Ferizaj

”AVONET” kërkon që shkollat e çerdhet të shndërrohen në qendra të COVID-19

Published

5 years ago

11 November, 2020

Derisa Sindikata e Arsimit dhe Këshilli i Prindërve në komunën e Ferizajt kanë deklaruar se procesi mësimor duhet të vazhdoj të zhvillohet nëpër institucione shkollore, rrjeti i organizatave joqeveritare ”AVONET” po kërkon që shkollat të mbyllen dhe ato të shndërrohen në qendra trajtimi për pacientët e infektuar me Covid-19.

Drejtori i kësaj organizate Kenan Gashi, thotë se procesi mësimor duhet të ndërpritet për më shumë se dy javë derisa të stabilizohet gjendja me pandeminë në nivel vendi.

“Burimet e infeksionit sipas hulumtimeve që kemi bërë vijnë nga institucionet e vendit dhe kjo është arsyeja që ne kemi kërkuar që të mbyllen shkollat dhe disa prej shkollave të kthehen në qendra të trajtimit për personat që janë të infektuar me Covid-19 dhe spitalet të jenë të lira për rastet e tjera, pasi rastet e tjera nuk janë duke mundur me u trajtu. Ne këtë po e kërkojmë për shkak se shkollat kanë hapësira më të mëdha dhe lëvizjet mund të jenë më të mira edhe të pacientëve edhe punëtorëve shëndetësor, por edhe përcjellësve dhe jo sikur në institucionet shëndetësore ku në një dhomë kemi 3-4 pacientë, kështu që çerdhet dhe shkollat janë mundësia më e mirë për t’u kthyer në qendra të Covid-it dhe të trajtimit të personave të infektuar”, tha Gashi.

Në anën tjetër, drejtori i Arsimit në Ferizaj Afrim Llabjani, disa herë ka deklaruar se shkollat nuk janë burim i infeksionit.

“Është një çështje e cila i përket edhe institucioneve të tjera apo instancave më të larta shtetërore, por megjithatë ne do të jemi të kujdesshëm që mos të bëhet përhapja e tij, megjithatë po e them që shkollat nuk kanë qenë burim i infeksionit pasi ne kemi kaluar një muaj e gjysmë të procesit mësimor dhe nuk kemi numër të shtuar të nxënësve dhe mësimdhënësve, por këta nxënës dhe mësimdhënës të cilët janë të infektuar munden të jenë burim i infeksionit edhe dikund tjetër dhe jo në shkolla dhe kjo është e mira që duhet të vazhdojmë kështu përndryshe çdo hap tjetër i cili duhet të ndërmerret në bashkëpunim me Ministrinë e Arsimit, atë të Shëndetësisë dhe IKSHPK ne do të ndërmarim masa dhe do të veprojmë“, u shpreh Llabjani.

Gashi po akuzon edhe institucioent e tjera se janë shkaktar të përhapjes së virusit.

“Ne kemi parë edhe gjendjen e keqe nëpër institucione ku nuk ka dezinfektues, nuk bëhet dezinfektimi në hapësirat e tyre dhe ky është një shkaktar kryesor që është përhapur infeksioni dhe kështu që institucionet dinë të japin vërejtje qytetarëve, por vet institucionet që shqiptojnë gjoba nuk janë të përgjegjshëm në punën e tyre”, theksoi Gashi.

Gjatë ditës së sotme kryeministri i Kosovës Avdullah Hoti ka thënë se shkollat do të vazhdojnë të jenë të hapura duke respektuar manualin e dalë nga Ministria e Shëndetësisë.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.