Kosovë

Demiri: Shkarkimi i Vjosa Osmanit nga LDK-ja, shenjë e keqe për demokracinë

Published

6 years ago

23 June, 2020

Shkarkimi i Vjosa Osmanit nga pozitat e saj brenda Lidhjes Demokratike të Kosovës, nga analistë politik në Ferizaj po konsiderohet rikthim i kohës së diferencimit politik dhe shenjë e keqe për demokracinë në vend.

Afrim Demiri, analist dhe ish-gazetar nga Ferizaj, thotë se ky veprim i LDK-së pa debat të brendshëm politik dhe me votim elektronik, është vetëvrasje politike e kësaj partie.

“E kam parë këtë proces si një proces jodemokratik i cili në esencë nuk e shpreh një demokraci të brendshme të partisë pasi nuk mund të hiqet kuadri kryesor i partisë që deri dje ia ke besuar edhe kandidaturën për të përfaqësuar në garë elektorale si kandidate për kryeministre pa asnjë diskutim të brendshëm politik, prandaj vijmë tek ajo pika më e dobët e partive tona tek demokracia e brendshme partiake dhe logjikisht nuk mund të ndërtohet edhe një sistem demokratik, pasi një parti e cila nuk ka demokraci të brendshme nuk mund të ofroj një qasje demokratike qeverisëse. Këtu është problemi që unë Vjosa Osmanin e shoh si një personalitet të fuqishëm e cila duke mbrojtur votën qytetare i ka dhënë shembull partisë edhe në aspektin e edukimit demokratik”, tha Demiri.

Demiri thotë se shkarkimi i Osmanit shihet edhe si garë politike brenda LDK-së. Sipas tij, udhëheqësit e LDK-së kanë pretendime ta sjellin Avdullah Hotin në krye të partisë.

“Këtu kemi të bëjmë edhe me rivalitete të brendshme partiake për arsye se i dimë përçarjet që ishin në horizont gjatë procesit zgjedhor brenda LDK-së dhe pikërisht ishte figura e Vjosa Osmanit e cila krijoi një unitet të brendshëm partiak dhe mbi këtë unitet u kthye vota e LDK-së e cila u promovua si një shpresë e re demokratike krahas ndryshimeve që ofronte edhe Vetëvendosje që nuk ishte deri tash në pushtet dhe gëzonte një moral publik karshi procesve korruptive, prandaj shkarkimin e saj e shoh një ndërprerje të kësaj fryme. Nëse LDK-ja ishte parimore dhe donte të bënte ndryshime pse nuk e propozoi Osmanin për kryeministre kur ajo ishte e nominuar gjatë procesit zgjedhor, por promovoi për kryeministër një person tjetër, prandaj unë e shoh që nesër z.Hoti ta merr vet partinë, këtu ka një revoltë të madhe e cila nuk mund të fashitet deri në fund pasi Vjosa Osmani është rubikon i LDK-së, por edhe i kthesës demokratike në kuadër të vendit”, tha Demiri.

Pas vendimit të Lidhjes Demokratike të Kosovës, Osmani ka shpjeguar edhe disa arsye pse është shkarkuar, ku ndër të tjera ajo thotë se është diferencuar edhe për shkak se është grua. Arbenita Topalli nga Inciativa për Progres dhe aktiviste e të drejtave të grave në Ferizaj, thotë se shkarkimi i Vjosa Osmanit është mbytje e shpresës për gjininë femërore.

“Në aspektin politik rregullimi i brendshëm i partive politike ka të bëj me funksionimin e tyre demokratik duke konsideruar edhe pozitën e gruas brenda partisë. Pritjet kanë qenë shumë të larta edhe nga qyetarët, sidomos nga gratë nëse e shohim në aspektin gjinor, pasi gjatë aktiviteteve që kemi organizuar sa i përket të drejtave të grave dhe mosdiskriminimit të tyre në shoqëri ka qenë një shpresë Vjosa Osmani për të gjitha gratë në vend duke qenë se përveç që doli një kandidate e suksesshme dhe si kryetare e Kuvendit të Kosovës ka qenë shpresë për të gjitha gratë për të kërkuar të drejtat e tyre në të gjitha fushat, si e drejta e pronës, e punës, e shoqërisë dhe kjo normalisht ka reflektuar edhe me një lloj pakënaqësie në aspektin gjinor nga ana jonë dhe nga ana e shoqërisë. Ky përjashtim pavarësisht procedurave që ka kaluar brenda partisë është e drejtë partiake, por ta përjashtosh një grua e cila ka kontribuar vazhdushëm ndër vite mund të themi që më tepër i ka kaluar pritshmëritë e degradimit të një femre në pozita vendimmarrëse”, tha Topalli.

