Connect with us

Arsim

Shkolla e muzikës “Çesk Zadeja”, e hapur edhe për komunat fqinje

Published

on

Në prag të regjistrimit të afatit të dytë në Shkollën e mesme të Muzikës “ ÇESK ZADEJA “, në Ferizaj, pritet të plotësohen të gjitha vendet e parapara me konkurse që i shpallë MASHT-i.  Ajo është e hapur edhe për nxënësit nga komunat fqinje prej Hanit të Elezit e deri tek Lipjani.

Për më shumë, për përgatitjet që po bëhen për vitin e ri shkollor, na tregoi Drejtori i kësaj shkolle Bardhyl Abazi.

“Kemi përfunduar afatin e parë të pranimit të nxënësve, ku pas atij konkursi janë pranuar në dy paralele. Për klasë të dhjetë, kemi pas të planifikuara nga dy paralele në drejtimin e muzikës dhe të artit figurativ, kështu që me datën 23 sipas kalendarit të Ministrisë do të hapet edhe konkursi i dytë plotësues, besoj që edhe në atë afat do të ketë nxënës të ri të cilët kanë me ardh në shkollën e muzikës.”

Bardhyl Abazi – Drejtor i shkollës “Çesk Zadeja”
Bardhyl Abazi – Drejtor i shkollës “Çesk Zadeja”

Në kuadër të kësaj shkolle, e cila ka shtrirje rajonale, ekzistojnë edhe 9 degë instrumentale për ciklin e ulët të muzikës. Drejtori Abazi tregon se pandemia ka ndikuar paksa në uljen e nxënësve në vitin e fundit shkollor.

“Në shkollën e ulët është një trend i cili në vazhdimësi po shkon duke u rrit për t’i ndjekur mësimet në instrumente muzikore. Sipas statistikave që i kam, që i kemi bërë për nevoja të brendshme të shkollës domethënë numri në shkollën fillore në tetë vjeçarin e fundit  është rritë për 50%. Më gëzon fakti që edhe në shkollën e ulët, nëse dikur kanë ndjekë mësimet vetëm nxënësit e qytetit, sot ndjekin mësimin nga fshatrat edhe Komunat për rreth Ferizajt, sepse shkolla e muzikës është shkollë regjionale, kështu që edhe nga qyteti më i largët, po e thamë siç është Hani i Elezit, por edhe nga Komuna e Lipjanit, kemi nxënës që ndjekin shkollën e ulët të muzikës.”

“Për dallim nga vitet e kaluara duket se është një trend i ramjes së interesimit siç duket pandemia ka ndikuar se na kryesisht një pjesë e madhe e nxënësve që gravitojnë nga Komunat e tjera ata gjithmonë e kanë plotësuar numrin, fatkeqësisht gjithmonë është dashtë me i refuzuar për shkak mundësive, por në këtë vit sikur ka qenë një ardhje më e vogël nga komunat për rrethe. Në planifikimin që e ka bërë shkolla janë planifikuar drejtime të reja, por Ministria nuk i ka miratuar, ministria ka shkuar me një miratim të viteve të kaluara kështu që e ka përsërit atë planifikim, nuk ka planifikime të reja për këtë vit. Na në shkollën fillore i kemi të hapura 9 degë të instrumentalit. Kemi pretenduar që në këtë vit me e hapë edhe një degë të re por siç duket është e pa mundur kështu që vazhdojmë me ato 9 degë.”

Bardhyl Abazi – Drejtor i shkollës “Çesk Zadeja”

Gjatë katër viteve të fundit në Shkollën e Muzikës është shtuar interesimi në instrumente, por më së shumti në instrumentin e pianos dhe të kitarës sa që lind nevoja edhe për staf të ri për këto drejtime, ndërsa instrumente frymore e kanë një rrjedhje të vazhdueshme.

Continue Reading
Click to comment

Leave a Reply

Your email address will not be published. Required fields are marked *

Arsim

Të enjten në Ferizaj ndihmohen prindërit për aplikim për subvencionimin e librave

Published

on

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Continue Reading

Arsim

Në E-Kosova hapet platforma për subvencionimin e librave shkollorë

Published

on

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Continue Reading

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

on

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.

Continue Reading

Trending