Festivali i Muraleve këtë vit mbahet në shtator

Ky mural që i dedikohet izolimit që ndodhi si shkak i parandalimit të përhapjes së koronavirusit, u punua nga artistët ferizajas në kohë pandemie. Piktorja Lebibe Topalli, bashkë me disa kolege të saj, morën iniciativë që të punojnë këtë mural tek nënkalimi i cili është duke u ndërtuar në qendër të qytetit.

“Tema e këtij punimi është izolimi i fëmijëve gjatë pandemisë, larg shkollave, larg shoqërisë dhe shumë fëmijë e kanë vuajtur këtë situatë, ka dalë një punim edhe i bukur, por edhe me mesazh që do të lë gjurmë sa i përket kësaj pandemie pasi kjo pandemi do të mbetet gjatë në historinë e saj”,tha ajo.


Topalli tregoi se festivali tashmë tradicional i muraleve do të mbahet në shtator. Ajo tha se kanë përzgjedhur temën, por edhe lokacionet.

“Krejt në këto hapësira që janë tek nënkalimi do të bëjmë murale, festivali nuk do të anulohet sivjet, nëse nuk kemi mundësi me pru artistë të huaj do t’i bëjmë me artistë tanë. Kemi vendos që edicioni të jetë në fillim të muajit shtator, ndërsa temën e kemi përcaktuar tashmë është “Ndryshim” që është një temë gjithëpërfshirëse”, tha Topalli.


Murali “Më mungon shkolla”, që ka mbuluar një pjesë të nënkalimit në qendër të Ferizajt, ka zënë vend edhe në mediumin prestigjioz britanik, “The Telegraph”.

Leave a Comment

Your email address will not be published.

This site uses Akismet to reduce spam. Learn how your comment data is processed.

300X220