushimi, e miratuar nga Kuvendi Komunal i Ferizajt në seancën e fundit, kanë filluar që tani t’i pushojnë nga puna punëtorët e tyre. Kështu tregon drejtori i Zyrës për Punësim në Ferizaj, Naim Gashi, i cili thotë se telefonatat në kërkim të punës nga punëtorë që kanë pësuar nga kjo rregullore, kanë filluar menjëherë pas mbajtjes së seancës.

“Ishte një sfidë jo e këndshme edhe pse ne në Zyrën e Punësimit kemi vende të lira të punës dhe punëkërkues kemi më pak, mirëpo kjo i ka shqetësuar tej mase sepse punëtorët që kanë punuar një kohë të gjatë apo janë mësuar të punojnë në një rreth tani të largohen nga puna është një shqetësim i madh edhe për ata edhe për ne si institucion. Të shtunën më kanë telefonuar, ata pritet që gjatë javës të vijnë t’i shikojnë konkurset e hapura që janë nëpër lëmi të tjera. Ka dallim shumë kjo ditë, sepse qarkullimi i parave është shumë, për katër ditë brenda muajit që të dielën të mos qarkullojnë paratë tek bizneset dhe normalisht që numri i punëtorëve tek këto biznese duhet të reduktohet pasi që nuk mund të punoj një njeri 24 orë apo shtatë ditë të javës, por ato janë me ndërrime, sipas kontratave me punëdhënësit dhe është shqetësuese sepse vetëm një grup i bizneseve ka kërkuar që e diela të jetë pushim, ndërsa nuk i kanë marrë parasysh as bizneset e vogla e as bizneset e mëdha”, tha Naim Gashi.

Ai thotë se kjo rregullore ndikon negativisht në zhvillimin ekonomik të Ferizajt.

“Unë kam pasur rastin që gjashtë vite të jem udhëheqës i divizionit për hulumtime dhe analiza të diasporës dhe kam vizituar vende të diasporës do të thotë tërë Evropën dhe Amerikën, kështu që nuk mund të merret shembull Gjermania, sepse nuk i kemi ende kushtet si në Gjermani ose të merret Amerika që punon 24 orë shërbim. Vet komuna e Ferizajt para disa viteve për t’iu ofruar shërbim 24 orë ka vendosur një kioskë para komunës që qytetarët të shërbehen me certifikatat e lindjes dhe dokumentat e tjera në mënyrë automatike në formë elektronike, do të thotë qëllimi është që t’u ofrohen shërbime qytetarëve 24 orë e jo të pushohet për shembull tërë dita e dielë dhe të mos punohet fare”, tha Naim Gashi.

Sipas kësaj rregulloreje, bizneset e prekura janë të obliguara të harmonizojnë orarin e punës më së voni 30 ditë pas hyrjes së saj në fuqi.

Ferizaj

330 shoferë në Ferizaj gjobiten për përdorim të telefonit

Published

3 days ago

02 March, 2026

Redaksia

Policia Rajonale e Ferizajt gjatë muajit shkurt ka shqiptuar 330 gjoba ndaj shoferëve që kanë përdorur telefonin gjatë vozitjes, duke rrezikuar kështu sigurinë e pjesëmarrësve në komunikacion.

Policia bën thirrje tek të gjithë pjesëmarrësit në trafik për përqendrim të plotë gjatë drejtimit të e automjetit dhe të shmangin çdo lloj shpërqendrimi sidomos përdorimin e telefonit gjatë vozitjes, pasi edhe një çast pakujdesie mund të ketë shkaktojë pasoja serioze për jetën e njerëzve.

Ferizaj

Gjykata në Ferizaj cakton 1 muaj paraburgim dy zyrtarëve të dyshuar për ryshfet

Published

6 days ago

27 February, 2026

Redaksia

Gjykata Themelore në Ferizaj caktuar masën e paraburgimit në kohëzgjatje prej 1 muaji për dy zyrtarët e KEDS-it të cilët dyshohen për ryshfet.

Kjo pasi, gjyqtari i procedurës paraprake ka pranuar kërkesën e Prokurorisë themelore të Ferizajt për caktimin e masës së paraburgimit ndaj të pandehurve B.B dhe E.K. të cilët janë kapur dhe arrestuar në flagrancë nga ana e Policisë së Kosovës, për pranim të ryshfetit.

Në njoftimin e Gjykatës Themelore të Ferizajt mes tjerash bëhet e ditur se të arrestuarit dyshohen për veprën penale pranimi i ryshfetit në sektorin privat nga neni 309 paragrafi 1 lidhur me nenin 31 të Kodit Penal të Republikës së Kosovës.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake në Departamentin e Përgjithshëm – Divizioni Penal, Dardan Maloku, ka vlerësuar se ekziston dyshimi i bazuar, se më datë 25.02.2026 në Ferizaj, përkatësisht në KEDS, i pandehuri B.B., në cilësinë e koordinatorit të njësisë së kontrollit në Departamentin për humbje të energjisë elektrike, dhe i pandehuri E.K. në cilësinë e ushtruesit të detyrës së koordinatorit për lidhje të reja, gjatë ushtrimit të detyrave të tyre lidhur me ofrimin e shërbimeve ndaj konsumatorëve, në mënyrë të drejtpërdrejte i kanë kërkuar shumën prej katërqind (400.00) € të dëmtuarit A.H., me arsyetimin se njësori elektrik do t`i vendoset brenda një jave në lokalin e tij, në të kundërtën do të duhet të pres pesë deri në gjashtë muaj për vendosjen e njësorit elektrik, si dhe këtë shumë të hollash do të ndanin ndërmjet katër personave, me ç`rast pas zbatimit të masave të veçanta hetimore, të njëjtit janë kapur dhe arrestuar në flagrancë nga ana e Policisë së Kosovës”, thuhet mes tjerash në njoftimin e Gjykatës.

Ferizaj

Arrestohet një person për kanosje me thikë

Published

1 week ago

23 February, 2026

Redaksia

Policia në Ferizaj ka arrestuar një person të dyshuar për tentim të sulmit me thikë.

Në raportin 24 orësh të policisë bëhet e ditur se ngjarja ndodhi të dielën rreth orës 10:10.

“ Është arrestuar i dyshuari mashkull kosovar, pasi që i njëjti pas një mosmarrëveshje kishte tentuar ti sulmoj dy viktimat një mashkull dhe një femër kosovare.

Nga i dyshuari është sekuestruar mjeti i mprehtë thikë. Me vendim të prokurorit kujdestar i dyshuari ndalohet në qendrën e mbajtjes” ka njoftuar policia.