Topalli thotë se shkarkimi i Osmanit në njëfarë forme ka kthyer sistemin e dikurshëm, atë patriarkal.

“Katër vite kemi që në Ferizaj bëjmë organizime të ndryshme që të ngritim vetëdijen e qytetarëve për respektimin e të drejtave të grave dhe me të vërtet na ka kthyer prapa në këtë drejtim dhe kjo reflekton gjithkund. Kujtojmë që kanë marrë hapa të ngutshëm karshi qëndrimeve që ka pas Vjosa pasi në këto raste e drejta dhe shprehja e mendimit është e lirë pavarësisht a është brenda partisë apo në institucione, përderisa nuk ka pas vendime apo veprime për burra të cilët shprehen sikurse vendimin që e morën për Vjosën“,tha Topalli.

Sipas letrës së kreut të LDK-së drejtuar anëtarëve të Këshillit të Përgjithshëm, Osmani është shkarkuar me 70 vota pro nga 95 sa kishin votuar në Këshillin e Përgjithshëm, kurse 16 ishin shprehur kundër e 9 kishin abstenuar, ndërsa 28 nuk kishin pranuar të merrnin pjesë në votim.

Kosovë

Ish-ministri Astrit Haraqija në mesin e 6 personave të arrestuar për narkotikë

Published

6 hours ago

15 November, 2026

Redaksia

Policia e Kosovës ka arrestuar 6 persona të dyshuar për trafikim dhe shpërndarje të substancave narkotike të llojit kokainë.

Në mesin e të arrestuarve është edhe Ish-ministri i Kulturës, Astrit Haraqija, ka konfirmuar avokati i tij, Korab Bokshi.

Në njoftimin e Policisë bëhet e ditur se gjatë aksionit të koduar “Heshtja”, të zhvilluar të shtunën, më 14 nëntor , janë sekuestruar rreth 1.6 kilogramë kokainë, si dhe sasi të tjera të substancave të dyshuara narkotike, përfshirë marihuanë dhe substancë të panjohur, si dhe tableta të dyshuara të ekstazisë.

Para të gatshme në valuta të ndryshme, në vlerë prej rreth 16 mijë eurosh, 6 vetura të markave luksoze të ndryshme, telefona mobilë, pajisje elektronike dhe të komunikimit, pajisje për vëzhgim, ora luksoze dhe stoli të çmuara, një armë zjarri, municion, thika, peshore digjitale dhe pajisje për paketimin e substancave narkotike, si dhe dokumente dhe shënime të ndryshme që do të trajtohen në kuadër të procedurave hetimore.

Aksioni u realizua në disa lokacione në rajonin e Prishtinës në bashkëpunim me Agjencinë e Kosovës për Inteligjencë.

Me vendim të Prokurorit të Shtetit, të dyshuarit janë dërguar në ndalim policor për 48 orë.

Të gjitha veprimet policore janë ndërmarrë nën mbikëqyrjen dhe koordinimin e Prokurorisë Themelore në Prishtinë – Departamenti për Krime të Rënda.

Kosovë

Kush është Mikhail Bogachek, i nominuari i Trumpit për ambasador të SHBA-së në Kosovë?

Published

4 days ago

11 November, 2026

Redaksia

Presidenti amerikan, Donald Trump, nominoi Mikhail Bogachekun për ambasador të ri të Shteteve të Bashkuara në Kosovë, duke ia dërguar emrin Senatit amerikan për konfirmim.

Nominimi i tij u bë i ditur përmes një njoftimi të publikuar në faqen zyrtare të Shtëpisë së Bardhë, më 10 nëntor.

Ambasada amerikane në Prishtinë aktualisht udhëhiqet nga e ngarkuara me punë, Anu Prattipati, pasi ambasadori paraprak, Jeff Hovenier, përfundoi mandatin e tij trevjeçar në fund të dhjetorit të vitit 2024.

Kush është Mikhail Bogachek?

Michael Bogachek aktualisht mban pozitën e drejtorit ekzekutiv në Organizatën e Shteteve Amerikane (OAS), ku mbikëqyr operacionet administrative, financat, prokurimin, burimet njerëzore dhe teknologjinë informative, sipas një biografie të publikuar në faqen e organizatës.

OAS-i, i themeluar në vitin 1948, përfshin 35 shtete të kontinentit amerikan dhe ka për qëllim forcimin e demokracisë, mbrojtjen e të drejtave të njeriut, sigurinë dhe zhvillimin.

Sipas biografisë së tij, Bogachek ka mbi 25 vjet përvojë në sektorët e shëndetësisë, teknologjisë dhe menaxhimit institucional.

Më herët, ai ka qenë drejtor operativ në kompaninë VativoRx, e cila merret me administrimin e përfitimeve farmaceutike në SHBA.

Ai ka themeluar edhe kompaninë Cooperton, e specializuar në sigurinë kibernetike dhe menaxhimin e krizave, si dhe kompaninë PharmaLife, që merret me teknologjinë në sektorin farmaceutik.

Bogachek ka diplomuar në Inxhinieri Industriale dhe të Sistemeve në Institutin e Teknologjisë të Xhorxhias dhe ka doktoraturë në Bioinxhinieri.

Ai ka përfunduar, gjithashtu, një program për drejtues biznesesh në Shkollën e Biznesit të Harvardit.

Flet rrjedhshëm gjuhën ruse, ukrainase dhe hebraike.

Nominimi për ambasador në Kosovë është pjesë e një liste më të gjerë emërimesh, të dërguar nga administrata Trump në Senat, më 10 nëntor.

Nominimi mes sfidave në marrëdhëniet Kosovë-SHBA

Nominimi i Bogachekut vjen në një periudhë kur marrëdhëniet ndërmjet Kosovës dhe Shteteve të Bashkuara janë përballur me sfida, përfshirë pezullimin e Dialogut Strategjik nga Uashingtoni në vitin 2025.

SHBA-ja e pezulloi këtë dialog, duke shprehur shqetësime për veprimet e Qeverisë së atëhershme në detyrë ndaj institucioneve serbe në Kosovë dhe kritikat e saj ndaj Gjykatës Kushtetuese, të cilat, sipas Uashingtonit, kishin rritur tensionet dhe kishin kufizuar mundësitë për bashkëpunim në prioritetet e përbashkëta.

Në korrik të këtij viti, Departamenti amerikan i Shtetit i tha REL-it se rifillimi i Dialogut varet nga krijimi i kushteve të nevojshme, përfshirë përmbushjen e zotimeve të Kosovës ndaj serbëve.

Më herët gjatë këtij viti, administrata Trump nominoi ambasadorë edhe për Shqipërinë, Serbinë, Bosnje e Hercegovinën dhe Malin e Zi.

Senati amerikan e konfirmoi Eric Wendtin si ambasador në Shqipëri më 7 gusht, ndërsa kandidatët për tri vendet e tjera ende janë në pritje të konfirmimit.

| Radio Evropa e Lirë

Kosovë

Arrestohen pesë persona dhe sekuestrohen 37 kilogram heroinë

Published

2 weeks ago

04 November, 2026

Redaksia

Prokuroria Speciale e Republikës së Kosovës, në bashkëpunim me Policinë e Kosovës dhe Agjencinë e Kosovës për Inteligjencë, ka realizuar një operacion të koduar si “Rikthimi”‘” i cili rezultoi me zbulimin dhe sekuestrimin e mbi 37 kilogramë substancë të dyshuar narkotike e llojit heroinë.

Sipas informacioneve të dhëna, në këtë operacion janë sekuestruar 37 kilogramë heroinë, të ndarë në 62 paketime, me vlerë tregu mbi gjysmë milioni euro.

Po ashtu, janë arrestuar pesë të dyshuar për veprat penale të pjesëmarrjes në grup kriminal të organizuar dhe të blerjes, posedimit, shpërndarjes dhe shitjes së paautorizuar të narkotikëve. Operacioni është realizuar mbi bazën e informacioneve të siguruara nga AKI-ja dhe falë bashkëpunimit ndërmjet institucioneve të sigurisë dhe drejtësisë.